Masmur 2
2
Masmur 2
Ratu sing dijebatani karo Gusti
2:1-12
1 #
PaRa 4:25, 26 Kenèng apa para bangsa pada tandang rusuh?
Lan para taleré bangsa pada ngréka-ngréka sing tanpa guna?
2Para ratu ing bumi pada tata-tata arep perang
lan para penggedéné bebarengan
arep nglawan GUSTI lan Juru Jebat:
3“Hayuk pada medot dadungé
lan mbuwang tali-taliné.”
4Panjenengané Gusti sing njagong ing swarga kuwi ngguyu,
Gusti moyoki wong-wong mau.
5Terus Gusti mréntahké nesu-Né marang wong-wong kabèh,
lan dikagètké karo panasé nesu-Né:
6“Aku sing wis ngedekké ratu-ratu-Ku ing Sion,
gunung-Ku sing sutyi.”
7 #
PaRa 13:33; Ibr 1:5; 5:5 Aku arep nyritakké putusané GUSTI;
tembungé marang aku: “Kowé kuwi anak-Ku!
Aku sing nganakké kowé ing dina iki.
8Kowé nyuwuna marang Aku,
mesti kowé Tak wènèhi para bangsa dadi pandumanmu,
lan pungkasané bumi dadi duwèk-Mu.
9 #
Wah 2:26, 27; 12:5; 19:15 Kowé bakal ngejur karo gepuk wesi,
bakal kok remuk kaya tyuwilané kendi.”
10Mulané, hé para ratu, pada tumindaka sing wityaksana;
para rèkter ing bumi, pada gelema diélingké!
11Pada ngabektia marang GUSTI karo sing ngajèni;
lan karo rasa bungah lan gemeter.
12Ambungen anak lanangé#2:11-12 lan…lanangé ing basa Ibrani ora jelas., supaya Panjenengané aja dadi nesu lan kowé dientèkké ing ndalan,
awit bebenduné gampang banget enggoné murup.
Rahayu kabèh wong sing ngungsi marang Panjenengané!
Tèks © Surinaams Bijbelgenootschap 2018