Mga Salmo 99
99
Salmo 99
1Naghari ang Ginoo ug naglingkod siya sa iyang trono
taliwala sa mga kerubin.
Busa nangurog ang mga tawo
ug natay-og ang kalibotan.
2Gamhanan ang Ginoo sa Zion#99:2 Zion: mao usab ang Jerusalem.;
naggahom siya sa tanang katawhan.
3Modayeg ang mga tawo kaniya tungod kay gamhanan
ug katingalahan siya.
Balaan siya!
4Gamhanan siya nga Hari, ug nahigugma siya sa katarong.
Wala siyay pinalabi sa iyang paghukom,
ug gihimo niya ang matarong ug husto sa Israel#99:4 Israel: sa Hebreo, Jacob..
5Dayega ang Ginoo nga atong Dios.
Simbaha siya sa iyang trono#99:5 trono: sa literal, tungtonganan sa iyang tiil..
Balaan siya!
6Si Moises ug si Aaron ang duha sa iyang mga pari,
ug si Samuel ang usa sa mga nag-ampo ngadto kaniya.
Mitawag sila sa Ginoo ug gitubag niya sila.
7Nakigsulti siya kanila gikan sa panganod nga daw haligi;
gituman nila ang mga pagtulon-an
ug mga tulomanon nga gihatag niya kanila.
8 Ginoo nga among Dios, gitubag mo ang mga pag-ampo sa imong katawhan#99:8 sa imong katawhan: sa Hebreo, nila. Mahimong mao sila si Moises, Aaron, ug Samuel sa bersikulo 6..
Gipakita mo kanila nga mapinasayloon ka nga Dios
bisan gisilotan mo sila tungod sa ilang mga sala.
9Dayega ang Ginoo nga atong Dios.
Simbaha siya sa iyang balaang bungtod,
kay balaan ang Ginoo nga atong Dios.
Atualmente Selecionado:
Mga Salmo 99: APD
Destaque
Compartilhar
Comparar
Copiar
Quer salvar seus destaques em todos os seus dispositivos? Cadastre-se ou faça o login
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.