Versículos Bíblicos Populares relacionados a MATHI 7

Compartilhar

“Hi chi, lo khipe hagun tsüti, fü chi, lo hagun le hyulo ti.

Kakhin kekho chi, lo khinshye pe hagun tsüti. Kechamvule temi ligü higüe hi kehünyu le hyulo hünyo; lo fü kehünyue hyulo hünyo.

“Tsügenyu ligü higüe ajo dan nyülo njüo tsü thyü lo zen kehü gü le temi kensü tsonye so ge a-ka thyükelo gü hontse ti.

“Tsügenyu me le hagun ge nyu thyüshülo hagun kenyü hüyo, hagun ko me ge tsühontse thyüshü nye, kechamvule hile tejvü gü lo sidyükeshanyu jobin.

Ai kerhün nyu kegun chwida tsüle nrün, lo a-tson le tsen, lo tsü hyukelo temi le rho.

“Hagun chwida kenrüngü nyu yülo chi, kechamvule kenke nyu gun kehü chwida le nmhun lo tson-e nne, lo temi kechon le tsünyu yü kehü genyu.

Hagun serikemvunyue thakegwa pe hagun nyenyu ketsü jvü shalo, tsünyeki tsangge kebin hagun Pvü le thakegwa pe a-ka hi kehünyu tsüshü mvu ti ole?

“Hagun me kemu fü nya, tsonlo yatselo Sunggigü ko hagun kemu fü loho. Kechamvule hagun le pe me nmu keshü gü tsü lope hagun nmu niti; lo hagun le ndo keshügü tsü ndoni pe hagun tsüti.

“Lo ligü higüe Ajo nyülo njüo tsü thyü, lo zen hükemvu gü le, temi kepho hachon so ge a-ka thyü kelogü hontse ti.

Lo nle nyuthyüo nnpvü nyhütyü ka senthün kebin gü rüchün mvuo, n sikezengü yhütyü nyu kerhu keshanyu le kebin gü nri hü nla? Nmvue nyuthyüo nyhütyü nyu senthün le kebin rüchün mvuo nzikezengü ka, ‘A no nyhütyü ka rükhü tsü kinla ta,’ tsonkethyü zolo gwa la?

“Kenku sidyükesha dan genyu petsülo, tsüdan le tanyü phinya ben-o hagun dan nyu ryüzhü nyo, ai phisin kiwe anyugun le me tenketyü teken dan me. Anyugun sha ge anyugun shalo ti. Me le tsehü bin ge vainsha lülo, nmvue hüron bin ge kherosha lülo hü ole?

Tsühontse senbin kegwa lihie a-sha kegwa nshalo hünyo. Ai senbin gwakemvu le a-sha gwakemvu nsha hünyo.

Sanbin kegwa nme le gwakemvu sha nsha loho, nmvue senbin gwakemvu nme le kegwasha nsha loho.

Sanbin lihie kegwa nshalo hü kemvunyu gwen pe mah nyu shüla hünyo.