मती 10
10
यीसु रा बारैह चेला
(मरकुस 3:13–19; लूका 6:12–16)
1पछै यीसु आपरै बारैह चेलौ नै खनै बोलायनै, उणौनै दुस्टआतमाओ नै निकालनै रै साथै साथै बिमारियों अर कमजोरियो नै निकाळनै रौ अधिकार दियौ।
2अर बारैह प्रेरितों रा नाम ऐ है। पैला समौन, जिकौ पतरस कैलायौ है, अर उणरा भाई अन्द्रियास। जबदी रौ बेटौ याकूब, अर उणरा भाई यूहन्ना। 3फिलिप्पुस अर बरतुल्मै थोमा अर चुंगी लेवणवाळौ मती, हलफाई रा बेटा याकूब अर तद्दै। 4देस भगत समौन, अर यहूदा इस्करियोती, जीणे यीसु नै विसवासघात करनै पकड़ायौ।
बारैह प्रेरितों रौ सेवा-कांम
(मरकुस 6:7–13; लूका 9:1–6)
5इण बारैह चेलौ नै यीसु हुकम देन भेज्या की, “थै गैर यहूदियो रै इलाके मे या, सामरियो रै सैहर मे मती जाईजौ। 6पण इजरायल रै लोगां रै खनै जावणौ जिकौ गुमयोड़ी लरड़ियां रै ज्यूं है। 7आवतै जावते मिनखौ नै ओ बता दिजो ‘सरग रौ राज्य नैड़ौ आ गियौ है।’ 8बिमारों नै सावळ करजौ, मरयोड़ौ नै जीवता करजौ, कोढ़ियो रै ओगण हखरा करजौ, दुस्टआतमाओ नै निकालजो। थांनै फोगट मे मिळयो है, तो थै फोगट मे ही दईजो। 9अपणै बटवो मे नीं सोनो, नीं चांदी, अर नीं तांबो राखजौ। 10#1 कुरि 9:14; 1 तीमु 5:18सफर में नीं झोळी राखजौ, अर पैरयोड़ो रै अलावा नीं कुड़तौ अर नीं जूता राखजौ, अर नीं लाठी राखजौ। क्यूंकै मजूर नै उणरी चाईजती चीजों मिळ जावैला।
11“जीण कीण सैहर या गांव में जाओ, तो पतौ करजौ की वठै कुण मिनख विसवासलायक है। अर जद तांई बठैज रहीजौ, बीण वढ़ेज रहीजौ। 12जीण घर मे जाओ उणौ नै आसीस दईजो। 13उण घर रा मिनख लायक होई तो थोरी आसीस बीण तांई पौंछ जाई। पण उठै लायक नीं होई तो थोरी आसीस थोरै खनै पाछी आ जावैला। 14#प्रेरि 13:51जिकौ कोई थौरो आदर नीं करै अर थौरी बात नीं मांनै उण घर ऊं या सैहर ऊं निकळते वैळा अपणै पगां री माटी झाड़ दीजौ। की इण वास्तै चेताणी होवैला की परमेसर डंड देवेला, क्यूंकै उणौ उणरी बात कोनीं मानी। 15#मत 11:24#लूक 10:4–12म्हैं थोरै ऊं साचौ कहूं की न्याव रै दिन उण सैहरौ री हालत सदोम अर अमोरा री हालत ऊं घणी बुरी हो जावैला।
आवण आळो संकट
(मरकुस 13:9–13; लूका 21:12–17)
16 #
लूक 10:3
“देखौ, म्हैं थांनै लरड़ियां रै ज्यूं नयारौ रै बीच मे भेजूं हूं। इण वास्तै सापों री तरैह सावचेत अर कबूड़ौ री तरैह भोळा बणौ। 17#मरकु 13:9–11; लूक 12:11,12; 21:12–15पण मिनखौ ऊं थै सावचेत रईजो। क्यूंकै वे थांनै सभाओं मे सूंप दैला, अर आपरी पराथना जगा मे थोरै कोड़ा ठोकी। 18थै म्हारै चेला होणै रै सारू राजाओ अर राज्यपालो सांम्ही पेस किया जावोला, ताकी थै उणौरै वास्तै अर गैर यहूदियो रै वास्तै गवाई बणौ। 19जद वे लोग थांनै पकड़े तो आ चिंता मत करजौ के म्हौ की रीत ऊं अर कांई केवोला। क्यूंकै जो थै बोलणौ चावौ वो उण वगत थांनै बता दियौ जावैला। 20क्यूंकै बोलणै वाळौ थूं कोनीं है, पण थौरे पिता परमेसर री आतमा है जिकौ वो थौरे मे ऊं बोले।
