Rom 8
8
Wɛ Sin-laao kom na pae dé ke kikia yalo to
1Konto to, balo na me de Yezu Krista to daa bá ga bora Wɛ tei ne. 2Wɛ Sin-laao kom mo pae dé jege ŋwea Wɛ tei ne Yezu Krista ŋwaane. Konto dam dem mo pɛ dé na verem tusim dedaane toone jeŋa ne. 3Debam na ye nabiina ye dé bwona to mo pae se dé ware Wɛ nia yam dé taa tɔga. Konto ŋwaane dé daa bá wane dé na chega Wɛ tei ne o nia yam tɔgem ŋwaane. Mo kokuri pa se Wɛ déem toŋe o tete Bu se o ba o ji nabiinu, ye o nye de nabiina balo tusim na wae-ba to. O ma ba o te nabiina wɛleera saarem ŋwaane, se o ma chɔge tusim na jege dam delo nabiina baŋa ne to. 4Wɛ ke konto se ko pa dé na chega o tei ne, nenɛɛne o nia yam na bere we dé jege se dé taa ye tei to maama. Kolo ŋwaane debam ye balo na tɔge Wɛ Sin-laao kom chwoŋa kam ye dé ba sɛ wo-yɔɔro telo nabiina fera na zoore to. 5Balo nam na tɔge wo-yɔɔro konto dwoŋi to tiini ba kwei ba boboŋa ba tiŋi wonnu telo nabiina boboŋa na lage to baŋa ne mo. Ko daare balo na tɔge Wɛ Sin-laao kom chwoŋa to mo kwei ba boboŋa ba tiŋi wo-laaro telo Sin-laao kom boboŋa na lage to baŋa ne. 6Nɔɔno boboŋa ná tɔge wo-yɔɔro telo nabiina fera na zoore to, toone wó ja konto tu Wɛ yiga ne. Wolo boboŋa nam na tɔge Wɛ Sin-laao kom chwoŋa to wó na ŋwea Wɛ tei ne de bochare-zuru. 7Kokuri, nɔɔno ná tɔge nabiina boboŋ-yɔɔro tem, kotu ye Wɛ dono mo, o na ba sɛ o tɔge Wɛ nia yam ye o ware-ya o ke to ŋwaane. 8Balo maama na tɔge wo-yɔɔro telo nabiina boboŋa na lage to nam bá wane ba pwoli Wɛ wo.
9Abam nam ba tɔge nabiina boboŋ-yɔɔro na lage kolo to. Ko ná ye chega we Wɛ Sin-laao kom wo á bochara ne, á wó ta‑á tɔge ko na bere abam chwoŋa kalo to mo. Yezu Krista Sin-laao kom nam na tere nɔɔno wolo tei ne to seene o dae Yezu nyem.#1 Korinti 3:16 10Yezu Krista nam na wo abam tei ne to, á jworru tem mo jege ŋwea Wɛ yiga ne, á na jege chega o tei ne to ŋwaane. Á yera yam nam jege se ya te, tusim na tei-ya to ŋwaane. 11Wɛ mo bi Yezu toone wone. Konto ŋwaane, o Sin-laao kom ná wo á bochara ne, Wɛ wó pa se abam yera yalo na jege se ya te to jwoori ya na ŋwea, o Sin-laao kom na wo á bochara ne to ŋwaane.
12A nu-bia bam, ko bere we dé laam jege zele mo dé zeŋa. Ko nam dae se dé taa tɔge wo-yɔɔro telo nabiina boboŋa na lage to. 13Kolo ŋwaane, á ná tɔge nabiina boboŋa na lage kolo to, toone wó ja abam Wɛ yiga ne. Ko daare, á nam ná tɔge Sin-laao kom dam ŋwaane á che á tete de keim-lwanno telo á yera yam na lage to, á wó na ŋwea Wɛ tei ne. 14Balo maama na pae se Wɛ Sin-laao kom taa tei-ba to mo ye Wɛ bia. 15Jworo kolo Wɛ na ke á bochara ne to ba pae se foone jwoori de taa jege abam ne kabɛ mo tei. Wɛ Sin-laao kom nam pae se á ye Wɛ bia mo. Ko maa pae dé jege chwoŋa se dé bwoŋi Wɛ we, “Dé Kwo, Baba.” 16Wɛ Sin-laao kom nam gwaane dedaane debam dedoa dedoa jworo kom, ye ko pae dé yei we dé seene dé ye Wɛ bia.#Galatia 4:5-7 17Dé na ye Wɛ bia to, dé wó ba dé taa tei wo-laaro telo maama o na tiŋi se o pa o bia bam to. Dé wó tɔge de o Bu Yezu Krista dé jwoŋi kolo maama Wɛ na tiŋi se o pa‑o to. Dé ná sɛ se dé tɔge dé na Yezu yaara yam dwoŋi, dé laam wó tɔge dé na o paare dem dwoŋi.
