Захария 1
1
1-тӥ ЛЮКЕТ
1Тямысэтӥ толэзьын, Дарий эксэйын кыкетӥ арзэ пукыку, Аддолэн Варахия пиезлэн пиезлы Захария пророклы Кузё-Инмар дорысь верамын вал: 2«Тӥляд атайёстылы Кузё-Инмарлэн туж зол вожез потӥз, 3тон соослы шу: ”Тазьы шуэ Саваоф Кузё-Инмар: Мон пала берытске, – шуэ Саваоф Кузё-Инмар, – соку Мон но тӥ пала берытско, – шуэ Саваоф Кузё-Инмар. 4Эн луэ атайёстылы укшасесь, соослы вазисько вал азьвыл улэм пророкъёс тазьы шуыса: ”Тазьы шуэ Саваоф Кузё-Инмар: урод сюресъёсты вылысь коже, урод ужъёсты бордысь палэнске”; но соос ӧз кылзӥське, верам кылме санэ ӧз понэ, – шуэ Кузё-Инмар. 5Атайёсты – кытын соос? Пророкъёс но пумтэм вапумъёс ӵоже улозы-а? 6Но Мынам кылъёсы, Мынам пуктон-косонъёсы, кудъёссэ Мон Аслам ляльчиосылы, пророкъёслы, сётӥ, тӥляд атайёсты доры ӧз вуэ шат? Соос Инмар пала сюлэмзэс берыктыса шуылӥзы: ”Кызьы Саваоф Кузё-Инмар лэсьтыны кулэ шуыса вераз, Асьмелэн ужъёсмыя, улэммыя, озьы ик милемлы лэсьтӥз”». 7Дас одӥгетӥ толэзьлэн кызь ньылетӥ нуналаз, Шеват толэзе, Дарий эксэйын кыкетӥ арзэ пукыку, Аддолэн Варахия пиезлэн пиезлы Захария пророклы Кузё-Инмар дорысь ивор вуиз. Пророк шуиз: 8Уйин мон адӟи: тани, пиосмурт горд вал вылын пуке, со улыг интыын будӥсь миртапуос вискын сылэ, нош бераз горд, куӵо, тӧдьы валъёс сыло. 9Мон шуи: «Кузёе, кинъёс со?» Монэн вераськись Кылчин мыным шуиз: «Мон тыныд возьмато, кинъёс соос». 10Миртапуос вискын сылӥсь пиосмурт ответ сётыса шуиз: «Та – Кузё-Инмарлэн музъемез котырак ортчыны ыстэмъёсыз». 11Миртапуос вискын сылӥсь Кузё-Инмарлэн Кылчинэзлы ответ сётыса шуизы: «Музъемез ми котырак ортчимы но адӟимы: котькытын калык улэ, быдэс музъем чус улэ». 12Кузё-Инмарлэн Кылчинэз ответ сётыса шуиз: «Дунне Кутӥсь Кузё-Инмаре! Ку Тынад Иерусалимлы йыркуред буйгалоз, Иудалэн городъёсызлы но, кудъёсыз вылэ сизьымдон ар ӵоже вождэ поттыса улӥськод ини?» 13Соку монэн вераськись Кылчинлы Кузё-Инмар, ответ сётыса, ӟеч кылъёс, буйгатӥсь кылъёс вераз. 14Монэн вераськись Кылчин мыным шуиз: «Бадӟым куарадэ поттыса шу: ”Тазьы шуэ Саваоф Кузё-Инмар: Иерусалим пумысен сюлмаськыны кутски, Сӥон пумысен туж зол сюлмаськыны кутски; 15туж бадӟым йыркурен улӥсько майбыр, эзылыса улӥсь калыкъёс вылэ, уго Мон Ас калыкелы ӧжытак вожме поттыку, соос Мынэсьтым калыкме юнгес курадӟытыны кутскизы. 16Соин ик тазьы шуэ Кузё-Инмар: Мон гажаса-жаляса учкисько Иерусалим шоры; отчы Мынам коркае пуктэмын луоз, – шуэ Саваоф Кузё-Инмар, – музъем мертан гозы Иерусалим вылтӥ кыстӥськоз”. 17Куарадэ бадӟым карыса вера на: ”Тазьы шуэ Саваоф Кузё-Инмар: Мынам городъёсы нош ик ӟечлык пӧлын улыны кутскозы, Кузё-Инмар буйгатоз Сӥонэз, нош ик Иерусалимез быръёз”». 18Синъёсме ӝутӥ но адӟи: ньыль сюръёс. 19Монэн вераськись Кылчинлы мон шуи: «Мар та?» Со мыным ответ сётӥз: «Та Иудаез, Израилез, Иерусалимез пазьгем сюръёс». 20Собере Кузё-Инмар мыным ньыль ужасьёсты возьматӥз. 21Мон шуи: «Ма карыны соос мыно?» Со мыным тазьы шуиз: «Та сюръёс Иудаез пазязы, табере нокин но йырзэ ӝутыны уг быгаты; нош таос соосты кышкатыны, Иуда музъемез пазьгон понна сюрзэс урдэм калыкъёслэсь сюръёссэс уськытыны лыктӥзы».
