Versículos Bíblicos Populares relacionados a Rano'a 11

Compartilhar

La'a riy maka kara'a liawanni de hota ha nre'a-ntaru. Me riy maka ktulla-ksayn reria rimormior wialli, de hota riy rtulla-rsayn wali e'a.

La' riy dom de rara'a rira, ne yeher to'a pa re'eni-tniarnu ra'ititar rer tio'owa. Mere dom de ratawra ne yeher to' pa rakleha-raplara.

La'a riy maka kpo'ona-kpei, de hota rler la molmola-mama'a, mere la'pa riy maka khu'ru-khelma la rimormior wialli de riy mak katga re.

La'pa noha-rai ida limni-rorni nakleha riy mak ktutga talan plollola la' ira totpa rlernohora, de hota noha-rai die nler la wnieyata-wnianiawua. Mere la'pa mak katu kano'a-ka'atga harahu erla, de hota yeher to'ama limni-rorni rler la mounu-wahrani mori-lewna.

Hihi'a-yapyapi mak kden rer lia plollolli wawannu de nodia riy la mormiori-dardiari. Riy mak katu de yeher to'ama riy rlernohor reria.

Mak kodi nuru edonna rawunmua hadoma mere nhi'inde rapupu-raheria rimormior wialli. Mere riy mak riy rpesiaya de rherier wia.

Riy maka ktutga ralam kalwiedni la rimormior wialli de nlernan ha samomuounu la inon wamueheni. Mere la'pa riy miaka nhi' yatyatni la rimormior wialli de nhi' arukia inon wamueheni.

He' ed maka kha'ar aranni la tniarnu de hota ntuin de emeknekama atiap miara. Mere riy mak kden rer niekla plollolli wawannu, de hota npoti-nkadwu pa emeknekama or uhwu-au uhwu.

La' ler maka Orgahi-Orha'a ralmha'arni ntuin la rimormiori, de ir re'eni-tniarnu edonna nodi unut hadom la' ira. Mere riy mak kden rer niek la plollolli wawannu de hota rlewan la matmiati-molmuolu ralamni.

La'a riy maka samomuou de nhiolli-lietni naplolioi-naplele'era. Ne la'a riy maka ka'ohpa-kalahara de hota ntuin la kdiorni-kdieheni wawannu.

Patke' ida inonni me gaini samounu mere nhiolli yata, de emeknekama e rkenia kdiel miaha la wawi irannu.

ITMATROMNI sukni tia'ala riy rnairia tatiaili mak'ana. Mere sukni la riy mak knairia tatiaili maka rnairia de nornora.