Rom 7
7
Ban-zore memaŋe
1A nu-bia bam, á maama yei ni-kaana na ye tei to. Konto ŋwaane á yei we ni-kaana yam wó taa tei nɔɔno se ko taa vei o toone. O ná tega, ya daa ba tei‑o. 2A lage a bere abam ko na ye tei to. Kaane ná zo baro, Wɛ ni dem bere we o baro wom ta ná ŋwe, o ba jege chwoŋa se o yage o baro wom. O baro wom nam ná tega, o yiga le Wɛ ni dem konto ne. 3Konto ŋwaane, o baro wom ta ná ŋwe, ye o ná vei o zo baro wodwoŋi, Wɛ ni dem bere we o ke wɛleere mo. O baro wom nam ná tega, o yiga le ni dem konto ne. O laam ná zo baro wodwoŋi, ko ba bere we o chɔge Wɛ ni dem konto.
4A nu-bia bam, ko ye konto mo de abam de. Wɛ ni-kaana yam seeni ko nye de debam maama tege mo, dé yera yam na gwaane de Yezu Krista yera yam na tege to ŋwaane. Konto ma pa dé yiga le ni-kaana yam wone, ye dé jege chwoŋa se dé ke dé tete nɔɔno wodwoŋi jeŋa ne. Wonto ye wolo na bi toone wone to mo. Ko maa pae se dé jege nyɔɔre dé pa Wɛ. 5Dé déem na ke dé boboŋ-yɔɔro na lage kolo to, ko ye Wɛ ni-kaana yam mo pa se dé fera zoore keim-lwanno ye dé tɔge-te. Ko déem ma pa se dé jege nyɔɔre dé pa toone yerane. 6Ni-kaana yam déem peene debam de dam. Leile konto dé yiga laam le ya wone, dé na tɔge de Yezu dé te to ŋwaane. Konto to, dé na toŋe dé pwoli Wɛ wo tei to tɔge o Sin-laao kom na wo dé bochara ne to ŋwaane mo. Dé tɔge chwo-doŋa kam konto, ye ko dae chwo-dwoŋa kalo na zege ni-kaana yalo na popone tɔnɔ ne to ŋwaane.
Ni-kaana na ye tei to
7Bɛ mo dé nam wó ta Wɛ ni-kaana yam seeni? Ya tete jege tusim mo na? Aawo, ko dae konto. Wɛ ni-kaana yam nam mo pɛ se amo lɔre tusim na ye tei to. Wɛ ni-kaana yam ya ná wo bere-ne we, “Yé pa n yi taa sui n dwonna wonnu”, a ya bá taa yei we yi sum n dwonna wonnu ye wɛleere mo. 8Wɛ ni dem konto nam mo pɛ tusim na chwoŋa de zo a boboŋa pa a yi taa sui wonnu dedɛ. Ni-kaana nam ná tera, tusim bá taa jege dam. 9Amo tei ne, a déem ya yeiri Wɛ nia yam ye a ta jege ŋwea. Amo laam ma ba a lɔre Wɛ ni dem na bere kolo to. Tusim ma na dam se de ja-ne, 10ye a lɔre we a seene a ga a ŋwea Wɛ tei ne. Konto ŋwaane, Wɛ ni delo na jege se de pa nɔɔna ŋwea to laam ma pa se toone ja amo. 11Wɛ ni dem mo pɛ se tusim na chwoŋa se de gane amo. Tusim ma tɔge Wɛ ni dem baŋa ne mo de pa toone ja-ne. 12Wɛ ni-kaana yam tete nam ba jege tusim. Nia yalo maama Wɛ na pɛ debam to ba jege tusim. Ya nam lana dedɛ ye ya jege chega.
13Konto nam bere we Wɛ nia yalo na lana to mo jaane toone ya ba amo baŋa na? Aawo. Ko nam ye tusim mo tɔge Wɛ nia yalo na lana to baŋa ne de pa toone ja amo. Konto ke se nɔɔna wane ba lɔre tusim na seene de ye tei to mo. Wɛ nia yam ma pa se tusim tiini de yiriga.
