SÂM 138
138
1Ka lungthin dihlak in kan thangṭhat lai; pathian dang hna hmaiah na sinah thangṭhatnâk hla ka sa lai. 2A thiangmi na ṭempal lei hoih in kan biak lai, zeitintiah na duhdawtnâk le na biatak ruangah, Na min ka thangṭhat lai, zeitintiah na bia cu na min vialte nakin na cawisanmi a si. 3Kan auh lio ah, naka leh i ka nunnâk hi ṭhawnnâk he aral na ṭhatter. 4Maw BAWIPA, na hmurkâ chuakmi bia kha an theih tikah, vulei siangpahrang vialte nih an in thangṭhat lai. 5Asi, BAWIPA sining kha hla in an sak lai, zeitintiah lianngannâk cu BAWIPA sunparnâk a si. 6BAWIPA cu a sânnâk ah um hmanhsehlaw, a niammi hna zawn a ruat; asinain miruamkai cu hlapi in a hngalh hna. 7Harsatnâk ah um hmanhninglaw, naka hlauh`hân lai; ka ral hna thinhunnâk doh awkah na kut na samh lai i na orhlei kut in naka khamh lai. 8BAWIPA nih ka ca i tuah a timhmi cu a tlinter lai. Maw BAWIPA, na vêl cu zungzal in a hmun. Na kutchuak thil hna hi kaltâk hna hlah.
Atualmente Selecionado:
SÂM 138: HAKABSI
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.