Versículos Bíblicos Populares relacionados a KULUSSI 1

Compartilhar

A’di ’cuḵki ana mo ’peni mom’bi’th gi mondhurumi’d mo, mmo’ciṯẖ ana agap̱ mo e bampa/ gi Ya/m piti jin ena a’di mo

Haali/ e a’di mo tani aris to ’baar mo ’kokunu mo mmo/uḵ mo e momis mo dhali e mony’cesh mo, uni gun mishu ki e ga ’cesh mo, dhali uni kun molu p̱ar e ki e ga ’cesh mo, waḵki/ adhana ḵursi ma maliḵ mo walla mo jin tanu tap̱a mo, walla mom’bi’th kun molu gadhir mo walla moshirr mo tani – aris to ’baar mo ’kokunu mo mmo/uḵ mo e a’di mo dhali gom a’di mo be.

A’di diki’di ṯwa/a/ ka ris to ’baar mo, dhali e a’di mo tani aris to ’baar mo tulkunu ’twa/ ’kup̱ mo e a’di mo mmonṯal ’de/ mo be.

A’di jin bu’thki jamas ma Arumgimis mo, a’di jin molu mish ki e ga ’cesh mo, a’di jin ta’da bwa nyara/ jin ṯwa/a/ ka ris to ’baar mo kun uḵu mo be.

Dhali wakan ’pena tee jin ciḵkina aman a’di mo tani aman yisa daḵkina ’tho mo mmo’tho mo gom um mo, mmodoṯa/ doṯ mo ki um minu ’taki ’tu’d mo ki monyiṯẖ bwam piti mo eya ris miin to gi shi/in gi moyuḵ mo dhali momish gwo ’ban mo, mmosusa sus e bway mii kun mini ha me’d gom Tap̱a mo, mmo’tu’d mo ki mii kun mini ’bor a’di bwa i is mo mmoḵal mamana dho’th mo goma ris miim ’borga/ mo dhali mmomara mar is mo ki monyiṯẖa/ Arumgimis mo be.