Nhiara 120
120
Tsumbain pa twaka tniulan la Itmatromlawanni Makdenrer die
1Nhiar maka rwatunu-rwahniar la'pa rha'at la wo'ora wawannu pa rla rkola tieru-rawur nehla la Itmatromlawanni (Nhiara Ziarah):
La'pa alier la susa ralamni de apuol lia Itmatromlawanni
noma Nwahla nan a'u.
2Agiwra: “Matroma! Muhal doin a lia'a
riy maka kpudi-akla ka'ohpa-kalahara re!”
3Mak kpudi-akal miy re!
Hota Uplerlawna Nhi'a hya'a la miy ooo?!
Hota Enala hya' pa Nala na Nukmua miy hononmi o?!
4Mitiak o! Ra'pa ihi ploklokra maka kwatiaga ahu namni
hota ntiy die ihini lomlomra-laliair nohora morni.
5-6Hota muati e! Adien niek la riy Mesek me riy Kedar emolmolan neka do'ona-dakna ida.
La'a hya'a rieini pede a'g e dien wut lia ir o?!
Ir mormiorni de sukni tia'ala amhol wiutu rewre'wa la kalwiedwedni.
Mahnek memna oleka agor ir la' gen ida.
7Maka a ralmu nod rer nieka de totpena riy id nor rimormior wialli rkalwieda, yana rahuri-rawo'ora.
Mere la'pa a nu'ru nheik nan lir kalwiedweda, dewade riwra rwahedga tera wehla wa.
Atualmente Selecionado:
Nhiara 120: LEX
Destaque
Copiar
Comparar
Compartilhar
Quer salvar seus destaques em todos os seus dispositivos? Cadastre-se ou faça o login
© 2025, Wycliffe Bible Translators, Inc. All rights reserved.