Versículos Bíblicos Populares relacionados a Isaías 54

Compartilhar

kaunah kalbaunin di as man yakat madaukalpamnin kidika laih muih as bik baisa yamwas ki. Man dutni yamnaman atwi yulma yayakwarang balna kidika man lawa tininapas ap dama. Kidika kuduh yang lawik diatayang yang diki yamyang balna yakat: minit bayaknin.” Dawan yaklauwi yulwi.

Asang balna kidika panina kaupak dawi pa ūk yakat yaklalawarang karang bik, dawak asang balna kidika langni manah kalwarang karang bik, yang man yakat dalani matalayang kidika satuk kalwas karang, dawak kulnin aslah lani pranimis yamnayang kidika sau yakat bukwas karang.” Dawan kaput yulwi, man yakat mamakun matalwa kidika.

Yamaduwinih, namangkarinin diskarang ki; mauhuswas karang ki dawak asalni bik dutas awama. Wahma asalma dai kidika damatkahna karang, dawak kaput bik ismangkattas awama tingmak kalta rismapik dis dawarang kidika

kat mayamna muihni kidika yaklauwi yalni maduwarang bahang. Witing ayangni laih Dawan parasni nuhni duwi; malaihwi yakyang kidika laih Israel Papangni maisihni dis kidika, sau bitik Papangni.

Man ūma labanni kidika baisa nuhni yamtah, yamadutas ū paknin asnina dinit yakat āwaman kidika ritah; wahni balna kidika murtah dawak panan uknaman kidika yamni tisatah

Yang walamabis balna kidika bitik sumalki; witingna bitik di yamni manas duduwarang.

Sirihni man kulnam daukalnaman dai, dawak yang bik ma parahni man kaupak maldanayang, kaunah dalani ban kaput atnin kau mamakun matalnayang.” Yulwi, Dawan malaihwi yakyang kidika.

“Ma parahni marumhtik danayang dai, kaunah minikunni talnin lani nuhni kau wattik maduaitingkat kalpakdarang yangkarak.

“Noa yakat kalyulnayang dai kaput, was nuhni āna dai kidika, watwi was nuhni-āwas karang sau akat, kaput laih man yakat mayultayang rahm palni wattik kulnik daukalnik awas man yakat, dawak namangyakat lawinik-awas.

Makau kilwi talnin pāni kidika kipala pauni kau yamki, dawak dūrma balna kidika laih kipala sangni dibasta kapat kau yamki, dawakat daklana balna kidika laih kipala dahlwa balna kau manah yamki.