Nlb 4
4
Bisaé bone be Lévi
(Nlb 3:27-32)
1Nti a nga kobô Môze a Aron a jô na: 2Lañe bone be Kehat tañ ézezañe ya bone be Lévi avale mebum a menda me bôte map me né, 3ataté mimbu mewôm mela a ke ôsu a kui mimbu mewôm metan, ba bese ba yiane bo ésaé éziñ e *nda éndelé bendôba'ane.
4Esaé bone be Kehat be nga yiane bo e *nda éndelé bendôba'ane nje ji, ésaé ja fombô jôm ése ja dañ étyi. 5Eyoñe bone b'Israél ba ye taté dulu, Aron a bone bé ba ye taté vaa éyé é tyele e zañe *tabernakel a buti je éwolo élate yôp; 6ba ye buti ékôb abañ éyé te yôp, a yalé éndelé éfe yôp é too nyôle blum e vôm ase; ba ye su'ulane some mimbôñe mi éwolo élat. 7Ba ye beté éndelé é ne nyôle blum e tawôlô belet y'étyi ja bebe, a telé bone bisua bilaé, bido'o bisua a bone mekob asu mmiamane beôlobinda été yôp; 8Ba ye yalé évele éndelé e biôm bite yôp a su'ulane buti mfinga bikôb bi abañ été yôp; ba ye su'ulane some mimbôñe ya tawôlô. 9Ba ye nyoñ éndelé é ne blum a buti je ébi bifufub asu éfufup, belambe bé, mebase mé ya dim éfufup, bikutan asube bié a mevie'e me mbon me ne asu ésaé jé; 10Ba ye vuluku ébi bifufube te a biôme mebelane bié bise e mfinga bikôb bi'abañ été a beté je ôlañe yôp. 11Ba ye buti éndelé é ne blum ata'a metuna'a e ne mboon a or yôp a vuluku de ékôb abañ été; éyoñe te ba su'ulane futi mimbôñe mié. 12Ba ye nyoñe biôme mebelane bise ya *nda y'étyi, a futi bie éndelé é ne nyôle blum été, éyoñe te ba su'ulane futi bie ôlañ été. 13Ba ye vaa asube ya ata'a metuna'a a beté éndelé é ne nyôle mfô été yôp; 14Ba ye beté biôm mebelan bise y'été yôp; metye'e me nduan, bilum, bisobelé a bilaé, biôm mebelan bise y'ata'a metuna'a, ba ye buti ékôb abañ été yôp, mvus éte, ba ye su'ulane futi mimbôñe y'ata'a metuna'a. 15Eyoñ Aron a bone bé be maneya buti jôm ése é n'étyi, a biôm mebelan bise ya vôm a n'étyi, bone be Kehat ba ye be'e bie éyoñ awolo ya kôlô e kpwaneya. Ve ba ye bo te nnambe jôm é n'étyi, be za viane wu. Esaé bone be Kehat, e *nda éndelé bendôba'ane, nje le. 16Eléazar e mone Aron *ntuni, nye a ye ba'ale mbon ba futi e belambe y'ébi bifufup, ôlobinda a nyume mvaé, mveane ya mefup bôt ba ve éyoñ ése a mbon ba wo'o bôt éyoñ ba telébane bito; a ye ba'ale *tabernakel ase a jôm ése é n'été, vôm y'été a biôme mebelane bié bise.
17Ane Nti a nga kobô Môze a Aron na: 18Wo ye ba'ale e jame di na, mebum me bôt me bone be Kehat me tabe kom ése ézezañe bone be Lévi bevo'o été, 19nde ba ye bo te wu, nge ba nnambe biôm bi n'étyi. Ajô te mia ye bo avale di: Wo Aron a bone bôé, mia ye kee môt ase ya be be e vôme wé a liti nye e jam a yiane bo nge jôm a yiane be'e. 20Ajô te ba ye bo te fombô to'o ve mon'étun éyoñ, biôm bi ne ntelan étyi, nalé a za dutu be awu.