Dé jege teena we dé wó di paare Wɛ tei ne
18Amo boŋe we, dé na yeini dé na yaara yalo leile to bá wane ya taa mae de paare delo Wɛ na wó pa dé na o tei ne to.#2 Korinti 4:17 19Wɛ na naane wonnu telo maama to tiini te jege teena se te na dɛ dem Wɛ na wó pa o bia bam lɔre jaja to. 20Wonnu telo Wɛ na naane to nam tu te ji wo-yɔɔro. Te na jigi wo-yɔɔro konto to, ko ye Wɛ boboŋa ŋwaane mo, ye ko dae wonnu tem tete na lage tei to. Wɛ mo pɛ te ji wo-yɔɔro ye o nam ta pa dé jege teena we, 21wonnu telo maama o na naane to wó ba te na verem, se te daa yé taa chɔga ne te zem na yeini te chɔge tei to. Wɛ wó fɔge o kwɛ-te se te laam ba te na nenɔŋa o tei ne, se ko maŋe de Wɛ bia bam tete na wó na paare delo to.
22Dé yei we wonnu maama tɔge daane te nae cham de zem maama. Te maa cheigi maŋa kalo Wɛ na wó fɔge-te to, ne kaane puga na virigi ye o kone tei to. 23Ko nam dae wonnu tem konto yerane, se ko ye debam balo Wɛ na ke o Sin-laao kom dé bochara ne to de mo. Konto maa ye Wɛ da-yiga pɛɛre delo na bere we, dé wó daare dé na o wo-laaro tem maama dé woli da. Debam de nam kone mo ye dé jege teena dé cheigi maŋa kam Wɛ na wó pa se dé ji o tete sɔŋɔ bia ye o vere debam o pa dé yera yam fɔge ya kwɛ. 24Wɛ na jwoŋi debam to, ko pae dé jege teena o tei ne. Dé nam ná maŋe dé na kolo dé ya na jege teena ko ŋwaane to, dé daa bá taa jege ko teena. Nɔɔn-nɔɔno ba teena kolo o na maŋe o na to. 25Dé nam ta wo nɛ Wɛ wo-laaro tem maama, ye dé jege teena se dé na-te. Konto ŋwaane, dé zuri dé yera dé cheigi se te maŋa kam laam yi.
26Wɛ Sin-laao kom de nam woli debam, dé na bwona to ŋwaane. Debam yeiri dé na wó lwoori Wɛ se ko maŋe tei to. O Sin-laao kom nam lwoori‑o o pa debam. Ko vuvuna mo dé tei ne ye botare-bia tera de wone. 27Wɛ nam yeini o buŋi dé bochara wone ye o lɔre dé boboŋa na ye tei to. O ta kwori o yei o Sin-laao kom boboŋa yam, kolo ŋwaane Sin-laao kom tɔge Wɛ boboŋa na lage tei to, ye o lwoori Wɛ o pa debam balo na ye o nɔɔna to.
28Ko ná ye balo na swoi Wɛ to, dé yei we Wɛ yeini o toŋe o woli-ba wonnu maama baŋa ne se lanyerane taa tui. Wɛ ke konto o pa balo o na maŋe o jege ba boboŋa ye o bwoŋi-ba se ba taa tɔge‑o to. 29Wɛ déem maŋe o jege banto boboŋa o bochare ne faŋa faŋa, ye o daare o kuri-ba se ba laam ba ba taa nye de o Bu wom na ye tei to. Konto maa wó pa Wɛ Bu Yezu na nyaana dedɛ, balo de na ye Wɛ bia ye ba saŋe o kwaga to. 30Wɛ nam na maŋe o kuri balo to mo o bwoŋi se ba taa ye o nyem. O na bwoŋi balo konto to, o ma pa ba na chega o yiga ne. Balo o na pɛ ba jege chega konto to mo o pɛ ba na paare o tei ne.
