Nlb 1
1
Nlañane bôt e *nkôte si ya Sinayi
(Nlb 2; 26:1-57; Nli 7:4-8)
1Nti a nga kobô Môze e *nkôte si ya Sinayi, e *nda éndelé bendôba'an été, e ngone baa alu da ya nkôlane wobe y'Ejipte, a jô nye na: 2Bo'ok élañe bôte bese y'Israél avale *meyoñ a menda me bôte map me né; bôte bese ba ye lañeban wua wua. 3Mia Aron mia ye lañe bôte bese y'Israél be ne nyoñe biôme mewosan, ataté ba be ne mimbu mewôm mebaé a kui ba ba lôte valé, aval'ane minkane bita miap mi né. 4Mia be môte wua ya ayoñ ese mia ye bo ésaé, môt ate a too évete ya *nda bôte jé. 5Biyôlé ya bôte mia be be mia ye bo ésaé mbie bi: mfa'a Ruben: Elisur e mone Sédéur;
6Mfa'a Siméon: Selumiél, e mone Surisadayi;
7Mfa'a Yuda: Nason e mone Aminadab;
8Mfa'a Isakar: Netaniél, e mone Suar;
9Mfa'a Zabuloñ: Eliab e mone Elôn;
10Mfa'a bone be Yôsep: e be Efrayim: Elisama, e mone Amihud; e be Manasé: Gamliél e mone Rédasur;
11Mfa'a Bényamin: Abidan, e mone Gidéôni;
12Mfa'a Dan: Ahiézer, e mone Amisadayi.
13Mfa'a Azér: Pagiél, e mone Okran.
14Mfa'a Gad: Eliasaf, e mone Déuél;
15Mfa'a Néftali: Ahira, e mone Enan.
16Bivete ya menda me bôt bi nga toban, bi too fe bivete bezimbi y'Israél. 17Ane Môze a Aron be nga nyoñ e bôt be nga tobane ba e nsamba wop. 18E *môs ôsu ya ngone baa, be nga sulane bôte bese, bone b'Israél bese, ataté mimbu mewôm mebaé, a ke ôsu, be nga tiliban, môt ase e jôé dé, avale *meyoñ a menda me bôte map me né. 19Môze a nga lañe be e *nkôte si ya Sinayi, avale Nti a nga bendé nye.
20Mfa'a mvô'ô Ruben, e ntôle mone Israél, bindane biap avale *meyoñ a menda me bôte map me né, be lañe bôte bese môé wua wua, ataté ba be ne mimbu mewôm mebaé, a ke ôsu, ba bese be mbe ngule ya nyoñe biôm mewosan, 21ba be nga lañeban e mvô'ô Ruben be mbe bôte toyini mewôm menyin a étan, mintete misaman a mewôm metan.
22Mfa'a bone be Siméon, bindane biap avale *meyoñ a menda me bôte map me né; nge wo lañe biyôlé bi bôte bise jia jia, ataté mimbu mewôm mebaé a ke ôsu, ba bese be mbe nguleya nyoñe biôm mewosan. 23Ba bese be nga lañeban e mvô'ô Siméon be mbe toyini mewôm metan a ébu a mintete mila.
24Mfa'a bone be Gad, avale menda me bôte map me né, bindane biap ane meyoñe map me né, nge wo lañe biyôlé ataté mimbu mewôm mebaé a ke ôsu, ba bese be mbe nguleya nyoñe biôme mewosan, 25ba be nga lañeban e mvô'ô Gad be mbe toyini mewôm menyin a étan, mintete misaman a mewôm metan.
26Mfa'a bone be Yuda, avale menda me bôte map me né, bindane biap ane meyoñe map me né, nge wo lañe biyôlé ataté mimbu mewôm mebaé a ke ôsu, ba bese be mbe nguleya nyoñe biôme mewosan, 27ba be nga lañeban e mvô'ô Yuda be mbe toyini mewôme zamgbwal a ényin a mintete misaman.
28E be bone b'Isakar, avale menda me bôte map me né, bindane biap ane meyoñe map me né, nge wo lañe biyôlé ataté mimbu mewôm mebaé a ke ôsu, ba bese be mbe nguleya nyoñe biôme mewosan, 29ba bese be nga lañeban e mvô'ô Isakar be mbe toyini mewôm metan a ényin a mintete minyin.
