Mga Salmo 127
127
Salmo 127
Ang awit samtang gatungas. Sulat ni Solomon.
1Kon wala ang tabang sa Ginoo sa pagtukod ug balay,
walay kapuslanan ang kahago sa nagtukod niini.
Kon dili panalipdan sa Ginoo ang siyudad,
walay kapuslanan ang pagtukaw sa tigbalantay.
2Walay kapuslanan ang pagmata ug sayo
ug pagbilar sa gabii sa paghago aron adunay pagkaon,
kay ang Ginoo mohatag sa mga kinahanglanon sa iyang mga hinigugma, samtang natulog sila.
3Ang mga anak gasa ug panalangin gikan sa Ginoo.
4Ang mga anak nga natawo sa batan-on pa
ang amahan sama sa mga pana diha sa mga kamot sa usa ka sundalo.#127:4 mga pana…sundalo: ang buot ipasabot, ang mga anak makaatiman ug makapanalipod sa ilang amahan kon tigulang na siya.
5Bulahan ang tawo nga adunay daghang anak,#127:5 anak: sa literal, pana.
kay dili siya mapildi kon makig-atubang siya sa iyang mga kaaway sa hukmanan.
Atualmente Selecionado:
Mga Salmo 127: APD
Destaque
Compartilhar
Comparar
Copiar
Quer salvar seus destaques em todos os seus dispositivos? Cadastre-se ou faça o login
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.