Versete biblice populare din حوارئلر 5

Împărtășește

آمّا پطروس و حوارئلر جاواب ورئب ددئلر: «بئز گرک ائنسانلاردان یوخ، تاریدان ائطاعت ادک.

و هر گون معبدده و اِودن اِوه تعلئم ورمکدن و عئسانین مسئح اولدوغونو موژده ورمکدن ساکئت اولموردولار.

لاکئن پطروس ددی: «حنانئیا، نه اوچون شیطان اوره‌یئنی دولدوروب کی، موقدّس روحا یالان دئیه‌سن و مولکون پولوندان بئر قئسمئنی ساخلایاسان؟ مگر ساتیلمامیشدان قاباق سنئن اؤزونون دیئلدی؟ ساتیلاندان سونرا دا مگر سئنئن اؤز ائختئیاریندا دیئلدی؟ نه اوچون بو عملی اوره‌یئنه سالدین؟ سن ائنسانلارا یوخ، تارییا یالان دیئبسن.» حنانئیا بو سؤزلری اشئدنده یره ییخیلیب، آخیر نفسئنی چکدی و بونون خبرئنی اشئدنلرئن هامیسینی بؤیوک بئر قورخو بورودو.

و ائندئکی وضعئیّت باره‌ده سئزه دیئرم؛ بو آداملاردان اَل چکئن و اونلاری بوراخین. چونکی اگر بو تشبّوث و بو حرکت ائنسانلاردان اولسا، پوزولاجاق. آمّا اگر تاریدان اولسا، اونو پوزماغا سئزئن گوجونوز چاتماز. و حتّا تاری ائله ساواشانلارین حالینا دا دوشه بئلرسئنئز.»