Versículos Bíblicos Populares relacionados a Rano'a 12

Compartilhar

Ralma-rior maka kworworga de nhi' rira pa ralamni nmolu-nhelam reri. Mere lira-tun samomuou nhi'a rira pa rahmuakru owa'ana.

La'a riy maka kirkirni-ralma riorni samoga de sukni riy ra rwale'era ira la'pa rhi'a do'a-hala. Mere riy maka kpodku de rahmena rpolliohora.

La'pa ita edon twarora-twalai pa taltieri-taltiani de it lirni de emeka nhior lawar kokoki-tawta'wa la rira ihranu ralamni. Mere la'pa riy mak katu de ir lirni-tunnu re emeknekama koda atiap maka ha rala rwatunu-rwatah'a nnieni-nhiena.

Riy mak kpodku natniekame hya' ed maka nwarora-nwalaiya de naplol olekwa. Mere la'a riy mak katu de sukni natlina lira nnio'a-wawa niatu.

La'pa riy rapolu-raliella riy mak kpodku de pleta-plet pa rawenna. Mere riy mak katu nodia inonni, edon rawenna la'pa riy ramola-rama' ira.

La'pa patke' mak nhiolli-lietni samoga me ntulla-nkaria la hya'-hya' to'owa de ed maka khi'a muanke'eni pa nanni samoga. Mere patke' mak khi'a mola-ma'a muanke'eni de emeknekama nnieni mak khi' agehpa rurni-kliakallu.

ORGAHI-ORHA'A Nagai pietan la'a riy maka kputra-kpalka ohpa-lahara. Mere ralamni nahepru la riy maka kwehwa-klakat rer lia ploi-ple'era ralamni.

Riy ploi-ple'era ntutga talan plollola la rimormior wialli. Mere riy yatyata de nler la klierat lawna yoma la'a hihi'a-yapyapi maka kyata-khala.

Ohpa-lahara de hota pleta-plet pa riy rat niohora. Mere la'pa lira-tun mak kaplola de hota riy rhoratreria pa nodi liarni.