Nhiara 131
131
Tawrik la Itmatromlawanni nayanni emeknekama papay lokmera ida
1Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni la'a letlawna Yerusalem (Nhiara Ziarah Daud):
Matroma! A'g edonna utulu-upetna ino'nu mai noh di wawannu.
A'g edonna wuarora-wualai niohora hya'-hya' maka Matroma Nmeh'a Natga.
A ralma-rio'ru ta'enniana nla' nana hade.
2Mere apuesiay tio' O'a, Matroma, ne a ralmu di namtiertierun nek wa
pa emeknekama papay miaka kpeher la inni uhunu#131:2 papay miaka kpeher la inni uhunu La' yawala Ibrani riwra: “emekneka papay maka rolin doin olek la uhu.”
pa nahe'i niohora yakanni la inni riwni wawannu.
3Makden Israel miy re! Mhia'ar nek aranmi la Itmatromlawanni Makdenreri
la' dodo'on di la'pa nodi liarni.
Atualmente Selecionado:
Nhiara 131: LEX
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2025, Wycliffe Bible Translators, Inc. All rights reserved.