Ezequiel 15
15
Ang Sambingay bahin sa Paras
1Unya miingon kanako ang Ginoo, 2“Tawo, sa unsang paagi nga ang punoan sa paras labaw sa bisan unsang kahoy sa kalasangan? 3Makahimo ka bag bisan unsa gikan sa punoan sa paras? Makahimo ka bag bisag ugsok na lamang gikan niini aron himoong sab-onganan? 4Maayo lamang kining ihaling ug kalayo ug sa dihang maut-ot na ang isigkatumoy niini ug ang tungatunga maoling na, may kapuslanan pa ba kini? 5Wala man gani kini kapuslanan sa wala pa kini masunog, labaw pa gayod sa dihang maut-ot na kini sa kalayo ug mahimo nang uling!”
6Busa ang Ginoong Dios miingon: “Sama sa punoan sa paras gikan sa lasang nga gisugnod ko sa kalayo, mao kini ang buhaton ko sa mga lumolupyo sa Jerusalem. 7Silotan ko sila ug bisan tuod ug nakaikyas sila sa kalayo, masunog ra gihapon sila ug masayod kamo nga ako mao ang Ginoo. 8Unya himoon kong kamingawan ang ilang yuta kay mibiya man sila kanako.” Ang Ginoong Dios maoy nagsulti niini.
Atualmente Selecionado:
Ezequiel 15: RCPV
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 1999 Philippine Bible Society
