Versículos Bíblicos Populares relacionados a P̱ILIBBI 4

Compartilhar

Dhalka anan ki anan mo gom ton ’deŋ kamu/ mo ma hili eya ris to ’baar mo ki mon’tho mo dhali ka thip̱ jin thip̱u mo ki mom’bor bwa i is mo tani dhalki ton doṯ bum minu mish mo eya Arumgimis mo.

Dhali moŋḵu’th is ma Arumgimis a’di jin peki’d eya ris mo jin mishu gwo ’ban mo tani a’di midi jiya dum bum mo dhali bwam bum eya Ḵrisṯẖos jin ta’da Yesus mo be.

Gom gwo jin boc̱o’d mo gom um, iwaḵ mo tani aris to gun ta kuŋ gana/ mo, aris to gun ta kun taḵu mo, aris to gun ta kuŋ ḵar/e mo, aris to gun ta kun dhelelin mo, aris to gun ta kun ŋa/u mo, aris to gun ta kuny jaro/ mo, waḵki/ akamu/ midi ’taki di jin bol tiya e ki ’bor gana/ mo tani waḵki/ ṯal ’deŋ kamu/ midi ’taki di jin ta jin ha me’d mo ki momaŋ mo tani kulumi gwo gwansani bwa mo ma.

Aha/ misha aris to ’baar mo mii mo e a’di jin ’bi’thki aha/ is mo be.

’Kunyi bwa mo ma, e Tap̱a, isa yempa/ mo. Doḵ/e aha/ mina o um gwo mo ki: ’Kunyi bwa mo ma.

Dhali Arumgimis pem midi thip̱ um ka ris to gun mina umi mii ta mo isi to gun waki kun tana a’di pam piti mo e monyca eya Ḵrisṯẖos jin ta’da Yesus mo be.

To gun da/ara um mo dhali kun budha um mo dhali kun ciḵa um mo dhali kun p̱arkina um e mo e aha/ mo tani to gwansan miiyi uni mo ma dhali Arumgimis gi moŋḵu’th is midi di e um mo be.

Dhalka ris ’kwani ’baar mo mishi mo mo ma, mo ma dum bum jin ’tima um mo. Haali/ Tap̱a a’di ’disha ’twa/ mo hila/.

Aha/ misha mmokar is ki jiŋ gwa’d mo dhali aha/ misha si’da/ mmo/isha to ka enthus mo. Eya ris to ’baar mo dhali gom to ’baar mo tani aha/ mishkina ka malimbu’da/ mmokap̱ mo dhali mmo’kosha ṯe/ mo, mmo/isha to ka enthus mo dhali mmohara to mo.

Yisa mmo/oka/ gwo gom mo gi hara to mo haali/ aha/ mishkina mo ki is pem mo ki mo yin jin dika/ nycine/ mo tani aha/ c̱a’bkina mo ka this mo i e mo be.