Versículos Bíblicos Populares relacionados a Kalatia 6

Compartilhar

Iwe, sisap achanü le föföri mine a mürina. Pun are sisap achanü, epwe war ewe fansoun lupwen sipwe kini ewe räs.

Iei mine lupwen mi wor ach fansoun fich, sipwe eäni kirikiröch ngeni aramas meinisin, nge akaeuin ngeni chokewe mi nom lon ewe familien chon lükülük.

Oupwe mwärelong fän wosen chiechiemi wosochou, ika oupwe föri ei, oupwe aleasochisi än Kraist allük.

Ousap püsin atupukemi. Sisap tongeni urumwotei Kot. Pun mine eman aramas a fotuki, iei met epwe pwal kini.

Are eman a fofot lon mochenian fitukan, epwe kini mäla. Nge are eman a fofot lon Ngün, epwe kini manau esemüch.

Ämi pwii kana, are eman me leimi a tur lon tipis, chokewe me leimi mi eäni Ngünmifel repwe apwüngü fän tipepwetete. Nge oupwe püsin afälikemi pwe ousap pwal turulong lon sosot.

Are eman a ekieki pwe mi wor itan, nge esap fokun wor, ätewe a püsin atupu. Eman me eman epwe püsin apwüngü an föför. Are a mürina, mürin a tongeni pwapwa ren met a föri, nge esap awewei met i a föri ngeni met eman a föri. Pun eman me eman epwe püsin mwärei wosan wosochou.