काम 25
25
फेतूस क सामै पोलुस की दरखास्त
1बि परदेस म पुगबा क तीन दिना पाछै, फेतूस कैसरियाऊँ यरूसलेम गयो। 2जणा बठै परधान याजका अर यहूदिआ का नेता बिकै सामै पोलुस क खिलाप बिका कान भरबा आया। 3अर बे बिऊँ दरखास्त करी क बो पोलुसनै कैसरियाऊँ यरूसलेम भेजै, क्युं क बे बिनै गेला मई मारबा की साजिस कर राखी ही। 4जणा फेतूस बाऊँ बोल्यो, “पोलुस कड़ा पेरा क मांयनै कैसरिया म बंद ह। अर म बी तावळो बठैई जार्यो हूँ। 5अर थारा क्युंक अधिकारी मेरै सागै चालीं अर ज बो क्युं गळत कर्यो ह जणा बिपै दोस लगावै।”
6फेतूस आठ दस दिन ओर बाकै सागै रिह्यो, जणा पाछै बो कैसरिया आयो। अर आगला दिन न्याय कचेरी म बेठर पोलुसनै बुलवा भेज्यो। 7अर जद पोलुस बठै आयो जणा यरूसलेमऊँ आएड़ा यहूदि बिकै बारकी फिरगा अर सागेड़ा-सागेड़ा दोस बिकै सीर मंढबो चालू कर्यो, पण बे बानै साबित कोनी कर सक्या। 8पण पोलुस आपका बचाव म बोल्यो, “म यहूदिआ का कानून, मनदर अर रोमी समराट मऊँ कोई क खिलाप क्युंई गळत कोनी कर्यो।” 9पण फेतूस यहूदि मिनखानै राजी करबा क चकरां म पोलुसऊँ बुज्यो, “के तू चावै ह की म तेरा मुकदमा को फेसलो यरूसलेम म करूं।” 10जणा पोलुस बोल्यो, “म रोम हाळा राजा का एक न्याय आसन क सामै खड़्यो हूँ, अर अठैई मेरो न्याय कर्यो जावै। यहूदिआ क खिलाप म क्युंई बुरो कोनी कर्यो इ बातनै तू चोखी ढाळ जाणै ह। 11ज म कानून तोड़्यो हूँ अर म क्युं अंय्यां को बुरो काम कर्यो हूँ जि बजेऊँ मनै मोत की सजा दि जावै जणा म मरबाऊँ कोनी मुकरूं। पण जखा गळत काम मेरै सीर मंड्या जार्या हीं ज बामैऊँ क्युंई सच कोनी निकळै जणा मनै आकै हाता म कोई कोनी सूप सकै, म रोम का राजा क सामै दरखास्त लगाऊँ हूँ।” 12जणा फेतूस आपका पंचा क सागै सला-मस्वरो कर बोल्यो, “तू रोम का राजा ताँई दरखास्त करी ह, जणा इब तू रोम का राजा क सामैई जासी।”
राजा अगरीपा अर बरनिके क सामै पोलुस
13क्युंक दिना क पाछै राजा अगरीपा अर बरनिके फेतूसऊँ मिलबा कैसरिया आया। 14बानै बठै रेह्ता क्युंक दिन होया, जणा फेतूस पोलुस का मुकदमा की बात राजानै खे सुणायो अर बोल्यो, “अठै एक अंय्यां को मिनख ह जिनै फेलिक्स बंदि छोडगो हो। 15अर जद म यरूसलेम गयो जणा यहूदि मिनखा का परधान याजका अर यहूदि नेता बिकै खिलाप सिकायत करी अर बिनै सजा देबा की माँग करी। 16जणा म बाऊँ बोल्यो, रोम्या म ओ चलन कोनी की कोईनै बी बिकी बात सुण्या पेली अर जद ताँई बिपै दोस मंढबाळानै बिकै आमै-सामै कोनी कर्यो जा, सजा ताँई सूप दे। 17अर जद बे अठै आया, जणा म बिना टेम खराब कर्या आगला दिनई कचेरी म न्याय सिंघासन प बेठर ओडायो क पोलुसनै अठै पेस कर्यो जावै। 18अर जद बिपै दोस मंढबाळा खड़्या होया जणा बे बिपै अंय्यां का कोई बुरा काम को दोस कोनी मंढ्यो जंय्यां क म सोचै हो। 19पण बामै तो बाका धरम अर ईसु नाम का एक मिनख क बारां म जखो मरगो हो, अर इनै पोलुस जिंदो बतावै ह इ बात की राड़ ही। 20म इ बातनै ते कोनी कर सक्यो की आ बाता की जाणकारी कंय्यां ल्युं, जणा म पोलुसनै बुज्यो तेरा मुकदमा का फेसला ताँई तू यरूसलेम जाबा ताँई त्यार ह के? 21पण पोलुस दरखास्त लगाई की बिनै हिरासत म राख्यो जावै अर बिका मुकदमा को फेसलो रोम को राजा करै। जणा म ओडायो की जद ताँई म बिनै कैसर क कनै कोनी भेज द्युँ बिनै हिरासत मई राख्यो जावै।”
