MAT 11
11
बाप्तिस्मा शेशेतोड योहानदी प्रश्न
1येशुड वान बारा शिष्यलकी आज्ञा इच्चीनेंका आंदुकेल यल्या इंगा नगर-नगर इंगा उळ-उळ तिरगी नेरपेदेंक इंगा उपदेश शेशेदेंक आंट्या.
2यप्पुड बाप्तिस्मा शेशेतोड योहान तुरुंगला उंड्या. वाड ख्रिस्तड शेशीने फनुला बद्दल इन्या. आप्पुड वाड वान शिष्यल शेयता निरोप आंप्या. 3इंगा वार वच्ची वान आडगीर, “नु वाडे ख्रिस्त उंडाव येम? यवान परमेश्वर आंपेद अभिवचन इच्चीन्या, का मिम इंगोगोनदी दावा सुशेद?” 4येशुड उत्तर इच्या, “जे मीर इंटार इंगा सुस्तार आदी मीर योहानकी फोई शपना. 5गुड्ड्योर सुस्तार, कुंट्योर नडस्तार, कुष्ठरोग्याल शुद्ध आयतार, यवारकी इना दाद वार इंटार, सच्चीनोरनी लेपेदेंक वस्ताद इंगा गरीब मंदीक सुवार्ता शप्पेदेंक वस्ताद. 6यवार पण ना इचांग अडखायार वार धन्य उंडार.”
7योहान शिष्यल फोयेताप्पुड येशुड योहान बद्दल मंदी जताक माटलाडदेंक आंट्या, मीर मरु भुमीलोंग येम सुशेदेंक फोइंटीर? घालीता उगेद गड्डी येम? 8मीर येम सुशेदेंक फोइंटीर? फिर्याम बट्टाल फेटकुन्ने मनशीन सुशेदेंक फोइंटीर येम? फिर्याम बट्टाल येस्कुनेतोर राजमहलला उंटार. 9तर मंग मीर बैटीक येनटीक फोइंटीर? संदेष्ट्यान सुशेदेंक येम? हुं. निन मिक शपतान इंगा संदेष्ट्याल काना पण फेद्दावोड इल्ला वान.
10 वाड इडे उंडाड यवान बद्दल पवित्र शास्त्रला राशीनेद उंडाद की,
सुड, निन ना दुतनी नी मुंदारकी आंपतान
वाड नी इचांग दावा तैयार शेशी.
11 निन मिक खरेम शपतान की, आंडीदान तीकेल फुट्टीनोर दिंटल्या बाप्तिस्मा इच्चेतोन योहान काना पण फेद्दावोड इल्ला यवाडुच कालेद, तरी पण स्वर्ग राज्यला यवाड आंदार काना शिन्नावोड उंडाड, वाड वान काना फेद्दावोड उंडाड. 12बाप्तिस्मा शेशेतोड योहान प्रचार शेशेद सुरु शेशा, आबदनोट इबद नंताक मंदी स्वर्ग राज्य मिंदा पुर्ण ताकतता आक्रमण शेस्तुनार इंगा आक्रमण शेशेतोर आदी जबरदस्ती नांचकुनेद प्रयत्न शेस्तुनार. 13येनटीक की योहान वच्ची नंताक आन्नी संदेष्ट्याल इंगा मोशेन नियमशास्त्रल भविष्य शप्पीर. 14इंगा जर मीर आदी स्वीकार शेशेदेंक तैयार उंडार तर वच्चेतोड एलीयाड वाड इडे उंडाड. 15यवारकी गुम्माल उंडाय वार इनना.
16 इ पिढीद निन येनटी जताक बराबरी शेयदुन? यवार संताला कुसनीगास मना जता गंगुलान फिलस्तार वार लेका इदी पिढी उंडाद. वार आंटार.
17 मिम मी इचांग फदुल वास्तीम तरी मीर नाचायालेद. मिम मी इचांग येडशी शोक संगीत वास्तीम तरी मीर मा जताक येडवालेद. 18येनटीक की योहान आडवी तेन्या इंगा मिडताल तिनदु आंका वार आंटार वानकी दैयाम फट्टीनाद. 19पण मनशी कोडकु तिनी-तागी वच्या. वार आंटार, सुडना, इड खादोड्याड इंगा दारु पिदाड्याड, जकातदार इंगा पापी मंदी जतागंगुड, पण ज्ञान दान मंची फनुलाता योग्य ठराशीनाद.
याद शहर पापलाकेल परमेश्वर तीकुड तिरगाले दान बद्दल दु:ख
20आप्पुड या नगरलाला येशुड आंदार काना जास्त चमत्कारलु शेशीन्या आ नगरलोन मंदी पापलाकेल परमेश्वर तीकुड तिरगा लेद आंका येशुड वारकी दोष इच्या. 21“हे खोराजीन नगरला निलचेतोर मंदीलाला, मिक धिक्कार उंडाला, हे बेथसैदा नगरला निलचेतोर मंदीलाला मिक धिक्कार उंडाला, येनटीक की मी दिंटल्या याय पराक्रमी फनुल शेशेदेंक वच्या आय जर सोर इंगा सिदोन नगरला शेशेदेंक वच्चीन्टे तर वार लगेच पहिला गोणपाट येस्केन इंगा फयीक बुडदी तीक्केन पापलाकेल परमेश्वर तीकुड तिरगुतुनीर. 22पण निन मिक शपतान की, न्याय दिनमुनाड सोर इंगा सिदोन इ शहरला काना पण मिक जास्त त्रास आय्यी. 23इंगा हे कफर्णहुम शहरलोन मंदीलाला, मीर येम स्वर्ग नंताक लोत आय्यार येम? मीर नरक नंताक किंदीक फोयार, येनटीक की याय चमत्कारलु मी दिंटल्या शेशेदेंक वच्या आय जर सदोमला शेशेदेंक वच्चीन्टे तर आदी नगर इप्पुड नंताक टीकाशी उंटुन्या. 24पण निन मिक शपतान की, न्याय दिनमुनाड सदोम शहर काना पण मिक जास्त त्रास आय्यी.”
बिळ्ळालेका वागास्काम
25मंग येशुड आन्या, “हे यब्बा, स्वर्ग इंगा पृथ्वीटोड प्रभु निन नीक धन्यवाद इस्तान येनटीक की नु इ माटलु ज्ञानी इंगा बुद्धीमान मंदी तीकेल दाशी फेट्टी यवार शिन्ना बिळ्ळालेका अडानी मंदी उंडार वारकी प्रकट शेस्ती. 26हुं यब्बा, नु इदी शेस्ती, येनटीक की खरेमे निक इद्दे योग्य वाटाशीन्या. 27ना आब्बाड नाक आंताच इच्चीनाड इंगा आब्बान इडशी यवार पण कोडकुन गुरतु फट्टार इंगा कोडकुन इडशी यवानकी प्रकट शेशेद कोडकुद इच्छा उंडाद वान शिवाय यवारुच आब्बान गुरतु फट्टार.
28 यवार, थकाशीनार इंगा भारी वजन किंदा दबाशीनार इल्ला आंदार मीर ना देगार दांडा आंटे निन मिक आराम इच्यान. 29निन अंतकरणता लीन इंगा नम्र उंडान, आंका नाद जु मी मिंदा तिस्कोंडा, ना तीकेल नेरस्कोंडा, आंटे मी जेमुक आराम शिक्की. 30येनटीक की नाद जु सोपा उंडाद इंगा नाद वजन हलका उंडाद.”
Atualmente Selecionado:
MAT 11: WNT
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