Bone be Gerson
(Nlb 3:21-26; 1Ko 12:4-1,28-30)
21Nti a nga kobô Môze na: 22Lañe fe tañe bone be Gerson avale mebum a menda me bôte map me né; 23wo ye lañe be ataté mimbu mewôm mela a ke ôsu a kui mimbu mewôm metan, e *nda bendôba'ane. 24Esaé bone be Gerson, ésaé jap a mbe'e wop mbie bi: 25ba ye be'e bindelé ya *tabernakel a *nda éndelé bendôba'ane, ébuta'a bikôbe beyôm mintômba jé a ji ékôp ja yalé ngume *tabernakel ôse, éndelé ja tyebe anyiine *nda éndelé, 26a bindelé bi tyele mfa'a ya nseñ a éndelé ya anyiine mimbé ya nseñ mbôma'an a *tabernakel a ata'a metuna'a, minkole miap a biôme mebelane biap bise. Ba ye fe bo bisaé bise y'été. 27Aron a bone be Gerson: mbe'ane biôm a bisaé bivo'o bise ba yiane bo. Aron a bone bé mbe ba ye kate be jam ba yiane bo a jôm ba yiane be'e. 28Esaé menda me bôte ya bone be Gerson ba yiane bo e *nda éndelé bendôba'ane nje le, nalé fe biôm ba yiane ba'ale. Itamar e mone Aron *ntuni nye a ye bo évete jap.
29Wo ye lañe bone be Merari ane mebume map me né a ane menda me bôte map me né; 30wo ye lañ ataté bôt be ne mimbu mewôm mela akui mewôm metan, ba bese be ntoo nguleya saé e *nda éndelé bendôba'ane.
31Biôm ba yiane ba'ale mfa'a ésaé ya *nda éndelé bendôba'ane mbie bi: bityimbi ya *tabernakel, mimbôñ, mekôn a metine ya été; 32mekôn ma bômane nseñ, metine map a mefana'a map, minkole miap, biôm mebelan bise y'été a jôm ése é ne ntelan mfa'a ya ésaé jap. Mia ye ve môt ase biôm a yiane ba'ale. 33Esaé mvô'ô Merari nje le: ésaé jap ése ya *nda éndelé bendôba'ane, Itamar e mon Aron *ntuni a too nteb'ôsu wop.
34Môze, Aron a bivete bi bôt be nga lañe bone be Kehat, ane mebum a menda me bôte map me né. 35Ba bese be mbe nguleya saé e *nda éndelé bendôba'ane be too mimbu mewôm mela a lôte valé, a kui mimbu mewôm metan. 36Ba be nga lañeban avale mebume map me né be mbe toyini ébaé, mintete zamgbwa a mewôm metan. 37Bôte bese be nga lañeban e mvô'ô Kehat mbe le, bese be nga saé e *nda éndelé bendôba'an. Môze a Aron be nga lañe be avale Nti a nga bendé Môze.
38Bone be Gerson be nga lañeban avale mebume map a menda me bôte map me né, 39ataté mimbu mewôm mela alôte valé, a kui mimbu mewôm metan, ba bese be mbe nguleya saé e *nda éndelé bendôba'ane. 40Ba be nga lañeban avale mebume map a menda me bôte map me né, be mbe toyini ébaé, mintete misaman a mewôm mela. 41Bôte ya mvô'ô Gerson be nga lañeban mbe le. Bese be nga saé *nda éndelé bendôba'ane. Môze ba'Aron be nga lañe be avale Nti a nga bendé Môze.
42Bôte ya mebum me bone be Merari be nga lañeban, avale mebum a menda me bôte map me né, 43ataté mimbu mewôm mela alôte valé, a kui mimbu mewôm metan, ba bese be mbe nguleya saé e *nda éndelé bendôba'ane, 44ba be nga lañeban avale mebume map me né be mbe toyini éla a mintete mibaé. 45Bôte be nga lañeban e mvô'ô Merari mbe le. Môze a Aron be nga lañe be avale Nti a nga bendé Môze.
46E bôte bese ya mvô'ô Lévi mbe Môze, Aron a bivete y'Israél be nga lañ, avale mebum a menda me bôte map me né, 47ataté mimbu mewôm mela a lôte valé, a kui mimbu mewôm metan, be too nguleya bo ésaé bevolô a bebe'e biôme ya *nda éndelé bendôba'ane, 48be mbe toyini muam, mintete mitan a mewôme muam. 49Be nga lañe be avale Nti a nga bendé Môze, môt ase a bili ésaé jé a mbe'e wé.
Atualmente Selecionado:
Nlb 4: BDCB
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.