Atualmente selecionado:
Захария 1: УДМБИБ
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(c) Библияез берыктонъя Институт, Хельсинки, 2013; 2016
Захария 1
1
1-тӥ ЛЮКЕТ
1Тямысэтӥ толэзьын, Дарий эксэйын кыкетӥ арзэ пукыку, Аддолэн Варахия пиезлэн пиезлы Захария пророклы Кузё-Инмар дорысь верамын вал: 2«Тӥляд атайёстылы Кузё-Инмарлэн туж зол вожез потӥз, 3тон соослы шу: ”Тазьы шуэ Саваоф Кузё-Инмар: Мон пала берытске, – шуэ Саваоф Кузё-Инмар, – соку Мон но тӥ пала берытско, – шуэ Саваоф Кузё-Инмар. 4Эн луэ атайёстылы укшасесь, соослы вазисько вал азьвыл улэм пророкъёс тазьы шуыса: ”Тазьы шуэ Саваоф Кузё-Инмар: урод сюресъёсты вылысь коже, урод ужъёсты бордысь палэнске”; но соос ӧз кылзӥське, верам кылме санэ ӧз понэ, – шуэ Кузё-Инмар. 5Атайёсты – кытын соос? Пророкъёс но пумтэм вапумъёс ӵоже улозы-а? 6Но Мынам кылъёсы, Мынам пуктон-косонъёсы, кудъёссэ Мон Аслам ляльчиосылы, пророкъёслы, сётӥ, тӥляд атайёсты доры ӧз вуэ шат? Соос Инмар пала сюлэмзэс берыктыса шуылӥзы: ”Кызьы Саваоф Кузё-Инмар лэсьтыны кулэ шуыса вераз, Асьмелэн ужъёсмыя, улэммыя, озьы ик милемлы лэсьтӥз”». 7Дас одӥгетӥ толэзьлэн кызь ньылетӥ нуналаз, Шеват толэзе, Дарий эксэйын кыкетӥ арзэ пукыку, Аддолэн Варахия пиезлэн пиезлы Захария пророклы Кузё-Инмар дорысь ивор вуиз. Пророк шуиз: 8Уйин мон адӟи: тани, пиосмурт горд вал вылын пуке, со улыг интыын будӥсь миртапуос вискын сылэ, нош бераз горд, куӵо, тӧдьы валъёс сыло. 9Мон шуи: «Кузёе, кинъёс со?» Монэн вераськись Кылчин мыным шуиз: «Мон тыныд возьмато, кинъёс соос». 10Миртапуос вискын сылӥсь пиосмурт ответ сётыса шуиз: «Та – Кузё-Инмарлэн музъемез котырак ортчыны ыстэмъёсыз». 11Миртапуос вискын сылӥсь Кузё-Инмарлэн Кылчинэзлы ответ сётыса шуизы: «Музъемез ми котырак ортчимы но адӟимы: котькытын калык улэ, быдэс музъем чус улэ». 12Кузё-Инмарлэн Кылчинэз ответ сётыса шуиз: «Дунне Кутӥсь Кузё-Инмаре! Ку Тынад Иерусалимлы йыркуред буйгалоз, Иудалэн городъёсызлы но, кудъёсыз вылэ сизьымдон ар ӵоже вождэ поттыса улӥськод ини?» 13Соку монэн вераськись Кылчинлы Кузё-Инмар, ответ сётыса, ӟеч кылъёс, буйгатӥсь кылъёс вераз. 14Монэн вераськись Кылчин мыным шуиз: «Бадӟым куарадэ поттыса шу: ”Тазьы шуэ Саваоф Кузё-Инмар: Иерусалим пумысен сюлмаськыны кутски, Сӥон пумысен туж зол сюлмаськыны кутски; 15туж бадӟым йыркурен улӥсько майбыр, эзылыса улӥсь калыкъёс вылэ, уго Мон Ас калыкелы ӧжытак вожме поттыку, соос Мынэсьтым калыкме юнгес курадӟытыны кутскизы. 16Соин ик тазьы шуэ Кузё-Инмар: Мон гажаса-жаляса учкисько Иерусалим шоры; отчы Мынам коркае пуктэмын луоз, – шуэ Саваоф Кузё-Инмар, – музъем мертан гозы Иерусалим вылтӥ кыстӥськоз”. 17Куарадэ бадӟым карыса вера на: ”Тазьы шуэ Саваоф Кузё-Инмар: Мынам городъёсы нош ик ӟечлык пӧлын улыны кутскозы, Кузё-Инмар буйгатоз Сӥонэз, нош ик Иерусалимез быръёз”». 18Синъёсме ӝутӥ но адӟи: ньыль сюръёс. 19Монэн вераськись Кылчинлы мон шуи: «Мар та?» Со мыным ответ сётӥз: «Та Иудаез, Израилез, Иерусалимез пазьгем сюръёс». 20Собере Кузё-Инмар мыным ньыль ужасьёсты возьматӥз. 21Мон шуи: «Ма карыны соос мыно?» Со мыным тазьы шуиз: «Та сюръёс Иудаез пазязы, табере нокин но йырзэ ӝутыны уг быгаты; нош таос соосты кышкатыны, Иуда музъемез пазьгон понна сюрзэс урдэм калыкъёслэсь сюръёссэс уськытыны лыктӥзы».
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(c) Библияез берыктонъя Институт, Хельсинки, 2013; 2016