14Dé yei we Wɛ ni-kaana yam tɔge o boboŋa na lage tei to mo. Amo nam ye logo baŋa nabiinu mo ye a ye kabaa wɛleera tei ne. 15Amo ta yeiri a kikia yam kuri. A ba yeini a ke kolo a na lage se a ke to, ye a daare a ke kolo a na chuli to. 16Amo ná yeini a ke kolo a na ba lage se a ke to, ko bere we a sɛ we Wɛ ni-kaana yam jege chega mo. 17Ko na ye konto to, ko dae we amo tete mo seene a ke wonnu tem konto, ko nam ye tusim delo na wo a bochare ne to mo ke-te. 18Amo nam yei we lam tera a tei ne, de a na ye nabiinu ye a fera zoore logo baŋa wonnu to. Kokuri, amo ná yeini a jege boboŋa se a ke lanyerane, a ta ware lanyerane a ke. 19Amo ba yeini a ke lanyerane ne a boboŋa na lage tei to. A maa yeini a ke wo-balwaaro telo a na ba lage se a ke to. 20Amo ná yeini a ke kolo a boboŋa na ba lage se a ke to, ko bere we ko dae a tete mo seene a ke wonnu tem konto, ko ye tusim delo na wo a bochare ne to mo ke-te.
21Amo lɔre ko na yeini ko ke amo tei to. Amo ná yeini a boŋe se a ke kolo na lana to, lwarem yerane mo tui. 22Amo bochare ne a tiini a jege wopwolo de Wɛ ni-kaana yam. 23Amo nam lɔre we a yera yam mo lage se ya taa tɔge chwoŋa kadwoŋi. Amo yera yam na ke tei to mo lage ko chɔge amo boboŋa yam na lage chwoŋa kalo to. Konto maa peene amo, ye a yera yam jege se ya taa tɔge tusim. 24Lɛɛro jege-ne. Amo yera yam lage se ya pa toone ja-ne. Wɔ mo wó wane o vere-ne ya jeŋa ne? 25Amo ke Wɛ lei dé Teiru Yezu Krista ŋwaane. Wonto mo wó jwoŋi-ne.
Ko na ye konto amo tei ne to, amo boboŋa yam mo pae se a sɛ Wɛ ni-kaana yam. A nam na ye logo baŋa nabiinu to mo pae se a tɔge tusim.
Atualmente Selecionado:
Rom 7: KBG
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)
Rom 7
7
Ban-zore memaŋe
1A nu-bia bam, á maama yei ni-kaana na ye tei to. Konto ŋwaane á yei we ni-kaana yam wó taa tei nɔɔno se ko taa vei o toone. O ná tega, ya daa ba tei‑o. 2A lage a bere abam ko na ye tei to. Kaane ná zo baro, Wɛ ni dem bere we o baro wom ta ná ŋwe, o ba jege chwoŋa se o yage o baro wom. O baro wom nam ná tega, o yiga le Wɛ ni dem konto ne. 3Konto ŋwaane, o baro wom ta ná ŋwe, ye o ná vei o zo baro wodwoŋi, Wɛ ni dem bere we o ke wɛleere mo. O baro wom nam ná tega, o yiga le ni dem konto ne. O laam ná zo baro wodwoŋi, ko ba bere we o chɔge Wɛ ni dem konto.
4A nu-bia bam, ko ye konto mo de abam de. Wɛ ni-kaana yam seeni ko nye de debam maama tege mo, dé yera yam na gwaane de Yezu Krista yera yam na tege to ŋwaane. Konto ma pa dé yiga le ni-kaana yam wone, ye dé jege chwoŋa se dé ke dé tete nɔɔno wodwoŋi jeŋa ne. Wonto ye wolo na bi toone wone to mo. Ko maa pae se dé jege nyɔɔre dé pa Wɛ. 5Dé déem na ke dé boboŋ-yɔɔro na lage kolo to, ko ye Wɛ ni-kaana yam mo pa se dé fera zoore keim-lwanno ye dé tɔge-te. Ko déem ma pa se dé jege nyɔɔre dé pa toone yerane. 6Ni-kaana yam déem peene debam de dam. Leile konto dé yiga laam le ya wone, dé na tɔge de Yezu dé te to ŋwaane. Konto to, dé na toŋe dé pwoli Wɛ wo tei to tɔge o Sin-laao kom na wo dé bochara ne to ŋwaane mo. Dé tɔge chwo-doŋa kam konto, ye ko dae chwo-dwoŋa kalo na zege ni-kaana yalo na popone tɔnɔ ne to ŋwaane.
