Versete biblice populare din Salmos 63

Împărtășește

Jaha Díos kuènténi, xritjeyáni ti jaha. Éxi ìnta̱ tꞌenxíni mé xi̱kaha ticháxi̱nhini ti jaha, kixin ti a̱séni la éxi ijnko nonte xámá kohya ìnta̱, xi̱kaha itjeni.

A̱ntsí sínkí ti tjue̱hé chojni ke ti kjuachón. Méxra̱ ti irꞌuani mé tsotjáxiani kjuasáya.

Mé xi̱kaha tsotjáhani kjuasáya ti na̱xa̱ tjechóni ntihi chjasintajni, la kjuachaxíen ihni̱á tsja̱ya̱ni itjani kixin tsjikosáyeheni ti jaha.

Tjinkaoni chrókꞌuíkoni ti jaha nkaxehen ti ni̱nko kuèntá kixin chrókꞌuíkoni ti kjuachaxin tétua̱nxián.

Chéhe̱ni kixin itjeni chrínkí ti itsꞌuan kuèntá kixin jaha mé tjínki̱tsani. Ti itjen jaha mé chjinaxón itjen ti a̱séni kixin ti itjá chjina tꞌayakuénxiani.

A̱ndá ti ó sítie jeheni tjetsínkani tjeto̱kꞌéheni la xraxinkaoni ti jaha.