21 #
मरकु 13:12; लूक 21:16 “भाई, अपणै भाई नै धोखे ऊं अर पिता अपणै बेटे नै, मारणै वास्तै सौपेला, अर टाबर अपणै माता-पिता रै विरोध मे उठनै उणौ नै मरवा दैला। 22#मत 24:9; मरकु 13:13; लूक 21:17; मत 24:13; मरकु 13:13म्हारै नाम रै कारण सैंग लोग थोरै ऊं बैर राखैला, पण जिकौ आखरी तांई सेहन करैला उण रौ उद्धार होवैला। 23जद थांनै एक सैहर मे सतावै, तो दूजै सैहर मे आ जाईजौ। म्हैं थांनै साची बात कहूं की इण ऊं पैला थै इजरायल रै सगळै सैहरौ मे जाओ म्हैं, मिनख रौ बेटौ, आ जावैला।
24 #
लूक 6:40;
यूह 13:16; 15:20 “चेला आपरै गुरु ऊं कदैई मोटो नीं होया करै। अर नीं नौकर आपरै मालिक ऊं। 25#मत 9:34; 12:24; मरकु 3:22; लूक 11:15एक चेलौ आपरै गुरु जैड़ौ अर एक नौकर आपरै मालिक जैड़ौ बणणौ मोटी बात है। मिनख घर रा मालिक नै बालजबूल या सैतान कयौ तो वो घरो रै लोगां नै ओर भी तो घणौ बुरौ केही।
कीण ऊं डरै?
(लूका 12:2–7)
26 #
मरकु 4:22; लूक 8:17 “इण वास्तै उण मिनखौ ऊं डरजै मती। क्यूंकै कीं ढ़कयोड़ौ कोनीं जिकौ खोलीजै कोनीं, अर ना ही छुपयोड़ो जिकौ जांणीजै कोनीं। 27जो म्हैं थनै अंधारै म्हैं कैवूं, तो थूं उजाळै मे जान कहीजै। अर जिकौ म्हैं थनै कांन में सुणाऊं, विनै छत माथै जायनै परचार करजै। 28थै उण ऊं नीं डरौ जिकौ सरीर नै मार सकै, पण आतमा नै कीं नीं कर सकै। इण वास्तै थै उण परमेसर ऊं डरौ जिकौ, सरीर अर आतमा दोनो नै नरक मे नोख दैवै है। 29कांई एक पईसे मे दो चिड़िया कोनीं बीके? तो ही थौरे पिता री इछा रै बिना उण मे ऊं एक ई धरती माथै नीं पड़ सकै। 30थोरै माथै रा बाल ई सगळा गिण्योड़ा है। 31इण वास्तै डरौ नीं, थै परमेसर रै लिए घणा चिड़िया ऊं बढ़न हो।
यीसु नै मानणौ या ना मानणौ
(लूका 12:8,9)
32“जिकौ कोई मिनखौ रै सांमै म्हनै मांन ले ला, म्हैं भी उणनै अपणै सरगिए पिता रै सांमै मांन लूं ला। 33#2 तीमु 2:12जिकौ कोई मिनख म्हनै मिनखौ रै सांमै मानणै ऊं मना कर दैला, म्हैं भी अपणै सरगिए पिता रै सांमै मानणै ऊं मना कर दूंला।
यीसु रौ आवण रौ परिणाम
(लूका 12:51–53; 14:26,27)
34“ओ मती समझौ की म्हैं जगत मे मिलाप कराणै आयौ हूं। म्हैं मेल-मिलाप कराणै कोनीं आयौ, बल्कि अलग कराणै आयौ हूं। 35म्हारै वजै ऊं ‘बेटौ आपरै पिता ऊं, बेटी आपरी मां ऊं, अर बिनणी आपरै सासु ऊं खिलाफ हो जावैला। 36मिनख रा दुसमन उणरै घरवाळा इज दुसमन हो जाई।’