22जणा अगरीपा फेतूसऊँ बोल्यो, “म खुद, इ मिनख की सुणबो चाऊँ हूँ।” जणा फेतूस बोल्यो, “थे बिनै दिनग्या सुणज्यो।”
23आगला दिन अगरीपा अर बरनिके गाजा-बाजा क सागै सेनापती अर नगरी का मान्या-थान्या क सागै कचेरी म आया। जणा फेतूस ओडायो, “पोलुसनै ल्यायो जावै।” 24फेतूस बोल्यो, “म्हराज अगरीपा अर अठै भेळा सगळा मिनखो! थे इ मिनखनै देखर्या हो जिकै बारां म सगळो यहूदि समाज, अठै अर यरूसलेम म चिलार मेरूँ माँग करी की ओ ओर जीबा जोगो कोनी। 25पण म इमै मार्या जाबा जोगी क्युंई बुराई कोनी देखी। अर जंय्यां की ओ खुदई रोम का राजा की सुणाई ताँई दरखास्त करी, जणा म इनै बाकन भेजबा को फेसलो कर्यो। 26पण इकै बारां म मेर कनै कोई पुक्ता बात कोनी जखी म रोम का राजानै मांडर भेजूँ। जणाई तो म इनै थारै सामै अर खास कर म्हराज अगरीपा! थारै सामै ल्यायो हूँ जिऊँ इ पुछाताछी क पाछै मेर कनै मांडबा ताँई क्युं होवै। 27क्युं क बिना दोस बताया बंदिनै भेजबो मनै ठिक कोनी लागै।”
Atualmente selecionado:
काम 25: एस डब्लु वी
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(c) 2010-2017, New Life Computer Institute. All rights reserved
काम 25
25
फेतूस क सामै पोलुस की दरखास्त
1बि परदेस म पुगबा क तीन दिना पाछै, फेतूस कैसरियाऊँ यरूसलेम गयो। 2जणा बठै परधान याजका अर यहूदिआ का नेता बिकै सामै पोलुस क खिलाप बिका कान भरबा आया। 3अर बे बिऊँ दरखास्त करी क बो पोलुसनै कैसरियाऊँ यरूसलेम भेजै, क्युं क बे बिनै गेला मई मारबा की साजिस कर राखी ही। 4जणा फेतूस बाऊँ बोल्यो, “पोलुस कड़ा पेरा क मांयनै कैसरिया म बंद ह। अर म बी तावळो बठैई जार्यो हूँ। 5अर थारा क्युंक अधिकारी मेरै सागै चालीं अर ज बो क्युं गळत कर्यो ह जणा बिपै दोस लगावै।”
6फेतूस आठ दस दिन ओर बाकै सागै रिह्यो, जणा पाछै बो कैसरिया आयो। अर आगला दिन न्याय कचेरी म बेठर पोलुसनै बुलवा भेज्यो। 7अर जद पोलुस बठै आयो जणा यरूसलेमऊँ आएड़ा यहूदि बिकै बारकी फिरगा अर सागेड़ा-सागेड़ा दोस बिकै सीर मंढबो चालू कर्यो, पण बे बानै साबित कोनी कर सक्या। 8पण पोलुस आपका बचाव म बोल्यो, “म यहूदिआ का कानून, मनदर अर रोमी समराट मऊँ कोई क खिलाप क्युंई गळत कोनी कर्यो।” 9पण फेतूस यहूदि मिनखानै राजी करबा क चकरां म पोलुसऊँ बुज्यो, “के तू चावै ह की म तेरा मुकदमा को फेसलो यरूसलेम म करूं।” 10जणा पोलुस बोल्यो, “म रोम हाळा राजा का एक न्याय आसन क सामै खड़्यो हूँ, अर अठैई मेरो न्याय कर्यो जावै। यहूदिआ क खिलाप म क्युंई बुरो कोनी कर्यो इ बातनै तू चोखी ढाळ जाणै ह। 11ज म कानून तोड़्यो हूँ अर म क्युं अंय्यां को बुरो काम कर्यो हूँ जि बजेऊँ मनै मोत की सजा दि जावै जणा म मरबाऊँ कोनी मुकरूं। पण जखा गळत काम मेरै सीर मंड्या जार्या हीं ज बामैऊँ क्युंई सच कोनी निकळै जणा मनै आकै हाता म कोई कोनी सूप सकै, म रोम का राजा क सामै दरखास्त लगाऊँ हूँ।” 12जणा फेतूस आपका पंचा क सागै सला-मस्वरो कर बोल्यो, “तू रोम का राजा ताँई दरखास्त करी ह, जणा इब तू रोम का राजा क सामैई जासी।”
