Nhiara 125
125
It tsa'ar it aranni la Itmatromlawanni Makdenrer die, de it ralamni namtiertiernu
1Nhiar maka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah):
Riy maka kha'ar reria aranni la Itmatromlawanni Makdenrer die
emeknekama wo'or Sion maka ta'enniana nawnieka
onde nwo'la-nwain kuku'eti pa nodi liarni.
2Emeknekama wo'or tutul muaka Yerusalema ndella letgara-mneneheni,
de emekwalima Orgahi-Orha'a Nruwun reria rimormiorni
la' dodo'ondi pa nodi liarni.
3Riy yatyata re rodi plolli la'a riy mak kaplola re genni-tienni, de hota edonna naplahwa,
totpena yanpa riy mak kaplola re mana rlernohora riy yata re nhiolli-lietni.
4 Matroma! Muala kalwiedwedni la riy mak khi' kalwieda,
de la'a riy mak ihranu ralamni re raplele'era.
5Mere la'pa rlernana riy maka khoitio'or doin loi-talanmu de,
de Matroma wro'on tulmu natniuwun la wuwannu re ror wutga mutwualli maka kyata-khala re honona.
Twak de Itmatromlawanni Nara'a-napalga rimormiorni Israel totpena rler la kalwiedni-paitiotni.
Atualmente Selecionado:
Nhiara 125: LEX
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2025, Wycliffe Bible Translators, Inc. All rights reserved.