Wɛ zeini debam balo na ye o bia to
31Ko na ye konto to, dé nam wó ta bɛ mo? Wɛ ná zege debam kwaga ne, nɔɔn-nɔɔno bá wane o chɔge debam.#1 Jɔn 4:4 32Wɛ wo cheiŋi o tete Bu wom de yaara, ye o nam sɛ o ke‑o nabiina jeŋa ne se o te debam maama ŋwaane. Wɛ na zeini debam konto to, o ta wó kwei wo-laaro maama o pa debam zɛɛra o woli de o Bu wom. 33Nɔɔn-nɔɔno bá wane o ŋɔɔne taane o chɔge debam balo Wɛ na kuri to. Ko ye Wɛ tete mo pae dé jege chega. 34Nɔɔn-nɔɔno bá wane o pa se dé ga bora Wɛ tei ne. Ko ye Yezu Krista tete mo tega debam ŋwaane, ye o ta jwoori o bi toone wone pa se o na ŋwea Wɛ tei ne. O laam maa jege paare Wɛ jazem seeni ye o lwoori Wɛ o pa debam. 35Nɔɔn-nɔɔno bá wane o chɔge debam de Yezu Krista swono kom daane. Yaara wó wane ya chɔge debam konto na? Naa cham mo, naa nabiina bɛɛsem, naa kana, naa yiniga, naa keim-chɛɛre, naa tigura mo? Aawo, ya bá wane. 36Ko popone Wɛ tɔnɔ kom ne we:
“Debam na ye Wɛ nɔɔna to mo pae
dé da toone tei dé kɛ dɛ maama wone.
Ba kwei debam ba ma ji pei selo ba na lage ba go to mo.”#Lei 44:22
37Wɛ nam na maŋe o jege debam swono to, wo-chɛɛro tento kolokolo bá wane debam te chɔge, ye dé wae dé di dam te maama baŋa ne. 38Amo yei lanyerane we kolokolo tera ko na wó wane ko chɔge debam de Wɛ swono kom daane. Ko ná ye toone naa ŋwea mo, naa ko ná ye malese naa wɛ-baŋa dedɛɛra maama mo, naa ko ná ye zem wonnu naa jwa wonnu mo, naa ko ná ye wonnu telo maama na jege dam to, 39naa ko ná ye wɛyuu wonnu dam naa tega kuri wonnu dam mo, naa ko ná ye wonnu telo maama Wɛ na ke to, tento maama kolokolo bá wane ko chɔge debam de Wɛ swono kom daane, ko na ye swono kolo o na tɔge dé Teiru Yezu Krista baŋa ne o jege de debam to ŋwaane.
Atualmente Selecionado:
Rom 8: KBG
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)
Rom 8
8
Wɛ Sin-laao kom na pae dé ke kikia yalo to
1Konto to, balo na me de Yezu Krista to daa bá ga bora Wɛ tei ne. 2Wɛ Sin-laao kom mo pae dé jege ŋwea Wɛ tei ne Yezu Krista ŋwaane. Konto dam dem mo pɛ dé na verem tusim dedaane toone jeŋa ne. 3Debam na ye nabiina ye dé bwona to mo pae se dé ware Wɛ nia yam dé taa tɔga. Konto ŋwaane dé daa bá wane dé na chega Wɛ tei ne o nia yam tɔgem ŋwaane. Mo kokuri pa se Wɛ déem toŋe o tete Bu se o ba o ji nabiinu, ye o nye de nabiina balo tusim na wae-ba to. O ma ba o te nabiina wɛleera saarem ŋwaane, se o ma chɔge tusim na jege dam delo nabiina baŋa ne to. 4Wɛ ke konto se ko pa dé na chega o tei ne, nenɛɛne o nia yam na bere we dé jege se dé taa ye tei to maama. Kolo ŋwaane debam ye balo na tɔge Wɛ Sin-laao kom chwoŋa kam ye dé ba sɛ wo-yɔɔro telo nabiina fera na zoore to. 5Balo nam na tɔge wo-yɔɔro konto dwoŋi to tiini ba kwei ba boboŋa ba tiŋi wonnu telo nabiina boboŋa na lage to baŋa ne mo. Ko daare balo na tɔge Wɛ Sin-laao kom chwoŋa to mo kwei ba boboŋa ba tiŋi wo-laaro telo Sin-laao kom boboŋa na lage to baŋa ne. 6Nɔɔno boboŋa ná tɔge wo-yɔɔro telo nabiina fera na zoore to, toone wó ja konto tu Wɛ yiga ne. Wolo boboŋa nam na tɔge Wɛ Sin-laao kom chwoŋa to wó na ŋwea Wɛ tei ne de bochare-zuru. 7Kokuri, nɔɔno ná tɔge nabiina boboŋ-yɔɔro tem, kotu ye Wɛ dono mo, o na ba sɛ o tɔge Wɛ nia yam ye o ware-ya o ke to ŋwaane. 8Balo maama na tɔge wo-yɔɔro telo nabiina boboŋa na lage to nam bá wane ba pwoli Wɛ wo.
