Nlb 5
5
Ntitane bôt be ne mvin
(Nlb 12:10-25; Nli 21:27; Lv 5:20-26; Nlb 18:8-20; Lk 19:8)
1Nti a nga kobô Môze na: 2Bendé'é bone b'Israél na, be titane nzezam ôse ô kôlô minkan, nalé fe nyô ase a kon ôkon éziñ e biôm bi fam nge minga, nge na a ntoo mvin amu nnambane mbim. 3To'o fam nge minga mia ye titane be minkan, amu be za ve minkan mi bo mvin. 4Nde bone b'Israél be nga bo nalé. Be nga titane mevale me bôte mete minkan: be nga bo avale Nti a nga jô môze.
5Nti a nga beta kobô Môze na: 6Kobô'ô bone b'Israél na: Nge fam nge minga a bo e môte mbo'o *abé da ya mebé môt a ne bo émien, a a nji fe bo zôsôôô e mise me Zambe, a a ve fe émiene mekua, 7môt ate a ye mem *abé a te bo, a bulane fe jôm a te nyoñ e be môt émien a nee je a abet e too e ngabe tañe ya tañe jôme te ja kui. 8Nge môt a ne jôme te a wuya te li'i môt éziñ e *nda bôte jé a too nyô a yiane nyoñe ntañe te, jôme te ja ye veban e be Nti, nalé a ne na e be *ntuni. E môt a nga seb'étom a ye fe ve nnôme ntômba asu metuna'a ya *njaman ya *abé dé: éyoñe te *ntuni a ye bo bisaé ya *njaman abé mfa'a wé. 9E ngab'ése ba vaa e mvean ô n'étyi ñwô bone b'Israél ba ve, ngab éte é ne asu *ntuni. 10Jôm ése môt a telé étyi, ba kalane je *ntuni a jôm ése môt a ve *ntuni, *ntuni a ne nyoñe je é bo énjé.
Atiñ da fombô minga ba nyiñe ajô mejian
(Ml 3:5; Hé 13:4; Sam 26:2)
11Nti a nga kobô Môze na: 12Kobô'ô bone b'Israél a jô be na: Nge fam é bili minga, a minga ate a bo nnôm bijabô, 13vôme fame fe ja jô'ôbô nye asoé, nnôm te yem, nnôm a nji bi ndem amu ngaa éziñ a nji bo, a môt éziñ a nji dilane nye, 14ve nnôm a so'osane nye mfa'a ya ntabane wé. E ne fe kui na fam ja simesane na ngal a boya *mejian, ve nalé a too momo. 15Fam éte ja ye zuu ngal e be *ntuni a bili mvean asu ngal ate: kili avute fôn éla. A ye bo te sôé mbon avute te yôp nge sôé menyum, amu mvean ôte ô ne asu minso'osan ya *abé éziñ da yiane kuliban atan. 16Ntuni a ye bo na a subu bebé a tebe tetele e mise me Nti. 17Ntuni a ye nyoñe mendim me n'étyi e vie'e tyia été, a ye nyoñe mbuluk e si ya *tabernakel a futi wô e mendim été. 18Ntuni a ye bo na minga ate a tebe tetele e mise me Nti, a ye vaa jôm é butu nye nlô, éyoñe te a kee nye mveane ya ésoman, nalé a ne na, mvean ya zes ñwô ô nga veban amu minso'osan mi nnôm. Ntuni émien a ye bi mendim me n'ayô ma soo biyo'é. 19A ye yemete minga ate na ba nye be tote bifia bina na: Nge e nji ke bo bebela na mia fam mia te jô'ôbô, a na ô maneya samele womien amu medu'an wo te du'u nyo nnôm, biyo'é mendim me n'ayôle ma soo me me bo'o te nnambe wo. #5:19 Mendim me n'ayô: mendim mbunda'an a mbuluk (lañe éfus 17). 