Esa 55
55
Ðob ðamaj lo Luwah kïta deg tube
1Dekïðen kï kïnda õa a ne,
kï ðe ta mant.
Ke de kï nar loa goto kaa,
ada ðe.
I ndïgen kum nya, i san
i ðen, i ta ãin.
2Kïtøði a i tîn ne nar losï kø
kïta nyasa kï ad de tøg al a?
Kïtøði i ðan ne kïla
kïta nyasa kï a ndan de al a?
Oon dø ndim. Na a i san nya kïmaj,
rosï a nelsï kï nyasa kï mboola i ngãi.
3I nelïn mbisï, i ðen kïromt.
Oon dø, na rosï a aj.
M'a m'un køm sesï
kï kunkø kï tokïnõt,
m'a m'øjsï kamkë lom kïjeje
tit'n m'øj Dabid nõ.
4Oon m'ndaa kad i ngemanaj
kï ro girrdegt kïdangdang,
ngekørrta ðob kï ngekõþe dø degt tø.
5Oo, a i kun girrdeg kïdangdang
kï i gerd al,
na girrdeg kïdangdang kï gerin al
a ãin kïroit,
kïta Bïraþe Luwah loi,
kïta Ngekunjðang kïnge Israel,
kïta la køsïgon døit.
6I sahn Bïraþe
kaglot kï sumba kad i ngahna ne,
i kon kïdøat
lon i nderrbe þaitø.
7Kï ngeðamajal nyàgo ðob lon kø.
Kï ngeðagootal nya tagahng tø.
Kï tel kï ro Bïraþet,
a oo kumtondo loa;
kï tel kï ro Luwaht loj tø,
a nyàgo majal kø kïnõbe.
8Kïtø tagahmg in tit tagahsïg al,
ðobg lom in tit ðobg losï al,
Titbe kel Bïraþe.
9Tit'n dørã in sãi kï døning ye,
titbe tø la ðobg lom in dõ dø ðobgt losï,
tagahmg in dø tagahsïgt tø ho.
10Kïtø tit'n ndii edïn
na la neij tuso ko dõ,
tel gog al, na nyom døning,
ad kumnya þa tøg,
ad kumnya ngeduba
kï nyasa kïta ngesaa ye;
11titbe tø la ta lom kï tee tamt
a tel kïromt kari al,
na a tølkon ndig lom;
maj a ura dø kïlat kï m'laa tø.
12Kïtø a i teen kï ronel,
a ørrsï ta ðob kï lapia.
Mbalbog kï doorlog
a øsïm pa nõsït.
Kagg tube kïkam mut
a ndan jid tø.
13Kag sipres a þa goot kõnt,
myrt tø a þa goot ngarrt.
A i nyatøko kïta Bïraþe,
a i nyakøj kï tokïnõt kï a goto al.
Atualmente Selecionado:
Esa 55: MB80
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
BIBLE MBAÏ © 1980 Alliance Biblique du Tchad.