Nlb 4
4
Bisaé bone be Lévi
(Nlb 3:27-32)
1Nti a nga kobô Môze a Aron a jô na: 2Lañe bone be Kehat tañ ézezañe ya bone be Lévi avale mebum a menda me bôte map me né, 3ataté mimbu mewôm mela a ke ôsu a kui mimbu mewôm metan, ba bese ba yiane bo ésaé éziñ e *nda éndelé bendôba'ane.
4Esaé bone be Kehat be nga yiane bo e *nda éndelé bendôba'ane nje ji, ésaé ja fombô jôm ése ja dañ étyi. 5Eyoñe bone b'Israél ba ye taté dulu, Aron a bone bé ba ye taté vaa éyé é tyele e zañe *tabernakel a buti je éwolo élate yôp; 6ba ye buti ékôb abañ éyé te yôp, a yalé éndelé éfe yôp é too nyôle blum e vôm ase; ba ye su'ulane some mimbôñe mi éwolo élat. 7Ba ye beté éndelé é ne nyôle blum e tawôlô belet y'étyi ja bebe, a telé bone bisua bilaé, bido'o bisua a bone mekob asu mmiamane beôlobinda été yôp; 8Ba ye yalé évele éndelé e biôm bite yôp a su'ulane buti mfinga bikôb bi abañ été yôp; ba ye su'ulane some mimbôñe ya tawôlô. 9Ba ye nyoñ éndelé é ne blum a buti je ébi bifufub asu éfufup, belambe bé, mebase mé ya dim éfufup, bikutan asube bié a mevie'e me mbon me ne asu ésaé jé; 10Ba ye vuluku ébi bifufube te a biôme mebelane bié bise e mfinga bikôb bi'abañ été a beté je ôlañe yôp. 11Ba ye buti éndelé é ne blum ata'a metuna'a e ne mboon a or yôp a vuluku de ékôb abañ été; éyoñe te ba su'ulane futi mimbôñe mié. 12Ba ye nyoñe biôme mebelane bise ya *nda y'étyi, a futi bie éndelé é ne nyôle blum été, éyoñe te ba su'ulane futi bie ôlañ été. 13Ba ye vaa asube ya ata'a metuna'a a beté éndelé é ne nyôle mfô été yôp; 14Ba ye beté biôm mebelan bise y'été yôp; metye'e me nduan, bilum, bisobelé a bilaé, biôm mebelan bise y'ata'a metuna'a, ba ye buti ékôb abañ été yôp, mvus éte, ba ye su'ulane futi mimbôñe y'ata'a metuna'a. 15Eyoñ Aron a bone bé be maneya buti jôm ése é n'étyi, a biôm mebelan bise ya vôm a n'étyi, bone be Kehat ba ye be'e bie éyoñ awolo ya kôlô e kpwaneya. Ve ba ye bo te nnambe jôm é n'étyi, be za viane wu. Esaé bone be Kehat, e *nda éndelé bendôba'ane, nje le. 16Eléazar e mone Aron *ntuni, nye a ye ba'ale mbon ba futi e belambe y'ébi bifufup, ôlobinda a nyume mvaé, mveane ya mefup bôt ba ve éyoñ ése a mbon ba wo'o bôt éyoñ ba telébane bito; a ye ba'ale *tabernakel ase a jôm ése é n'été, vôm y'été a biôme mebelane bié bise.
17Ane Nti a nga kobô Môze a Aron na: 18Wo ye ba'ale e jame di na, mebum me bôt me bone be Kehat me tabe kom ése ézezañe bone be Lévi bevo'o été, 19nde ba ye bo te wu, nge ba nnambe biôm bi n'étyi. Ajô te mia ye bo avale di: Wo Aron a bone bôé, mia ye kee môt ase ya be be e vôme wé a liti nye e jam a yiane bo nge jôm a yiane be'e. 20Ajô te ba ye bo te fombô to'o ve mon'étun éyoñ, biôm bi ne ntelan étyi, nalé a za dutu be awu.
