Salmos 32
32
1¡Ba neza zrente̱ naca na chee̱ bénnea'
Dios ba bnite lawe̱' dul-la da gubágue̱',
ne ba gudúe̱' zria da guzúa chee̱'!
2¡Ba neza zrente̱ naca na chee̱ bénnea'
Dios quebe dxusebague̱' le̱' zria,
bénnea' quebe dxezí xe̱'e̱!
3Gate quebe guxrúale̱pa' dul-la gubaga',
bedú lazra' lawe' da gudxezra' bedú zra.
4Te zra ne chizrela bdeu' neda' xel-la' zi', Xran.
Bedú lazra' ca dxebizre beaj nisa beu' la.
5Nadxa guxrúale̱pa' dul-la gubaga',
ne quebe bcacha' zria da guzúa chia'.
Bechugu lazra' guxrúale̱pa' na lau Lue', Xran,
na' Lue' bnite lau' chee̱ dul-la gubaga'.
6Xúgute̱ bénneache chiu' dxal-la' xuluchálajle̱ne̱' Lue'
gate de̱ lataj xelexezrelne̱' Lue', na' gate zrin da zi' da xa'
da xelezaque̱',
da gaca na ca tu xe̱gu nisa zren da dxedxuaj na,
na' quebe bi gune na benne' ca'.
7Lue' nacu' ca tu lataj naga gaca gucache cuina',
na' gucache chawu' neda' chee̱ quebe bi da saca'.
Tu gul-lazqueza' zizraj ca bseláu' neda' lawe' da dxuxú' neda'.
8Dxenná Xránadxu: “Gulé'eda' lue' neza naga dxal-la' tau'.
Gusé̱deda' lue', ne guzéajni'ida' lue' ca dxal-la' gunu'.
9Quebe gacu' ca tu bzrina' u tu bea, be̱ quebe bi dxeléajni'iba',
bea ca' dxun na ba xen nna be'enu'-ba', na' cu'u xia dxú'aba',
chee̱ gunu' xelunba' ca dxaca lazru'.”
10Benne' we̱n da cale̱la ca' dxun na ba xen
xeledée̱' lu da zi' da xa'.
Benne' ca' dxuluxrén lazre̱' Xránadxu,
tu dxuxúezqueze̱' le̱' nen dute̱ xel-la' zri'i lazre' chee̱'.
11Le'e, benne' xrlátaje, le be, ne le sua lu da ba neza,
ne̱ chee̱ da be̱n Xránadxu, gúcale̱ne̱' le'e.
Nen dute̱ xel-la' dxebé le gul-la, le'e, nácale li lazre' lau Le̱'.
Atualmente selecionado:
Salmos 32: zat
Destaque
Copiar
Comparar
Partilhar
Quer salvar os seus destaques em todos os seus dispositivos? Faça o seu registo ou inicie sessão
© 1981, Wycliffe Bible Translators, Inc. All rights reserved.