राजा अगरीपा अर बरनिके क सामै पोलुस
13क्युंक दिना क पाछै राजा अगरीपा अर बरनिके फेतूसऊँ मिलबा कैसरिया आया। 14बानै बठै रेह्ता क्युंक दिन होया, जणा फेतूस पोलुस का मुकदमा की बात राजानै खे सुणायो अर बोल्यो, “अठै एक अंय्यां को मिनख ह जिनै फेलिक्स बंदि छोडगो हो। 15अर जद म यरूसलेम गयो जणा यहूदि मिनखा का परधान याजका अर यहूदि नेता बिकै खिलाप सिकायत करी अर बिनै सजा देबा की माँग करी। 16जणा म बाऊँ बोल्यो, रोम्या म ओ चलन कोनी की कोईनै बी बिकी बात सुण्या पेली अर जद ताँई बिपै दोस मंढबाळानै बिकै आमै-सामै कोनी कर्यो जा, सजा ताँई सूप दे। 17अर जद बे अठै आया, जणा म बिना टेम खराब कर्या आगला दिनई कचेरी म न्याय सिंघासन प बेठर ओडायो क पोलुसनै अठै पेस कर्यो जावै। 18अर जद बिपै दोस मंढबाळा खड़्या होया जणा बे बिपै अंय्यां का कोई बुरा काम को दोस कोनी मंढ्यो जंय्यां क म सोचै हो। 19पण बामै तो बाका धरम अर ईसु नाम का एक मिनख क बारां म जखो मरगो हो, अर इनै पोलुस जिंदो बतावै ह इ बात की राड़ ही। 20म इ बातनै ते कोनी कर सक्यो की आ बाता की जाणकारी कंय्यां ल्युं, जणा म पोलुसनै बुज्यो तेरा मुकदमा का फेसला ताँई तू यरूसलेम जाबा ताँई त्यार ह के? 21पण पोलुस दरखास्त लगाई की बिनै हिरासत म राख्यो जावै अर बिका मुकदमा को फेसलो रोम को राजा करै। जणा म ओडायो की जद ताँई म बिनै कैसर क कनै कोनी भेज द्युँ बिनै हिरासत मई राख्यो जावै।”
22जणा अगरीपा फेतूसऊँ बोल्यो, “म खुद, इ मिनख की सुणबो चाऊँ हूँ।” जणा फेतूस बोल्यो, “थे बिनै दिनग्या सुणज्यो।”
23आगला दिन अगरीपा अर बरनिके गाजा-बाजा क सागै सेनापती अर नगरी का मान्या-थान्या क सागै कचेरी म आया। जणा फेतूस ओडायो, “पोलुसनै ल्यायो जावै।” 24फेतूस बोल्यो, “म्हराज अगरीपा अर अठै भेळा सगळा मिनखो! थे इ मिनखनै देखर्या हो जिकै बारां म सगळो यहूदि समाज, अठै अर यरूसलेम म चिलार मेरूँ माँग करी की ओ ओर जीबा जोगो कोनी। 25पण म इमै मार्या जाबा जोगी क्युंई बुराई कोनी देखी। अर जंय्यां की ओ खुदई रोम का राजा की सुणाई ताँई दरखास्त करी, जणा म इनै बाकन भेजबा को फेसलो कर्यो। 26पण इकै बारां म मेर कनै कोई पुक्ता बात कोनी जखी म रोम का राजानै मांडर भेजूँ। जणाई तो म इनै थारै सामै अर खास कर म्हराज अगरीपा! थारै सामै ल्यायो हूँ जिऊँ इ पुछाताछी क पाछै मेर कनै मांडबा ताँई क्युं होवै। 27क्युं क बिना दोस बताया बंदिनै भेजबो मनै ठिक कोनी लागै।”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
(c) 2010-2017, New Life Computer Institute. All rights reserved