Bone be Gerson
(Nlb 3:21-26; 1Ko 12:4-1,28-30)
21Nti a nga kobô Môze na: 22Lañe fe tañe bone be Gerson avale mebum a menda me bôte map me né; 23wo ye lañe be ataté mimbu mewôm mela a ke ôsu a kui mimbu mewôm metan, e *nda bendôba'ane. 24Esaé bone be Gerson, ésaé jap a mbe'e wop mbie bi: 25ba ye be'e bindelé ya *tabernakel a *nda éndelé bendôba'ane, ébuta'a bikôbe beyôm mintômba jé a ji ékôp ja yalé ngume *tabernakel ôse, éndelé ja tyebe anyiine *nda éndelé, 26a bindelé bi tyele mfa'a ya nseñ a éndelé ya anyiine mimbé ya nseñ mbôma'an a *tabernakel a ata'a metuna'a, minkole miap a biôme mebelane biap bise. Ba ye fe bo bisaé bise y'été. 27Aron a bone be Gerson: mbe'ane biôm a bisaé bivo'o bise ba yiane bo. Aron a bone bé mbe ba ye kate be jam ba yiane bo a jôm ba yiane be'e. 28Esaé menda me bôte ya bone be Gerson ba yiane bo e *nda éndelé bendôba'ane nje le, nalé fe biôm ba yiane ba'ale. Itamar e mone Aron *ntuni nye a ye bo évete jap.
29Wo ye lañe bone be Merari ane mebume map me né a ane menda me bôte map me né; 30wo ye lañ ataté bôt be ne mimbu mewôm mela akui mewôm metan, ba bese be ntoo nguleya saé e *nda éndelé bendôba'ane.
31Biôm ba yiane ba'ale mfa'a ésaé ya *nda éndelé bendôba'ane mbie bi: bityimbi ya *tabernakel, mimbôñ, mekôn a metine ya été; 32mekôn ma bômane nseñ, metine map a mefana'a map, minkole miap, biôm mebelan bise y'été a jôm ése é ne ntelan mfa'a ya ésaé jap. Mia ye ve môt ase biôm a yiane ba'ale. 33Esaé mvô'ô Merari nje le: ésaé jap ése ya *nda éndelé bendôba'ane, Itamar e mon Aron *ntuni a too nteb'ôsu wop.
34Môze, Aron a bivete bi bôt be nga lañe bone be Kehat, ane mebum a menda me bôte map me né. 35Ba bese be mbe nguleya saé e *nda éndelé bendôba'ane be too mimbu mewôm mela a lôte valé, a kui mimbu mewôm metan. 36Ba be nga lañeban avale mebume map me né be mbe toyini ébaé, mintete zamgbwa a mewôm metan. 37Bôte bese be nga lañeban e mvô'ô Kehat mbe le, bese be nga saé e *nda éndelé bendôba'an. Môze a Aron be nga lañe be avale Nti a nga bendé Môze.
38Bone be Gerson be nga lañeban avale mebume map a menda me bôte map me né, 39ataté mimbu mewôm mela alôte valé, a kui mimbu mewôm metan, ba bese be mbe nguleya saé e *nda éndelé bendôba'ane. 40Ba be nga lañeban avale mebume map a menda me bôte map me né, be mbe toyini ébaé, mintete misaman a mewôm mela. 41Bôte ya mvô'ô Gerson be nga lañeban mbe le. Bese be nga saé *nda éndelé bendôba'ane. Môze ba'Aron be nga lañe be avale Nti a nga bendé Môze.
42Bôte ya mebum me bone be Merari be nga lañeban, avale mebum a menda me bôte map me né, 43ataté mimbu mewôm mela alôte valé, a kui mimbu mewôm metan, ba bese be mbe nguleya saé e *nda éndelé bendôba'ane, 44ba be nga lañeban avale mebume map me né be mbe toyini éla a mintete mibaé. 45Bôte be nga lañeban e mvô'ô Merari mbe le. Môze a Aron be nga lañe be avale Nti a nga bendé Môze.
46E bôte bese ya mvô'ô Lévi mbe Môze, Aron a bivete y'Israél be nga lañ, avale mebum a menda me bôte map me né, 47ataté mimbu mewôm mela a lôte valé, a kui mimbu mewôm metan, be too nguleya bo ésaé bevolô a bebe'e biôme ya *nda éndelé bendôba'ane, 48be mbe toyini muam, mintete mitan a mewôme muam. 49Be nga lañe be avale Nti a nga bendé Môze, môt ase a bili ésaé jé a mbe'e wé.
Atualmente Selecionado:
:
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.