Salmos 28

1Xran, dxuláwizra' Lue'.

Nacu' Benne' dxucú'uju' neda'.

Bze̱ naga chi'a lawe' da che quebe xennu' neda'

gaca' ca tu benne' dxu'e̱ lataj ba xa'.

2Ben chi'a dxuláwizra' Lue',

ne dxechisa na'a lau' naga zu' lataj lá'azxa chiu'.

3Quebe guzría xi'u neda' tu zren nen benne' we̱n da cale̱la ca',

ne cá'anqueze nen benne' ca' dxelune̱' da zrinnaj,

benne' ca' dxelenné̱' dizra' cháwedau' lau le sa' ljwezre̱',

san xu'u lázrdawe̱' da cale̱la gune̱' chee̱'.

4Bde benne' ca' lu da ba xa' cáte̱ze naca chee̱ da belune̱',

cáte̱ze naca da cale̱la da zaj nune̱'.

Bunezruj chee̱ benne' ca' cáte̱ze da belune̱', da na' dxal-la' xelezí'e̱.

5Lawe' da quebe gulape̱' ba lá'ana da be̱n Xránadxu,

ne quegá da be̱ne̱' lu ni'a ná'queze̱',

guxrínnaje̱' benne' ca', ne gudée̱' le̱' lu da ba xa'.

6¡Gaca ba Xránadxu Dios, Bénnea' benne̱' chi'a

gate bláwizra' Le̱'!

7Xránadxu naque̱' Bénnea' dxuzé̱ chúchue̱' neda',

ne dxucu'uje̱' neda'.

Bxren lazra' Le̱', na' gúcale̱ne̱' neda',

na' chee̱ le̱ na' gubéle̱'e̱da', na' gul-laqueza',

ne güe lá'anaqueza' Le̱'.

8Xránadxu naque̱' Bénnea' dxuzé̱ chúchue̱' benne' chee̱' ca',

ne naque̱' Benne' dxucu'uje̱', ne dxuselé̱' bénnea' guqué̱'e̱.

9Bselá benne' chiu' ca', ne be̱n gaca chawe' chee̱ da naca chee̱'.

Bxue benne' ca', ne be̱xru le̱' chadía chacanna.

Atualmente selecionado:

Salmos 28: zat

Destaque

Copiar

Comparar

Partilhar

Quer salvar os seus destaques em todos os seus dispositivos? Faça o seu registo ou inicie sessão

Versículos bíblicos populares de
Salmos 28