9Abam nam ba tɔge nabiina boboŋ-yɔɔro na lage kolo to. Ko ná ye chega we Wɛ Sin-laao kom wo á bochara ne, á wó ta‑á tɔge ko na bere abam chwoŋa kalo to mo. Yezu Krista Sin-laao kom nam na tere nɔɔno wolo tei ne to seene o dae Yezu nyem.#1 Korinti 3:16 10Yezu Krista nam na wo abam tei ne to, á jworru tem mo jege ŋwea Wɛ yiga ne, á na jege chega o tei ne to ŋwaane. Á yera yam nam jege se ya te, tusim na tei-ya to ŋwaane. 11Wɛ mo bi Yezu toone wone. Konto ŋwaane, o Sin-laao kom ná wo á bochara ne, Wɛ wó pa se abam yera yalo na jege se ya te to jwoori ya na ŋwea, o Sin-laao kom na wo á bochara ne to ŋwaane.
12A nu-bia bam, ko bere we dé laam jege zele mo dé zeŋa. Ko nam dae se dé taa tɔge wo-yɔɔro telo nabiina boboŋa na lage to. 13Kolo ŋwaane, á ná tɔge nabiina boboŋa na lage kolo to, toone wó ja abam Wɛ yiga ne. Ko daare, á nam ná tɔge Sin-laao kom dam ŋwaane á che á tete de keim-lwanno telo á yera yam na lage to, á wó na ŋwea Wɛ tei ne. 14Balo maama na pae se Wɛ Sin-laao kom taa tei-ba to mo ye Wɛ bia. 15Jworo kolo Wɛ na ke á bochara ne to ba pae se foone jwoori de taa jege abam ne kabɛ mo tei. Wɛ Sin-laao kom nam pae se á ye Wɛ bia mo. Ko maa pae dé jege chwoŋa se dé bwoŋi Wɛ we, “Dé Kwo, Baba.” 16Wɛ Sin-laao kom nam gwaane dedaane debam dedoa dedoa jworo kom, ye ko pae dé yei we dé seene dé ye Wɛ bia.#Galatia 4:5-7 17Dé na ye Wɛ bia to, dé wó ba dé taa tei wo-laaro telo maama o na tiŋi se o pa o bia bam to. Dé wó tɔge de o Bu Yezu Krista dé jwoŋi kolo maama Wɛ na tiŋi se o pa‑o to. Dé ná sɛ se dé tɔge dé na Yezu yaara yam dwoŋi, dé laam wó tɔge dé na o paare dem dwoŋi.
Dé jege teena we dé wó di paare Wɛ tei ne
18Amo boŋe we, dé na yeini dé na yaara yalo leile to bá wane ya taa mae de paare delo Wɛ na wó pa dé na o tei ne to.#2 Korinti 4:17 19Wɛ na naane wonnu telo maama to tiini te jege teena se te na dɛ dem Wɛ na wó pa o bia bam lɔre jaja to. 20Wonnu telo Wɛ na naane to nam tu te ji wo-yɔɔro. Te na jigi wo-yɔɔro konto to, ko ye Wɛ boboŋa ŋwaane mo, ye ko dae wonnu tem tete na lage tei to. Wɛ mo pɛ te ji wo-yɔɔro ye o nam ta pa dé jege teena we, 21wonnu telo maama o na naane to wó ba te na verem, se te daa yé taa chɔga ne te zem na yeini te chɔge tei to. Wɛ wó fɔge o kwɛ-te se te laam ba te na nenɔŋa o tei ne, se ko maŋe de Wɛ bia bam tete na wó na paare delo to.
22Dé yei we wonnu maama tɔge daane te nae cham de zem maama. Te maa cheigi maŋa kalo Wɛ na wó fɔge-te to, ne kaane puga na virigi ye o kone tei to. 23Ko nam dae wonnu tem konto yerane, se ko ye debam balo Wɛ na ke o Sin-laao kom dé bochara ne to de mo. Konto maa ye Wɛ da-yiga pɛɛre delo na bere we, dé wó daare dé na o wo-laaro tem maama dé woli da. Debam de nam kone mo ye dé jege teena dé cheigi maŋa kam Wɛ na wó pa se dé ji o tete sɔŋɔ bia ye o vere debam o pa dé yera yam fɔge ya kwɛ. 24Wɛ na jwoŋi debam to, ko pae dé jege teena o tei ne. Dé nam ná maŋe dé na kolo dé ya na jege teena ko ŋwaane to, dé daa bá taa jege ko teena. Nɔɔn-nɔɔno ba teena kolo o na maŋe o na to. 25Dé nam ta wo nɛ Wɛ wo-laaro tem maama, ye dé jege teena se dé na-te. Konto ŋwaane, dé zuri dé yera dé cheigi se te maŋa kam laam yi.
