Versículos Bíblicos Populares relacionados a Hulubaton 3

Compartilhar

Magsalig ka sa GINOO sa bug-os mo nga tagipusuon, kag indi ka magsalig sa imo kaugalingon nga kaalam. Dumduma ang GINOO sa tanan mo nga ginahimo, kag tuytuyan niya ikaw sa husto nga dalan.

Indi ka maghunahuna nga maalam ka na gid kundi magtahod ka sa GINOO, kag indi ka maghimo sang malain.

Padunggi ang GINOO sa imo mga pagkabutang, pareho halimbawa sa paghalad sa iya sang una nga parte sang tanan mo nga patubas. Kon himuon mo ini, magasulubra ang mga patubas sa imo mga bodega kag ang duga sang ubas sa imo mga pulugaan.

Magpabilin ka nga maayo kag matutom; indi ina pagdulaa kundi tipigan mo gid sa imo tagipusuon.

Anak, indi pagpakalaina ang pagdisiplina sang GINOO sa imo. Indi maglain ang imo buot kon ginasabdong ka niya. Kay ginadisiplina sang GINOO ang iya mga ginapalangga pareho sang ginahimo sang isa ka amay sa iya anak nga iya ginakalipay.

Anak, indi gid pagkalimti ang ginatudlo ko sa imo; tipigi sa imo tagipusuon ang mga ginasugo ko sa imo, kay makapalawig ini kag makapauswag sang imo kabuhi.

Bulahan ang tawo nga nakaangkon sang kaalam kag pag-intiendi. Kay mas mapuslanon pa ini sang sa pilak kag bulawan, kag mas malahalon pa sang sa mga alahas. Kag wala gid sing bisan ano nga butang nga imo ginahandom nga makatupong sini.

Buligi ang mga dapat buligan kon masarangan mo man lang.

Paagi sa kaalam kag ihibalo, gintuga sang GINOO ang kalibutan kag ang kalangitan, kag nagkalabukas ang mga tuburan kag naghatag ang mga panganod sang ulan.