37“जिकौ म्हारै ऊं घणा आपरै माता-पिता नै चावै वो म्हारै कांम रौ कोनीं। जिकौ म्हारै ऊं घणा आपरै छोरा-छोरी नै चावै वो भी म्हारै कांम रौ कोनीं। 38#मत 16:24; मरकु 8:34; लूक 9:23जिकौ कोई आप दुखौ री होळी उठान म्हारै जैड़ी जिन्दगी कोनीं जी वो म्हारै कांम रौ कोनीं। 39#मत 16:25; मरकु 8:35; लूक 9:24; 17:33; यूह 12:25जिकौ आपरी जान बचावण रौ जतन करैला, वो आपरी जान ऊं हाथ धो बैठेला। जिकौ म्हारै वास्तै जान देवेला, वो आपरौ जीवन पावैला।
प्रतिफळ
(मरकुस 9:41)
40 #
लूक 10:16; यूह 13:20;
मरकु 9:37; लूक 9:48 “जिकौ थनै अपनावे, वो म्हनै भी अपनावे। जिकौ म्हनै अपनावे, वो म्हनै भेजणे वाळै परमेसर नै भी अपनावे। 41जिकौ भविसयदाता नै भविसयदाता जांण परौ अपणा ई वो भविसयदाता रौ प्रतिफळ पावैला। अर जिकौ धरमी नै धरमी जांण परौ अपणा ई, वो धरमी रौ प्रतिफळ पावैला। 42जिकौ कोई इण छोटौ में ऊं एक नै म्हारौ चेलौ जांणनै एक लोटो ठाडो पांणी पिलावै, म्हैं थोरै ऊं साचौ कहूं, वो किणी तरीकै ऊं आपरौ प्रतिफळ नीं खोवैला।”
Atualmente selecionado:
मती 10: RWR
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© NLCI CC BY-NC-ND 4.0
मती 10
10
यीसु रा बारैह चेला
(मरकुस 3:13–19; लूका 6:12–16)
1पछै यीसु आपरै बारैह चेलौ नै खनै बोलायनै, उणौनै दुस्टआतमाओ नै निकालनै रै साथै साथै बिमारियों अर कमजोरियो नै निकाळनै रौ अधिकार दियौ।
2अर बारैह प्रेरितों रा नाम ऐ है। पैला समौन, जिकौ पतरस कैलायौ है, अर उणरा भाई अन्द्रियास। जबदी रौ बेटौ याकूब, अर उणरा भाई यूहन्ना। 3फिलिप्पुस अर बरतुल्मै थोमा अर चुंगी लेवणवाळौ मती, हलफाई रा बेटा याकूब अर तद्दै। 4देस भगत समौन, अर यहूदा इस्करियोती, जीणे यीसु नै विसवासघात करनै पकड़ायौ।
बारैह प्रेरितों रौ सेवा-कांम
(मरकुस 6:7–13; लूका 9:1–6)
5इण बारैह चेलौ नै यीसु हुकम देन भेज्या की, “थै गैर यहूदियो रै इलाके मे या, सामरियो रै सैहर मे मती जाईजौ। 6पण इजरायल रै लोगां रै खनै जावणौ जिकौ गुमयोड़ी लरड़ियां रै ज्यूं है। 7आवतै जावते मिनखौ नै ओ बता दिजो ‘सरग रौ राज्य नैड़ौ आ गियौ है।’ 8बिमारों नै सावळ करजौ, मरयोड़ौ नै जीवता करजौ, कोढ़ियो रै ओगण हखरा करजौ, दुस्टआतमाओ नै निकालजो। थांनै फोगट मे मिळयो है, तो थै फोगट मे ही दईजो। 9अपणै बटवो मे नीं सोनो, नीं चांदी, अर नीं तांबो राखजौ। 10#1 कुरि 9:14; 1 तीमु 5:18सफर में नीं झोळी राखजौ, अर पैरयोड़ो रै अलावा नीं कुड़तौ अर नीं जूता राखजौ, अर नीं लाठी राखजौ। क्यूंकै मजूर नै उणरी चाईजती चीजों मिळ जावैला।
