Mga Salmo 126
126
Nag-ampo hin Katalwasan
1Sugad la adto hin inop,
han pagpabalika ha aton han Ginoo ngadto ha Sion!#126:1 pagpabalika…ha Sion; o paghimoa han Jerusalem nga mainuswagon na liwat.
2Hin kamakusog han aton pagkatatawa,
hin kamalipayon han aton pagkaranta!
Niyan nagsiring hiunong ha aton an iba nga mga nasod,
“Nagbuhat an Ginoo hin dagko nga mga butang para ha ira!”
3Tinuod gud nga nagbuhat hiya
hin dagko nga mga butang para ha aton;
hin kamalipayon naton hadto!
4O Ginoo, ibalik kami ha amon tuna,#126:4 ibalik…amon tuna; o himoa nga magmainuswagon na liwat kami.
sugad gud han pagpapabalik hin tubig ngadto han magmara nga mga salog
pinaagi han imo uran.
5Papagbaria hin malipayon,
adton mga nagtangis han pagpugas nira!
6Mabalik ngan magkakanta hin malipayon,
nga nagdadara han binari,
adton mga nagtangis han paggawas nira nga gindadara an binhe!
Atualmente Selecionado:
Mga Salmo 126: MBBSAM
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Baraan nga Biblia © Philippine Bible Society, 1984