1 Timotius 2
2
En sina'u tambisa masombayang a si Amang Kasuruan
1Kataré-taré sina'uenku kamu mekiupus angé an sombayang wo ipasombayang angé ka'i sé tou walina wo mengawéé mangé i makapulu'sama' a si Amang Kasuruan torona é pakasa in tou, 2torona é kolano wo sé kikiiten wangko' wosama' kita ro'na menonou ang kaeluran wo ang kaaruian. Wo wuta ing kale'tekan wo in siri' a si Casuruan, siituo si patus émaan é tou maéman. 3Siituo en loor wo maarui in até-Na, si Lumolowirta, 4wo icasalé'-Na ka'i wosama' pakasa in tou malowir wo makailek in sususuien wutul. 5Si Amang Kasuruan wayake' in esa, wo ka'i wayake' in esa e makawali sé tou a si Amang Kasuruan, Siao si Kristus Yesus. 6Sia isumarakano in owak-Na en tumu'bus im pakasa ing kamesé-meséaan é tou. Siituo eng kasairian i Amang Kasuruan si mamuali tuus asi oras si aitantu-Nao. 7#2Tim. 1:11 Siituo imangémai aku sinisir i Amang Kasuruan mamuali ruru'du'an-Na e mangé a sé tou ra'ica Yahudi eng kumua in abar andumoro' im paémanen wutul. Pakasa sé aicuaku anio' ulit! Yaku ra'ica matowo.
En andumoro im peri é tuama wo sé wéwéné am paapo'an an jamaat
8Ampa'paano in itu, icasalé'ku wosama' am bisa-wisake' sé tuama mengasombayang angé ang karapi in até weresi a si Casuruan, ra'ica ang karapi in e'bow wo meindoan roma'.
9 #
1Ptr. 3:3 Taniitu ka'i wo sé wéwéné, mengakarai angé sé patus am beren é tou, masoma-soma mangé wo tioo tirayo, tioo maéma' im buuk megioo, makasondol i mas kuma'pa mutiara, kuma'pa mekarai ing karai sosor ulit em bééna. 10Taan aweso taré sé wéwéné itu mengapasung in owak éra ang karapi mengaéma' sé loor sé patus pengaémaan é wéwéné sé mangaku maapo' a si Amang Kasuruan. 11Aweso taré sé wéwéné makapeneso mio' wo le'tek makalinga in sususuien in Taar i Casuruan. 12Ra'ica iwééku sé wéwéné masusui wo ra'ica iwééku ka'i séra merénta sé tuama, aweso taré séra makapeneso mio'. 13#Kej. 2:7, 2:21-22 Ampa'paan si kataré-taré niéma' i Amang Kasuruan si Adam owo, kumawus in itu émaan-Na si Hawa. 14#Kej. 3:1-6 Wo ka'i, ra'ica si Adam eng kinauwakan, taan si wéwéné eng kinauwakan i kikiiten é sétang, akar sia sumunduro im perénta i Amang Kasuruan. 15Taan si wéwéne itu malowir oka ampa'paan si toyaang aitouna,#2:15 Asi tuus anio' awéan rua tafsiran: 1. Sé wéwéné malowir oka ampa'paan itumou sé toyaang. 2. Pakasa in tou malowir oka ampa'paan i esa wéwéné si tumou si Apo' Yesus. sa sia uli-ulit maéman a si Casuruan mandé meta'up in okoi wo mengaupus sé tou walina, menonou ang karapi in até weresi an dior i Casuruan wo ka'i em perina ra'ica tirayo.
Atualmente Selecionado:
1 Timotius 2: TNT
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
En Taar Weru a nunuwu' é Tontemboan @ LAI 2018