20Ve nge ô maneya samele womien a du'u nyo nnôm, nge fame fe é maneya jô'ôbô wo, 21Nti a va'a wo *melep: a bo'o wo nkôkôm, a bo na abume dôé e vus, nalé bôte ya si jôé ba ye nyoñe wo an'éve'ela'a éyoñ ba tot ajô biyo'é; 22Mendim ma soo biyo'é ma me nyi'ine wo e *miñya a vuse wo abum a bo wo nkôkôm. Wôna minga ate a ye yalane na Amen! Ya, é bo'o nalé! 23Ntuni a ye ba'ale bifia ya biyo'é bite ntilan, a ye dube jôm é ntoo ntilane te mendim me n'ayôle mete asu ya tyame bifia bite. 24Eyoñ a ngenan te kalane minga mendim mete na me nyi'ine nye e *miñya, 25*ntuni a ye taté beta nyoñe mveane ya ésoman e mo mé a liti wô Nti a mboone jame ya nlitan, éyoñe te a zuu wô ata'a metuna'a. 26A ye kandé mveane te tañe ngum akule wo ane jam ya simesan, a di'i wô ata'a metuna'a yôp. Mvus éte, a ye bendé minga na a nyu mendim. #5:26 Lañe Lév 2:2. 27Eyoñ a ye nyu me, avale di nde da ye boban: nge minga a nga samele fo'o émien a bo nnôm bijabô, mendim me n'ayô ma soo biyo'é ma ye nyiine nye e *miñya a vusu nye abum, a bo nye nkôkôm. Ataté éyoñe te bôte ya si jé ba ye tote nye ane éfunan éyoñe ba tote bifia biyo'é. 28Ve nge minga a nji ke samele émien, nge a nji bo mekua, biyo'é bia ye bo te kui be nye a a ne nguleya biaé *bon. 29Atiñ da fombô bisoman nde le. Atiñe te e ne asu minga a wulu *abé, nyô a samele émien éyoñ a bo nnôm bijabô, 30nge na nyô nnôm a so'osane mbia dulu, nnôm a telé ngal e mbôñ ajô e mise me Nti, a *ntuni nye a bo mam mese y'été. 31Nnôm a *abé dé nge a bili fo'o mekua.
Atualmente Selecionado:
Nlb 5: BDCB
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.
Nlb 5
5
Ntitane bôt be ne mvin
(Nlb 12:10-25; Nli 21:27; Lv 5:20-26; Nlb 18:8-20; Lk 19:8)
1Nti a nga kobô Môze na: 2Bendé'é bone b'Israél na, be titane nzezam ôse ô kôlô minkan, nalé fe nyô ase a kon ôkon éziñ e biôm bi fam nge minga, nge na a ntoo mvin amu nnambane mbim. 3To'o fam nge minga mia ye titane be minkan, amu be za ve minkan mi bo mvin. 4Nde bone b'Israél be nga bo nalé. Be nga titane mevale me bôte mete minkan: be nga bo avale Nti a nga jô môze.
5Nti a nga beta kobô Môze na: 6Kobô'ô bone b'Israél na: Nge fam nge minga a bo e môte mbo'o *abé da ya mebé môt a ne bo émien, a a nji fe bo zôsôôô e mise me Zambe, a a ve fe émiene mekua, 7môt ate a ye mem *abé a te bo, a bulane fe jôm a te nyoñ e be môt émien a nee je a abet e too e ngabe tañe ya tañe jôme te ja kui. 8Nge môt a ne jôme te a wuya te li'i môt éziñ e *nda bôte jé a too nyô a yiane nyoñe ntañe te, jôme te ja ye veban e be Nti, nalé a ne na e be *ntuni. E môt a nga seb'étom a ye fe ve nnôme ntômba asu metuna'a ya *njaman ya *abé dé: éyoñe te *ntuni a ye bo bisaé ya *njaman abé mfa'a wé. 9E ngab'ése ba vaa e mvean ô n'étyi ñwô bone b'Israél ba ve, ngab éte é ne asu *ntuni. 10Jôm ése môt a telé étyi, ba kalane je *ntuni a jôm ése môt a ve *ntuni, *ntuni a ne nyoñe je é bo énjé.