11“जीण कीण सैहर या गांव में जाओ, तो पतौ करजौ की वठै कुण मिनख विसवासलायक है। अर जद तांई बठैज रहीजौ, बीण वढ़ेज रहीजौ। 12जीण घर मे जाओ उणौ नै आसीस दईजो। 13उण घर रा मिनख लायक होई तो थोरी आसीस बीण तांई पौंछ जाई। पण उठै लायक नीं होई तो थोरी आसीस थोरै खनै पाछी आ जावैला। 14#प्रेरि 13:51जिकौ कोई थौरो आदर नीं करै अर थौरी बात नीं मांनै उण घर ऊं या सैहर ऊं निकळते वैळा अपणै पगां री माटी झाड़ दीजौ। की इण वास्तै चेताणी होवैला की परमेसर डंड देवेला, क्यूंकै उणौ उणरी बात कोनीं मानी। 15#मत 11:24#लूक 10:4–12म्हैं थोरै ऊं साचौ कहूं की न्याव रै दिन उण सैहरौ री हालत सदोम अर अमोरा री हालत ऊं घणी बुरी हो जावैला।
आवण आळो संकट
(मरकुस 13:9–13; लूका 21:12–17)
16 #
लूक 10:3
“देखौ, म्हैं थांनै लरड़ियां रै ज्यूं नयारौ रै बीच मे भेजूं हूं। इण वास्तै सापों री तरैह सावचेत अर कबूड़ौ री तरैह भोळा बणौ। 17#मरकु 13:9–11; लूक 12:11,12; 21:12–15पण मिनखौ ऊं थै सावचेत रईजो। क्यूंकै वे थांनै सभाओं मे सूंप दैला, अर आपरी पराथना जगा मे थोरै कोड़ा ठोकी। 18थै म्हारै चेला होणै रै सारू राजाओ अर राज्यपालो सांम्ही पेस किया जावोला, ताकी थै उणौरै वास्तै अर गैर यहूदियो रै वास्तै गवाई बणौ। 19जद वे लोग थांनै पकड़े तो आ चिंता मत करजौ के म्हौ की रीत ऊं अर कांई केवोला। क्यूंकै जो थै बोलणौ चावौ वो उण वगत थांनै बता दियौ जावैला। 20क्यूंकै बोलणै वाळौ थूं कोनीं है, पण थौरे पिता परमेसर री आतमा है जिकौ वो थौरे मे ऊं बोले।
21 #
मरकु 13:12; लूक 21:16 “भाई, अपणै भाई नै धोखे ऊं अर पिता अपणै बेटे नै, मारणै वास्तै सौपेला, अर टाबर अपणै माता-पिता रै विरोध मे उठनै उणौ नै मरवा दैला। 22#मत 24:9; मरकु 13:13; लूक 21:17; मत 24:13; मरकु 13:13म्हारै नाम रै कारण सैंग लोग थोरै ऊं बैर राखैला, पण जिकौ आखरी तांई सेहन करैला उण रौ उद्धार होवैला। 23जद थांनै एक सैहर मे सतावै, तो दूजै सैहर मे आ जाईजौ। म्हैं थांनै साची बात कहूं की इण ऊं पैला थै इजरायल रै सगळै सैहरौ मे जाओ म्हैं, मिनख रौ बेटौ, आ जावैला।
24 #
लूक 6:40;
यूह 13:16; 15:20 “चेला आपरै गुरु ऊं कदैई मोटो नीं होया करै। अर नीं नौकर आपरै मालिक ऊं। 25#मत 9:34; 12:24; मरकु 3:22; लूक 11:15एक चेलौ आपरै गुरु जैड़ौ अर एक नौकर आपरै मालिक जैड़ौ बणणौ मोटी बात है। मिनख घर रा मालिक नै बालजबूल या सैतान कयौ तो वो घरो रै लोगां नै ओर भी तो घणौ बुरौ केही।
कीण ऊं डरै?
