SÂM 149
149
1 BAWIPA cu thangṭhat u! BAWIPA thangṭhat in hla thar sa ulaw, mithiang hna pumhnâk ah thangṭhat u. 2Israel mi kha an Sertu cungah i lawm hna sehlaw, Zion fale kha an Siangpahrang cungah i lawm hna seh. 3Amin chim in lâmnâk he thangṭhat sehlaw, khuang le tingtang he amah thangṭhat in hla sa hna seh. 4Zeitintiah BAWIPA cu ami le cungah â lawm i toidormi kha khamhnâk he dawhte in a ṭamh hna lai. 5Mithiang hna kha sunparnâk in i lawm hna seh, an ihkhun cung zongah thang ngaiin hlasa hna seh. 6A sângmi Pathian thangṭhatnâk ankâ ah khat sehlaw, vainam kaphnihhar an kut in i put hna seh. 7Miphun kip sin i phuhlam ding le, mi kip dântat dingin, 8an siangpahrang kha cikcin i ṭem awk le, an milianngan kha thir hreng khenh ding le, 9a kong lam ceih i ṭial ciami bang i tlinter awk ah, cucu a mithiang vialte upatnâk cu a si. BAWIPA cu thangṭhat u.
Atualmente Selecionado:
SÂM 149: HAKABSI
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.