Atiñ da fombô minga ba nyiñe ajô mejian
(Ml 3:5; Hé 13:4; Sam 26:2)
11Nti a nga kobô Môze na: 12Kobô'ô bone b'Israél a jô be na: Nge fam é bili minga, a minga ate a bo nnôm bijabô, 13vôme fame fe ja jô'ôbô nye asoé, nnôm te yem, nnôm a nji bi ndem amu ngaa éziñ a nji bo, a môt éziñ a nji dilane nye, 14ve nnôm a so'osane nye mfa'a ya ntabane wé. E ne fe kui na fam ja simesane na ngal a boya *mejian, ve nalé a too momo. 15Fam éte ja ye zuu ngal e be *ntuni a bili mvean asu ngal ate: kili avute fôn éla. A ye bo te sôé mbon avute te yôp nge sôé menyum, amu mvean ôte ô ne asu minso'osan ya *abé éziñ da yiane kuliban atan. 16Ntuni a ye bo na a subu bebé a tebe tetele e mise me Nti. 17Ntuni a ye nyoñe mendim me n'étyi e vie'e tyia été, a ye nyoñe mbuluk e si ya *tabernakel a futi wô e mendim été. 18Ntuni a ye bo na minga ate a tebe tetele e mise me Nti, a ye vaa jôm é butu nye nlô, éyoñe te a kee nye mveane ya ésoman, nalé a ne na, mvean ya zes ñwô ô nga veban amu minso'osan mi nnôm. Ntuni émien a ye bi mendim me n'ayô ma soo biyo'é. 19A ye yemete minga ate na ba nye be tote bifia bina na: Nge e nji ke bo bebela na mia fam mia te jô'ôbô, a na ô maneya samele womien amu medu'an wo te du'u nyo nnôm, biyo'é mendim me n'ayôle ma soo me me bo'o te nnambe wo. #5:19 Mendim me n'ayô: mendim mbunda'an a mbuluk (lañe éfus 17). 20Ve nge ô maneya samele womien a du'u nyo nnôm, nge fame fe é maneya jô'ôbô wo, 21Nti a va'a wo *melep: a bo'o wo nkôkôm, a bo na abume dôé e vus, nalé bôte ya si jôé ba ye nyoñe wo an'éve'ela'a éyoñ ba tot ajô biyo'é; 22Mendim ma soo biyo'é ma me nyi'ine wo e *miñya a vuse wo abum a bo wo nkôkôm. Wôna minga ate a ye yalane na Amen! Ya, é bo'o nalé! 23Ntuni a ye ba'ale bifia ya biyo'é bite ntilan, a ye dube jôm é ntoo ntilane te mendim me n'ayôle mete asu ya tyame bifia bite. 24Eyoñ a ngenan te kalane minga mendim mete na me nyi'ine nye e *miñya, 25*ntuni a ye taté beta nyoñe mveane ya ésoman e mo mé a liti wô Nti a mboone jame ya nlitan, éyoñe te a zuu wô ata'a metuna'a. 26A ye kandé mveane te tañe ngum akule wo ane jam ya simesan, a di'i wô ata'a metuna'a yôp. Mvus éte, a ye bendé minga na a nyu mendim. #5:26 Lañe Lév 2:2. 27Eyoñ a ye nyu me, avale di nde da ye boban: nge minga a nga samele fo'o émien a bo nnôm bijabô, mendim me n'ayô ma soo biyo'é ma ye nyiine nye e *miñya a vusu nye abum, a bo nye nkôkôm. Ataté éyoñe te bôte ya si jé ba ye tote nye ane éfunan éyoñe ba tote bifia biyo'é. 28Ve nge minga a nji ke samele émien, nge a nji bo mekua, biyo'é bia ye bo te kui be nye a a ne nguleya biaé *bon. 29Atiñ da fombô bisoman nde le. Atiñe te e ne asu minga a wulu *abé, nyô a samele émien éyoñ a bo nnôm bijabô, 30nge na nyô nnôm a so'osane mbia dulu, nnôm a telé ngal e mbôñ ajô e mise me Nti, a *ntuni nye a bo mam mese y'été. 31Nnôm a *abé dé nge a bili fo'o mekua.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.