(लूका 12:2–7)
26 #
मरकु 4:22; लूक 8:17 “इण वास्तै उण मिनखौ ऊं डरजै मती। क्यूंकै कीं ढ़कयोड़ौ कोनीं जिकौ खोलीजै कोनीं, अर ना ही छुपयोड़ो जिकौ जांणीजै कोनीं। 27जो म्हैं थनै अंधारै म्हैं कैवूं, तो थूं उजाळै मे जान कहीजै। अर जिकौ म्हैं थनै कांन में सुणाऊं, विनै छत माथै जायनै परचार करजै। 28थै उण ऊं नीं डरौ जिकौ सरीर नै मार सकै, पण आतमा नै कीं नीं कर सकै। इण वास्तै थै उण परमेसर ऊं डरौ जिकौ, सरीर अर आतमा दोनो नै नरक मे नोख दैवै है। 29कांई एक पईसे मे दो चिड़िया कोनीं बीके? तो ही थौरे पिता री इछा रै बिना उण मे ऊं एक ई धरती माथै नीं पड़ सकै। 30थोरै माथै रा बाल ई सगळा गिण्योड़ा है। 31इण वास्तै डरौ नीं, थै परमेसर रै लिए घणा चिड़िया ऊं बढ़न हो।
यीसु नै मानणौ या ना मानणौ
(लूका 12:8,9)
32“जिकौ कोई मिनखौ रै सांमै म्हनै मांन ले ला, म्हैं भी उणनै अपणै सरगिए पिता रै सांमै मांन लूं ला। 33#2 तीमु 2:12जिकौ कोई मिनख म्हनै मिनखौ रै सांमै मानणै ऊं मना कर दैला, म्हैं भी अपणै सरगिए पिता रै सांमै मानणै ऊं मना कर दूंला।
यीसु रौ आवण रौ परिणाम
(लूका 12:51–53; 14:26,27)
34“ओ मती समझौ की म्हैं जगत मे मिलाप कराणै आयौ हूं। म्हैं मेल-मिलाप कराणै कोनीं आयौ, बल्कि अलग कराणै आयौ हूं। 35म्हारै वजै ऊं ‘बेटौ आपरै पिता ऊं, बेटी आपरी मां ऊं, अर बिनणी आपरै सासु ऊं खिलाफ हो जावैला। 36मिनख रा दुसमन उणरै घरवाळा इज दुसमन हो जाई।’
37“जिकौ म्हारै ऊं घणा आपरै माता-पिता नै चावै वो म्हारै कांम रौ कोनीं। जिकौ म्हारै ऊं घणा आपरै छोरा-छोरी नै चावै वो भी म्हारै कांम रौ कोनीं। 38#मत 16:24; मरकु 8:34; लूक 9:23जिकौ कोई आप दुखौ री होळी उठान म्हारै जैड़ी जिन्दगी कोनीं जी वो म्हारै कांम रौ कोनीं। 39#मत 16:25; मरकु 8:35; लूक 9:24; 17:33; यूह 12:25जिकौ आपरी जान बचावण रौ जतन करैला, वो आपरी जान ऊं हाथ धो बैठेला। जिकौ म्हारै वास्तै जान देवेला, वो आपरौ जीवन पावैला।
प्रतिफळ
(मरकुस 9:41)
40 #
लूक 10:16; यूह 13:20;
मरकु 9:37; लूक 9:48 “जिकौ थनै अपनावे, वो म्हनै भी अपनावे। जिकौ म्हनै अपनावे, वो म्हनै भेजणे वाळै परमेसर नै भी अपनावे। 41जिकौ भविसयदाता नै भविसयदाता जांण परौ अपणा ई वो भविसयदाता रौ प्रतिफळ पावैला। अर जिकौ धरमी नै धरमी जांण परौ अपणा ई, वो धरमी रौ प्रतिफळ पावैला। 42जिकौ कोई इण छोटौ में ऊं एक नै म्हारौ चेलौ जांणनै एक लोटो ठाडो पांणी पिलावै, म्हैं थोरै ऊं साचौ कहूं, वो किणी तरीकै ऊं आपरौ प्रतिफळ नीं खोवैला।”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© NLCI CC BY-NC-ND 4.0