Kem Lingón 125
125
Sngal bè yóm kneged le ebè Jirusalim
1Yó kem tau smalig bè Dwata, lómón kbegel le,
lómón kbegel yóm bulul Sayun.
Là kóen megsinsig, ne là kóen sliwo.
2Yóm Jirusalim, tódô snibut bulul.
Lómón yó se tendo klibut Dwata yó kem kun tau kól bè laen kô dù tul sónen.
3Yó kem tau gel mò sidek,
là kô senflós le du kmamal du yóm kul benwu yó kem tau tedeng.
Ke yó nmò le, déke gbót le mò sidek se kul yó kem tau tedeng nmò le.
4Ó Dwata, hol nmoem yóm hyu bè yó kem tau gel mò du yóm hyu,
bè yó kem tau gel mimón yó kem hlauhem.
5Okóm ke tnafakem yó kem tau gel mò sidek,
homong tnafakem snéen yó kem tau kmogol du yóm kóm lan.
Dwata he hol henek nawa yó kem tau Israél.
Atualmente Selecionado:
Kem Lingón 125: tbl
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2007, Wycliffe Bible Translators, Inc. All rights reserved.