26Wɛ Sin-laao kom de nam woli debam, dé na bwona to ŋwaane. Debam yeiri dé na wó lwoori Wɛ se ko maŋe tei to. O Sin-laao kom nam lwoori‑o o pa debam. Ko vuvuna mo dé tei ne ye botare-bia tera de wone. 27Wɛ nam yeini o buŋi dé bochara wone ye o lɔre dé boboŋa na ye tei to. O ta kwori o yei o Sin-laao kom boboŋa yam, kolo ŋwaane Sin-laao kom tɔge Wɛ boboŋa na lage tei to, ye o lwoori Wɛ o pa debam balo na ye o nɔɔna to.
28Ko ná ye balo na swoi Wɛ to, dé yei we Wɛ yeini o toŋe o woli-ba wonnu maama baŋa ne se lanyerane taa tui. Wɛ ke konto o pa balo o na maŋe o jege ba boboŋa ye o bwoŋi-ba se ba taa tɔge‑o to. 29Wɛ déem maŋe o jege banto boboŋa o bochare ne faŋa faŋa, ye o daare o kuri-ba se ba laam ba ba taa nye de o Bu wom na ye tei to. Konto maa wó pa Wɛ Bu Yezu na nyaana dedɛ, balo de na ye Wɛ bia ye ba saŋe o kwaga to. 30Wɛ nam na maŋe o kuri balo to mo o bwoŋi se ba taa ye o nyem. O na bwoŋi balo konto to, o ma pa ba na chega o yiga ne. Balo o na pɛ ba jege chega konto to mo o pɛ ba na paare o tei ne.
Wɛ zeini debam balo na ye o bia to
31Ko na ye konto to, dé nam wó ta bɛ mo? Wɛ ná zege debam kwaga ne, nɔɔn-nɔɔno bá wane o chɔge debam.#1 Jɔn 4:4 32Wɛ wo cheiŋi o tete Bu wom de yaara, ye o nam sɛ o ke‑o nabiina jeŋa ne se o te debam maama ŋwaane. Wɛ na zeini debam konto to, o ta wó kwei wo-laaro maama o pa debam zɛɛra o woli de o Bu wom. 33Nɔɔn-nɔɔno bá wane o ŋɔɔne taane o chɔge debam balo Wɛ na kuri to. Ko ye Wɛ tete mo pae dé jege chega. 34Nɔɔn-nɔɔno bá wane o pa se dé ga bora Wɛ tei ne. Ko ye Yezu Krista tete mo tega debam ŋwaane, ye o ta jwoori o bi toone wone pa se o na ŋwea Wɛ tei ne. O laam maa jege paare Wɛ jazem seeni ye o lwoori Wɛ o pa debam. 35Nɔɔn-nɔɔno bá wane o chɔge debam de Yezu Krista swono kom daane. Yaara wó wane ya chɔge debam konto na? Naa cham mo, naa nabiina bɛɛsem, naa kana, naa yiniga, naa keim-chɛɛre, naa tigura mo? Aawo, ya bá wane. 36Ko popone Wɛ tɔnɔ kom ne we:
“Debam na ye Wɛ nɔɔna to mo pae
dé da toone tei dé kɛ dɛ maama wone.
Ba kwei debam ba ma ji pei selo ba na lage ba go to mo.”#Lei 44:22
37Wɛ nam na maŋe o jege debam swono to, wo-chɛɛro tento kolokolo bá wane debam te chɔge, ye dé wae dé di dam te maama baŋa ne. 38Amo yei lanyerane we kolokolo tera ko na wó wane ko chɔge debam de Wɛ swono kom daane. Ko ná ye toone naa ŋwea mo, naa ko ná ye malese naa wɛ-baŋa dedɛɛra maama mo, naa ko ná ye zem wonnu naa jwa wonnu mo, naa ko ná ye wonnu telo maama na jege dam to, 39naa ko ná ye wɛyuu wonnu dam naa tega kuri wonnu dam mo, naa ko ná ye wonnu telo maama Wɛ na ke to, tento maama kolokolo bá wane ko chɔge debam de Wɛ swono kom daane, ko na ye swono kolo o na tɔge dé Teiru Yezu Krista baŋa ne o jege de debam to ŋwaane.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)