Ni-kaana na ye tei to
7Bɛ mo dé nam wó ta Wɛ ni-kaana yam seeni? Ya tete jege tusim mo na? Aawo, ko dae konto. Wɛ ni-kaana yam nam mo pɛ se amo lɔre tusim na ye tei to. Wɛ ni-kaana yam ya ná wo bere-ne we, “Yé pa n yi taa sui n dwonna wonnu”, a ya bá taa yei we yi sum n dwonna wonnu ye wɛleere mo. 8Wɛ ni dem konto nam mo pɛ tusim na chwoŋa de zo a boboŋa pa a yi taa sui wonnu dedɛ. Ni-kaana nam ná tera, tusim bá taa jege dam. 9Amo tei ne, a déem ya yeiri Wɛ nia yam ye a ta jege ŋwea. Amo laam ma ba a lɔre Wɛ ni dem na bere kolo to. Tusim ma na dam se de ja-ne, 10ye a lɔre we a seene a ga a ŋwea Wɛ tei ne. Konto ŋwaane, Wɛ ni delo na jege se de pa nɔɔna ŋwea to laam ma pa se toone ja amo. 11Wɛ ni dem mo pɛ se tusim na chwoŋa se de gane amo. Tusim ma tɔge Wɛ ni dem baŋa ne mo de pa toone ja-ne. 12Wɛ ni-kaana yam tete nam ba jege tusim. Nia yalo maama Wɛ na pɛ debam to ba jege tusim. Ya nam lana dedɛ ye ya jege chega.
13Konto nam bere we Wɛ nia yalo na lana to mo jaane toone ya ba amo baŋa na? Aawo. Ko nam ye tusim mo tɔge Wɛ nia yalo na lana to baŋa ne de pa toone ja amo. Konto ke se nɔɔna wane ba lɔre tusim na seene de ye tei to mo. Wɛ nia yam ma pa se tusim tiini de yiriga.
14Dé yei we Wɛ ni-kaana yam tɔge o boboŋa na lage tei to mo. Amo nam ye logo baŋa nabiinu mo ye a ye kabaa wɛleera tei ne. 15Amo ta yeiri a kikia yam kuri. A ba yeini a ke kolo a na lage se a ke to, ye a daare a ke kolo a na chuli to. 16Amo ná yeini a ke kolo a na ba lage se a ke to, ko bere we a sɛ we Wɛ ni-kaana yam jege chega mo. 17Ko na ye konto to, ko dae we amo tete mo seene a ke wonnu tem konto, ko nam ye tusim delo na wo a bochare ne to mo ke-te. 18Amo nam yei we lam tera a tei ne, de a na ye nabiinu ye a fera zoore logo baŋa wonnu to. Kokuri, amo ná yeini a jege boboŋa se a ke lanyerane, a ta ware lanyerane a ke. 19Amo ba yeini a ke lanyerane ne a boboŋa na lage tei to. A maa yeini a ke wo-balwaaro telo a na ba lage se a ke to. 20Amo ná yeini a ke kolo a boboŋa na ba lage se a ke to, ko bere we ko dae a tete mo seene a ke wonnu tem konto, ko ye tusim delo na wo a bochare ne to mo ke-te.
21Amo lɔre ko na yeini ko ke amo tei to. Amo ná yeini a boŋe se a ke kolo na lana to, lwarem yerane mo tui. 22Amo bochare ne a tiini a jege wopwolo de Wɛ ni-kaana yam. 23Amo nam lɔre we a yera yam mo lage se ya taa tɔge chwoŋa kadwoŋi. Amo yera yam na ke tei to mo lage ko chɔge amo boboŋa yam na lage chwoŋa kalo to. Konto maa peene amo, ye a yera yam jege se ya taa tɔge tusim. 24Lɛɛro jege-ne. Amo yera yam lage se ya pa toone ja-ne. Wɔ mo wó wane o vere-ne ya jeŋa ne? 25Amo ke Wɛ lei dé Teiru Yezu Krista ŋwaane. Wonto mo wó jwoŋi-ne.
Ko na ye konto amo tei ne to, amo boboŋa yam mo pae se a sɛ Wɛ ni-kaana yam. A nam na ye logo baŋa nabiinu to mo pae se a tɔge tusim.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2020, Ghana Institute of Linguistics, Literacy and Bible Translation (GILLBT)