Nhiara 127
127
Ra'uli-rawedia Itmatromlawanni Makdenrer die onnila kalwiedni
1Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah Salomo):
La'pa Itmatromlawanni edonna Nariria roma ida
de tukna re kniarni mana edonna rla' ga'a.
La'pa Itmatromlawanni edonna Nruwun reria leta ida
de mak katiak reri re mana ta'enniana ratiak samou leta ralamni.
2Persum to'ola itkar pia ta twahaka it apannu mniotni,
la' loka-lak ma'ta de tamat wa ne mela lawan memna nanpena tpot la.
Yoma riy maka Itmatromni Nsaynia re ranin ma'ta de Nwatiern oleka hya' maka hota repra ha rwahaka.
3Upa-a'na re de, Itmatromlawanni Makdenrer die ed mak kala re. Plola!
Ir emolmolan nekama yara'a-yapalu muaka itlernana la'a E'a.
4La' a upa-a'na muanu maka it tlernana la Itmatromni la' ler maka ituwarwiar mia'ta de
emeknekama ra'p'ihi maka makodi keki-rautu ida ntorreria.
5Hota unut lawna meman la'a riy maka a'na muanu harahu.
Emeknekama rhi'targ' oleka ra'p'ih harahu.
Hota emkameni ho'mana takenniana riy rala la yawa!
La'pa rwatrom la watghudi gaini de ralerun targa arwalli.
Atualmente Selecionado:
Nhiara 127: LEX
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2025, Wycliffe Bible Translators, Inc. All rights reserved.