Малахия 3
3
Анги́л пхэныбэ́н пал Иоаностэ и Месиястэ
1“Акэ, Мэ бичхава́ва Мирэ́ Янголо́с (звесь-яныбнаскирэс), и ёв кэрэ́ла дром анги́л Ма́ндэ. О Рай Дэвэ́л, Савэс родэ́на тумэ́, явэ́ла кэ Пэ́скири Кхангири́, и Янго́ло (звесь-яныбнаскиро) пэ дава́ завето, Савэс камэ́на тумэ́: акэ, Ёв джа́ла”, – ракирэ́ла янголэ́нгирэ-болыбна́скиро Рай Дэвэ́л. 2Нэ кон вырикирэ́ла [сашты́ тэ вырикирэл-ю.о.] дава́ дывэ́с, ке́ли Ёв явэ́ла? Кон вытэрдёла [сашты́ тэ вырикирэл-ю.о.], ке́ли Ёв сыкадёла? Ёв явэ́ла сы́рбы яг, сави́ розбилавэла (росплавинэла), сы́рбы шутло сапуни (шчолко), саво́ жужакирэла руп. 3Ёв бэшэ́ла сы́рбы спецо, саво́ пирибилавэла (пириплавинэла) и жужакирэла руп, и Ёв жужакирэла чхавэ́н Левиёскирэн и пирибилавэла лэн сыр сувнака́й и руп, соб (кай) ёнэ сашты́ тэ янэ́н Ра́скэ-Дэвлэ́скэ свэ́нто дыибэ́н дро чачипэ́н. 4Тэ́ньци свэ́нто дыибэ́н Юда́скиро и Ерусалимоскиро явэ́ла лачхо́ Ра́скэ-Дэвлэ́скэ, сыр дрэ гаратунэ бэрша́, сыр дрэ бэрша́ вагэдыр (англэды́р). 5И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л. 6“Пал-дова́ со Мэ, Рай Дэвэ́л, на парудёвава, палдава́ тумэ́, чхавэ́ Яково́скирэ, на хасинэ́. 7Нэ тумэ́ рисинэ́ криг Мирэ́ статутэндыр (уставэндыр) долэ́ дывэсэ́ндыр, ке́ли сыс тумарэ́ дада́, и тумэ́ на ракхнэ лэн. Рисён кэ Мэ, и Мэ рисёва́ва кэ тумэ́”, – ракирэ́ла янголэ́нгирэ-болыбна́скиро Рай Дэвэ́л. Нэ тумэ́ ракирэ́на: ‘Сыр амэ́нгэ тэ рисёвас?’
На Хохавэн Дэвлэ́с
8Ци сашты́ манушэ́скэ тэ хохавэ́л Дэвлэ́с? Нэ тумэ́ ж хохавэна Ман! Нэ тумэ́ пхучэна: ‘Дро со амэ хохадям Тут?’ – Дрэ дэшэнгирья и дрэ свэ́нта дыибэна́. 9Пэ тумэ́ндэ пхэндлэ́ арманя (тумэн прокошнэ), нэ тумэ́ хохадэ Ман, тумэ́ – сари́ тумари́ нацыя. 10Янэ́н цэ́ла дэшэнгирья дрэ пиралы́, соб (кай) тэ явэ́л хабэ́н дро Миро кхэр, и спробинэн Ман далэ́са акана́, – ракирэ́ла янголэ́нгирэ-болыбна́скиро Рай Дэвэ́л, – ци псиравава (откэрава) Мэ фэнштры пэ болыбэ́н и бичхава́ва тумэ́нгэ ада́кицы бахтякирибэна, соб (кай) тэ на ухтылэл штэ́то тэ прилэ́н лэн. 11И Мэ кэра́ва адя́кэ, со кирмэ буты́р тэ на хан сарэ́са барьякирдэ́ (пло́ды), со тумари́ пхув дэ́ла, и соб (кай) винаграды́тко хру́сто тэ на пириячэл тэ дэл му́ри пэ фэ́лда,” – ракирэ́ла янголэ́нгирэ-болыбна́скиро Рай Дэвэ́л; 12И сарэ́ манушы́тка на́цыи явэ́на тэ кхарэ́н тумэн бахталэнца, пал-дова́ со тумари́ пхув явэ́ла камлы, – ракирэ́ла янголэ́нгирэ-болыбна́скиро Рай Дэвэ́л.
Мануша́ Жалинэнапэ Холя́са
13Тумэ́ пхэндлэ́ холямэ́ лава́ пэ Ма́ндэ, – ракирэ́ла Рай Дэвэ́л, – Нэ тумэ́ пхучэна: Со дасаво амэ ракираса пэ Ту́тэ? 14Тумэ́ ж пхэндлэ́: “‘Нанэ мол тэ дынарина́с Дэвлэ́скэ; и саво́ ко́фо (польза) исын далэ́стыр, со амэ ракхаса Лэ́скирэ статутна упхэныбэна́, и со амэ псираса тугаса (печаляса) анги́л янголэ́нгирэ-болыбна́скирэ Растэ-Дэвлэ́стэ? 15И акана́ амэ дыкхаса и ракираса, со пхутькирдэ́ мануша́ исын бахталэ́, пал-дова́ со одолэ́, кон кэрэ́ла злыднима (фуипэ́н), дживэ́на фэды́р дывэ́с дывэсэ́стыр, и, чачо́, кодолэ́, савэ́ пропатякирэна Дэвлэ́с, ячэ́напэ джидэ́ [бидошакирэ-ю.о.].’”
Лылвари́ Рипирибнытко (Книга ваш Рипирибэ́н)
16Тэ́ньци одолэ́н, савэ́ дара́ндынэ Ра́стыр-Дэвлэ́стыр и ракирдэ́ екх екхэ́скэ: “Лэн о Рай Дэвэ́л лэ́ла тэ шунэ́л и пошунэла; и адя́кэ чхиндяпэ лылвари́ рипирибнытко анги́л Лэ́стэ пал кодолэндэ, кон дарэ́ла Ра́стыр-Дэвлэ́стыр и розлэла годя́са [рикирэ́ла дро ило́-р.с.] Лэ́скиро лав.” 17Ёнэ явэ́на Мирэ́, – ракирэ́ла янголэ́нгирэ-болыбна́скиро Рай Дэвэ́л, – дро дова́ дывэ́с, сыр Мэ кэра́ва лэ́ндыр Миро кучипэ́н. И Мэ ява́ва тэ тангинав (жалинав) лэн, сыр о ману́ш тангинэла Пэ́скирэ чхавэ́с, саво́ дынаринэла лэ́скэ. 18Тэ́ньци тумэ́ нэвэ́стыр розґалёна лачхэ́с машки́р патяибнаскирэндэ и фуе́ манушэ́ндэ; машки́р кадалэндэ, кон дынаринэла Дэвлэ́скэ и одолэ́ндэ, кон на дынаринэла Лэ́скэ.
Atualmente Selecionado:
Малахия 3: ROMBALT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
maintained by the United Bible Societies for the Baltic Romani Mission