मत्ती 17
17
यीशु उन रूप बदलुसोद
(मरकुस ९:२-१३; लूका ९:२८-३६)
1आर दिन इन बाद्दा यीशु पतरस अदिक याकूब अदिक आऊन वार्ट यूहन्ना अक सांगुळ हुळदुन, अदिक आंदरी आबना दा यातोदारा ऊँचा पहाळ मा ओतुन. अदिक आंदुर अलावा अल याऊ ईला ईरोन. 2अल आंदुर्द मुंद यीशु उन रूप बदलुसेत, अदिक आऊन बाय सुर्य अन्द घाई चमकुस्त अदिक आऊन कपळा ज्योत इन घाई उजुळ आगेदव. 3अदिक मूसा अदिक एलिय्याह आऊन सांगुळ मातगोळ हेळतेला आंदरी कांळ्सदुर. 4इदुर मा पतरस यीशु से अंदुन, “हे प्रभु, नाम ईल ईरोद ठीक आद. अगर नीन इच्छा आद रा ना इल मुर हांद्रा माळाईन; ऊंद नीन साटी, ऊंद मूसा अन साटी, अदिक ऊंद एलिय्याह अन साटी.”
5 #
मत्ती ३:१७; १२:१८; मरकुस १:११; लूका ३:२२ #
२ पतरस १:१७,१८ यीशु माताळतेला अच ईरोन कि ऊंद उजला बादल आंदरी झाक्स बुळ्त, अदिक आ बादल दा टु ईद शब्द होळ्त: “ईव नान प्रिय पार हुन, ईऊन से ना खुश आईन: ईऊन केळी.”
6चेलागोळ ईद केळकु बाय इन भार देल बिदोदुर अदिक हापाळ अंजेदुर. 7यीशु हात्ती बंदकु आंदरी मुटदुन, अदिक अंदुन, “येळी, अंजबाळी.” 8आग आंदुर तान कण्णगोळ नेगदुर अदिक यीशु उक बिटकु अदिक यारीकु नोळीदील.
9याग आंदुर पहाळी मा टु ईळा होती यीशु आंदरी ईद आग्या कोट्टुन, “यागासताका मंळसा अन्द पार सोत्तुर दा टु जित्ता आगालुन, आगासताका जो येनारा नीव नोळीर यारीकु हेळबाळेतीर.”
10इदुर मा यीशु उन चेलागोळ आऊन से केळदुर, “बाक शास्त्री यती अनतार कि एलिय्याह अन्द पयले बरोद जरूरी आद?”
11यीशु उत्तर कोट्टुन, “एलिय्याह जरूर बंदान, अदिक सप्पा येनारा सुधरूस्यान. 12#मत्ती ११:१४लेकीन ना नीम से अनतीन कि एलिय्याह होटबंदुन, अदिक लॉकुर आऊक अरतीदिल; लेकीन ह्यांग चाहासदुर हांग अच आऊन सांगुळ माळदुर. ईदा रीति देल मंळसा अन्द पार भी आंदुर्द कय देल दुख नेगदान.”
13आग चेलागोळ सम्सदुर कि यीशु नाम से यूहन्ना बपतिस्मा कोळावाळा अन्द बारा दा अंदुन.
दुष्टआत्माग्रस्त पार उक चंगा माळोद
(मरकुस ९:१४-२९; लूका ९:३७-४३)
14याग आंदुर भीळ इन हात्ती पोहचुसदुर, रा ऊंद मंळसा यीशु उन हात्ती बंदुन, अदिक ट्वांगरा टेक्सकु अनली कुरतुन, 15“हे प्रभु, नान पार उन मा दया माळ! यतिकी आऊक मिर्गी बरतद, अदिक आव हापाळ दुख नेगुतान; अदिक घळी-घळी बेक्की दा अदिक घळी-घळी नीर दा बीळतोगतान. 16ना तान पार उक नीन चेलागोळ हात्ती तंदिदीन, पर आंदुर आऊक चंगा माळ सकिदील.”
17यीशु अंदुन, “हे अविश्वासी अदिक हठीला लॉकुरगोळा, ना यागासताका नीम सांगुळ ईराइन? यागासताका नीम्द सहन माळाईन? आ पार उक ईल नान हात्ती तरी.” 18आग यीशु दुष्टआत्मा अक आग्या कोट्टुन, अदिक अद आऊन दा टु होट बुळ्त; अदिक पार अदा घळी चंगा आगेदुन.
19आग चेलागोळ आबना दा यीशु उन हात्ती बंदकु अंदुर, “नाव आ दुष्टआत्मा अक यती तेगु सकिदील?”
20 #
मत्ती २१:२१; मरकुस ११:२३; १ कुरिन्थि १३:२ यीशु आंदुर से अंदुन, “तान विश्वास इन कमी इन कारण, यतिकी ना नीम से खरा अनतीन, अगर नीम्द विश्वास राई इन दाना अन बराबर भी आद, रा ईद पहाळी से अन सक्कीर, ‘ईल टु सरकुसकु अल होटोग,’ रा अद होटोदीत; अदिक यातोदु मात नीम साटी असंभव ईरतीदील. 21लेकीन ईव दुष्टआत्मागोळ प्रार्थना अदिक उपास इन अलावा यातोदु उपाय देल होळालव.”#१७:२१ ईद वचन दस्तावेज दा सिकाल
तान सायोद बारा दा यीशु उन मात्त: भविष्यवाणी
(मरकुस ९:३०-३२; लूका ९:४३-४५)
22याग आंदुर गलील क्षेत्र दा ईरोर, रा यीशु आंदुर से अंदुन, “ना मंळसा अन पार मंळसागोळ्द कय देल हुळसुस्कु आगाईन अदिक सौप्सकु आगाईन; 23अदिक आंदुर आऊक कोंद बुट्टार, अदिक आव तीसरा दिशी जित्ता आदान.” ई मात मा चेलागोळ हापाळ उदास आदुर.
सभागृह अन कर
24याग यीशु अदिक आऊन चेलागोळ कफरनहूम दा पोहचुसदुर, रा सभागृह अन कर ताकोमावाळेर पतरस उन हात्ती बंदकु केळली कुरतुर, “येन नीम गुरु सभागृह अन कर कोळालुन?”
25पतरस अंदुन, “हव, कोळतान.”
याग आव मान्या बंदुन, रा यीशु आऊन केळा पयले अच आऊन से अंदुन, “हे शमौन, नी येन सोचत्या? पृथ्वी इन राजा महसूल या कर यार से ताकोमतार? तान चिकोर से या परायागोळ से?”
26पतरस आऊन से अंदुन, “परायागोळ से.” यीशु आऊन से अंदुन, “आग अच रा चिकोर कर कोळदुर देल ऊळ्दोदुर. 27तरी भी इदुरसाटी कि नाव आंदरी ठोकर तिन्सतीदील, नी समुद्र अन्द किनारा मा होगकु गरी हाक, अदिक जो मेन पयले होट्टीत, अदरी हुडु; अदुर्द बाय तेरदुर मा नीनी ऊंद सिक्का सिक्कीत, अदरी का हुडुकु नान अदिक तान कर आंदरी कोटबुळेत.”
Atualmente Selecionado:
मत्ती 17: Haa25
Destaque
Compartilhar
Comparar
Copiar
Quer salvar seus destaques em todos os seus dispositivos? Cadastre-se ou faça o login
The Holiya Bible © The Word for the World International and Holiya Translation Samithi, Kudwa, Gondia, Maharashtra 2025
