Kem Lingón 121
121
Sngal bè yóm kneged le ebè Jirusalim
1Temngele ebè yó kem bulul,
yó hendemu, gónón gu lemwót de yóm tmóbóng do?
2Tódô tngónu, Dwata yóm angat tmóbóng do,
yóm Dwata tehe mò longit ne tonok.
3Là kô bayaen kóm bè yóm gónóm btang.
Yóm mofin kóm, là kóen tlek tungô.
4Tahu se, yóm mofin yó kem tau Israél,
là kóen gulof duhen ke tungô.
5Dwata se yóm mentey kóm.
Eles nô klohokem mò mofin kóm.
6Là kô gehsideken kóm yóm nóng kdaw ke kemdaw,
duhen ke nóng bulón ke kifu.
7Tendo nofin Dwata uu bè yó kem sidek,
là kô bayaen kóm.
8Tendo nofin Dwata uu bè yóm gel kógówem
lenwóten ni laen kô dù tul sónen.
Atualmente Selecionado:
Kem Lingón 121: tbl
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2007, Wycliffe Bible Translators, Inc. All rights reserved.