1 Kɔ̀rintìyà Hwèlìhvowelì hwe è Kààtì
Hwèlìhvowelì hwe è Kààtì
È kààtì ya worzo ema Pàwolò a tilì, hwatò hwa Krirztò ema hwa hwèlì o ŋmèmba mo Kɔ̀rintìyà wɔ̀ ndi à tilelì. Pàwolò a tilì ene kààtì lì wowàna mètàkà ema hwatò hwa moŋgo ŋmèmba hwà mà luwe o mòŋgɛ ma awu, na mètàkà ema hwà mà luwe o lì hvomɛ̀nɛ̀ lìlòkɛ̀ la awu. È hvonda ema Pàwolò à mà tilè ene kààtì, Kɔ̀rintò è mà hwɛ ndi lìwòndò la erzòokà ya Àkayiyà e hvonda ema hwatò hwa Lomà hwà mà hwɛ lì e kànèyà. Èŋge mbowà ndɛnɛ e ma hwiyɛnɛ rzayi-rzayi ehwànja hweyà nàa e nyòŋga e ma hwɛ lì aka aŋga, hwà mà hwɛnɛ kumba na ɛ̀ɛ̀mɛ̀ ya awu, hwègbèèlì hwe ndɛnɛ hwe mbindò, na lì gbèeyà la mohwà ma rzayi-rzayi.
Hweyà ema Pàwolò a inyàmɛ̀nɛ̀yi o lì ohwa rzayi-rzayi hwe hwèlì ndi lì akàhwànɛ̀, na hweyà hwe ŋgàndi ema hwe gbèyɛ̀nɛ o tenì ya ŋmèmba. À ohwi hvɛ o lì hvomɛ̀nɛ̀ nɛ hwatò hwa ɛnɛ lìhwa, mèèmà ema hwatò hwa àŋgàmɛ̀nɛ̀yi lì hwɛnɛ o lì hwiya ŋga yoma e lɔ̀wu ŋga e hwèlì wòhwe, e ŋgàna ema Èlìŋgɛ̀ yà Wòtani e ŋgba hwatò jàhwèyà ndèŋgànɛ̀lɛ̀ hwèhvùmùwèlì hwe kpeli.
O ehvàrzu ema e ukìrzɛyi lìyome nà hweyàwò Pàwolò a ohwi lì hvomɛ̀nɛ̀ e ndìŋgɛ. O tenì ya ene kààtì, ehvàrzu yɔ̀ eŋge ema hwatò hwa hwi rzayi-rzayi.
Hwèkahwèlì hwe e kààtì
Hwèlìhvòwèlì hwe e kààtì 1.1-9
Lì akahwanɛ ema lì hwèlì ò tenì yà ŋmèmba 1.10–4.21
Hweyà hwe mbindo na lòŋgɛ là lìtumba 5.1–7.40
Ɛ̀ɛmɛ̀ ya hwatò hwa ama Krirztò na hwatò ema hwa rza lòkɛ̀ Krirztò 8.1–11.1
Lòŋgɛ la ŋmèmba na o lì kànɛ Lohwɛ̀ 11.2–14.40
Hwèhvùmùwèlì hwe kpeli hwe ama Krirztò na hwatò ema hwa lòkɛ̀ Krirztò 15.1-58
Màhweyà mà hwatò hwa ama Krirztò o Jùdeyà 16.1-4
Hweyà ema hwe hvomɛ̀nɛ̀yi hwatò 16.5-24
Atualmente selecionado:
1 Kɔ̀rintìyà Hwèlìhvowelì hwe è Kààtì: bri
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2022, CABTAL
1 Kɔ̀rintìyà Hwèlìhvowelì hwe è Kààtì
Hwèlìhvowelì hwe è Kààtì
È kààtì ya worzo ema Pàwolò a tilì, hwatò hwa Krirztò ema hwa hwèlì o ŋmèmba mo Kɔ̀rintìyà wɔ̀ ndi à tilelì. Pàwolò a tilì ene kààtì lì wowàna mètàkà ema hwatò hwa moŋgo ŋmèmba hwà mà luwe o mòŋgɛ ma awu, na mètàkà ema hwà mà luwe o lì hvomɛ̀nɛ̀ lìlòkɛ̀ la awu. È hvonda ema Pàwolò à mà tilè ene kààtì, Kɔ̀rintò è mà hwɛ ndi lìwòndò la erzòokà ya Àkayiyà e hvonda ema hwatò hwa Lomà hwà mà hwɛ lì e kànèyà. Èŋge mbowà ndɛnɛ e ma hwiyɛnɛ rzayi-rzayi ehwànja hweyà nàa e nyòŋga e ma hwɛ lì aka aŋga, hwà mà hwɛnɛ kumba na ɛ̀ɛ̀mɛ̀ ya awu, hwègbèèlì hwe ndɛnɛ hwe mbindò, na lì gbèeyà la mohwà ma rzayi-rzayi.
Hweyà ema Pàwolò a inyàmɛ̀nɛ̀yi o lì ohwa rzayi-rzayi hwe hwèlì ndi lì akàhwànɛ̀, na hweyà hwe ŋgàndi ema hwe gbèyɛ̀nɛ o tenì ya ŋmèmba. À ohwi hvɛ o lì hvomɛ̀nɛ̀ nɛ hwatò hwa ɛnɛ lìhwa, mèèmà ema hwatò hwa àŋgàmɛ̀nɛ̀yi lì hwɛnɛ o lì hwiya ŋga yoma e lɔ̀wu ŋga e hwèlì wòhwe, e ŋgàna ema Èlìŋgɛ̀ yà Wòtani e ŋgba hwatò jàhwèyà ndèŋgànɛ̀lɛ̀ hwèhvùmùwèlì hwe kpeli.
O ehvàrzu ema e ukìrzɛyi lìyome nà hweyàwò Pàwolò a ohwi lì hvomɛ̀nɛ̀ e ndìŋgɛ. O tenì ya ene kààtì, ehvàrzu yɔ̀ eŋge ema hwatò hwa hwi rzayi-rzayi.
Hwèkahwèlì hwe e kààtì
Hwèlìhvòwèlì hwe e kààtì 1.1-9
Lì akahwanɛ ema lì hwèlì ò tenì yà ŋmèmba 1.10–4.21
Hweyà hwe mbindo na lòŋgɛ là lìtumba 5.1–7.40
Ɛ̀ɛmɛ̀ ya hwatò hwa ama Krirztò na hwatò ema hwa rza lòkɛ̀ Krirztò 8.1–11.1
Lòŋgɛ la ŋmèmba na o lì kànɛ Lohwɛ̀ 11.2–14.40
Hwèhvùmùwèlì hwe kpeli hwe ama Krirztò na hwatò ema hwa lòkɛ̀ Krirztò 15.1-58
Màhweyà mà hwatò hwa ama Krirztò o Jùdeyà 16.1-4
Hweyà ema hwe hvomɛ̀nɛ̀yi hwatò 16.5-24
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2022, CABTAL