Versículos Bíblicos Populares relacionados a Xénese 1

Compartilhar

Despois dixo Deus: —"Fagamos o home á nosa imaxe e á nosa semellanza, e que mande nos peixes do mar, nos paxaros do ceo, nos animais domésticos e nos réptiles todos da terra". E creou Deus o home á súa imaxe, creouno á imaxe de Deus, creouno varón e femia.

E bendiciunos así: —"Reproducídevos, crecede, enchede a terra e sometédea. Mandade nos peixes do mar, nos paxaros do ceo e nos réptiles todos da terra".

No principio creou Deus o ceo e a terra.

A terra era unha masa informe e baldeira, as tebras cubrían o abismo e un vento poderoso axitaba as augas.

Mandou Deus que houbese luz, e houbo luz.

Viu Deus canto fixera e era de verdade moi bo. E completouse o sexto día.

Viu Deus que a luz era cousa boa e arredouna das tebras.

E díxolles aínda: —"Aí vos dou as herbas todas que hai na terra, coa súa propia semente, e todas as árbores que dan froito coa súa propia semente: serviranvos para a mantenza".

A luz chamouna día e ás tebras chamounas noite. E con iso completouse o primeiro día da semana.

Quixo Deus que houbese un espazo para arredar as augas das augas.

As feras todas do monte, ós paxaros do ceo e ós réptiles que viven na terra doulles a herba para a mantenza". E fíxose así.

Mandou Deus que houbese luces no espazo para distinguir o día da noite, para dar sinal das festas, das estacións e dos anos

Mandou Deus que a terra xermolase herba verde, plantas coa súa semente e árbores que desen froitos, cada unha coa súa semente, conforme á súa especie. E así foi.

E fixo un espazo, que arredaba as augas de enriba das de embaixo.

A terra xermolou herba verde, plantas coa súa semente, árbores que daban froito, cada unha coa súa semente. E viu Deus que estaba ben.

Deus fixo dúas luminarias, a grande que rexe o día, a pequena que rexe a noite, e tamén as estrelas.

Mandou Deus que se xuntasen as augas de embaixo nun lugar e que aparecese o chan enxoito. E así foi. O chan enxoito chamouno terra e ás augas xuntas, mares. E viu que estaba ben.

E bendiciunos deste xeito: Reproducídevos, crecede, enchede as augas do mar e que os paxaros medren na terra.

Mandou Deus que a terra producise as varias especies de animais, os domésticos, os réptiles e as feras salvaxes. E así foi.

Quixo Deus que as augas fosen un fervedoiro de peixes e o espazo entre o ceo e a terra un voar de paxaros.

Deus fixo as varias especies de feras salvaxes, animais domésticos, réptiles, e parecéronlle ben.