MALAKI 4
4
Npugü Jon Gü Le Ryüjü
1Kekvutsin Npugü le zo, “Ketekho kehü lo gwakemvu nyu aphu npenkon hontse khipe rola nrün jon güle ryüjü. Tsü jon nyü anyugun ro lati, anyugun nme nsen shü loho. 2Ai hagun ajozen kehü nyu we, akipon kenikelo kekvu le yhüko hontse chwiryüo yhüko tson hontse hagun thyü kesherhün shüti. Methu binnyu methunyu shwü keshü hontse hagun hoshü lao shekerhün thyüti. 3Ale thathyü keso nyü hagun le serikemvu gü nyekvu lo-o anyugun le hagun phasin ki kenphü hontse lati.
4“Ale Israel nyu temi aphu no zen hü lotse Sinai kazüthun ge pe a-tsü keshü ago gü Mosa senkethyü, tejvü, lo johokeshü dan rüchün hülo.
5“Ai Npugü jon keda lo ketetsin kethyü gü le keryü mhundyü, ale sidyükesha gü Elijah nipe hagun ki shüti. 6A-le mepvünyu lo me nyenyu zenryü kequen nishüti; tson mvu yatse kethyü we ale hagun kazü nke lati.”
Atualmente Selecionado:
MALAKI 4: REGSBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.