30E be bone be Zabuloñ, avale menda me bôte map me né, nge wo lañe biyôlé ataté mimbu mewôm mebaé a ke ôsu, ba bese be mbe nguleya nyoñe biôme mewosan, 31ba be nga lañeban e mvô'ô Zabuloñ be mbe toyini mewôm metan a zamgbwal a mintete minyin.
32E be bone be Yôsep: ba b'Efrayim ôsusua: bindane biap ane *meyoñ a menda me bôte map me né, nge wo lañe biyôlé ataté mimbu mewôm mebaé a ke ôsu, ba bese be mbe nguleya nyoñe biôme mewosan, 33ba bese be nga lañeban e mvô'ô Efrayim be mbe toyini mewôm menyin a mintete mitan.
34Bone be Manasé, avale menda me bôte map me né, nge biyôlé bi ne nlañan ataté mimbu mewôm mebaé a ke ôsu, ba bese be mbe nguleya nyoñe biôme mewosan, 35ba be nga lañeban e mvô'ô Manasé be mbe toyini mewôm mela a ébaé a mintete mibaé.
36Bone be Bényamin, avale menda me bôte map me né, bindane biap ane meyoñe map me né, nge wo lañe biyôlé ataté mimbu mewôm mebaé a ke ôsu, ba bese be mbe nguleya nyoñe biôm mewosan, 37ba be nga lañeban e mvô'ô Bényamin be mbe toyini mewôm mela a étan a mintete minyin.
38Bone be Dan, avale menda me bôte map me né, bindane biap ane meyoñe map me né, nge wo lañe biyôlé ataté mimbu mewôm mebaé a ke ôsu, ba bese be mbe nguleya nyoñe biôme mewosan, 39ba bese be nga lañeban e mvô'ô Dan be mbe toyini mewôm mesaman a ébaé a mintete zamgbwal.
40Bone b'Azér, avale menda me bôte map me né, bindane biap ane meyoñe map me né, nge biyôlé bia lañeban ataté mimbu mewôm mebaé a ke ôsu, ba bese be mbe nguleya nyoñe biôme mewosan, 41ba bese be nga lañeban e mvô'ô Azér, bôte toyini mewôm menyin a jia a mintete mitan.
42Bone be Néftali, bindane biap avale *meyoñ a menda me bôte map me né, nge biyôlé bia lañeban ataté mimbu mewôm mebaé a ke ôsu ba bese be mbe nguleya nyoñe biôme mewosan, 43bese be nga lañeban, e mvô'ô Néftali, bôte toyini mewôm metan a éla a mintete minyin.
44E bôte Môze, Aron a bivete y'Israél awôm a bibaé be nga lañ mbe le. Nda bôt ése ya menda me bôte map môte wua. 45Ba bese ya bone b'Israél be nga lañeban, avale menda me bôte map me né, ataté mimbu mewôm mebaé a ke ôsu, ba bese y'Israél be mbe nguleya nyoñe biôme mewosan, 46bese be nga lañeban bôte toyini mintete misaman a éla, mintete mitan a mewôm metan.
Esaé bone be Lévi
(Nlb 3; Nk 32:26-29)
47Bone be Lévi, ane ayoñe b'ésaa bap e né, be nji ke lañeban ba be bôte bevok. #1:47 Amu bone be Lévi be nji ke bo mewosan.
48Nti a nga kobô Môze na: 49Wo ye bo te lañe bone be Lévi, nge nyoñe tañe bôte jap e bone b'Israél bevok été. 50Va'a b'ésaé ya ba'ale *nda é n'étyi, e vôme meko'o y'élat me bôô, a biôme mebelan bivo'o bise bi n'été. Ba ye be'e *tabernakel a biôme mebelane bié bise; ba ye bo ésaé y'été, a tabe nye e mbôma'ane. 51Eyoñe mia ye kôlô minkan, mbe ba ye mane koé *tabernakel ate. Eyoñe ya mvulane minkan, mbe fe ba ye mane tooé nye. Nge môte mfe a subu nye bebé, a yiane wôéban. 52Bone b'Israél ba ye vule minkan, môt ase e vôme nlinga bita wé wo kebelan, avale minsamba mewosane miap mi né. 53Ve bone be Lévi ba ye vule minkan mbôma'an a *tabernakel a bo ésaé jap, nalé ayaa dam da ye bo te zu e be bone b'Israél.
54Bone b'Israél be nga bo fo'o v'avale Nti a nga jô Môze.
Atualmente Selecionado:
Nlb 1: BDCB
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Bible en langue Bulu © L'Alliance Biblique du Cameroun, 2007, 2015.