Kurug 1
1
Emihito y'Abaisirairi bali omunsi Misiri
1 #
Kub 46:8-27. Ganu nugo amabara gabatabani ba Isirairi abaizire Misiri hamu na Yakobbo, buli omu n'eka ye. 2Rubbeni, Simyoni, Leevi, na Yuda; 3Isakara, Zebburuni na Benyamiini; 4Daani na Nafutaali; Gaadi na Aseeri. 5Abantu boona ab'oruzaaro rwa Yakobbo, baahikaga nsanju. Yosefu uwe akaba aikaire ira Misiri. 6Hanyuma Yosefu yafa na bagenzi be boona, n'abantu boona ab'akasumi ako. 7#Ebik 7:17.Baijukuru ba Isirairi bakazaara abaana baingi muno baakanya, baaba b'amaani muno; baijura ensi yoona Misiri.
8 #
Ebik 7:18. Omu biro ebi, omukama omuhyaka ow'akaba atamanyire Yosefu, akatandika kulema Misiri. 9Omukama ogu akagambira abantu ati: “Abantu ba Isirairi, batuhinguraine obwingi n'amaani. 10#Ebik 7:19.Tubacwere amagezi, baleke kweyongera kukanya, kakuba tucwekerwa obulemu, nibaija kwekoba n'abanyanzigwa abarukuturwanisa, bairuke omunsi.” 11Nahabweki, bakabateeraho abakuru b'emirimo bababonese nibabaha emirimo ey'amaani. Bakombekera Faraaho embuga ez'okwahuramu nizo zinu: Pisomu na Ramuseesi. 12Nkooku baagenzire nibongera kubabonesa emihito, nukwo Abaisirairi baagenzire nibeeyongera kukanya kandi nukwo baijwire ensi yoona nubwo Abamisiri, baatinire muno Abaisirairi. 13Nubwo kubaragira kukora n'amaani, 14baabasaaliza nibabaha emirimo ey'amaani, nibabasambisa obudongo, nibababumbisa amatafaali, nibabakozesa emirimo yoona ey'aheeru; buli mulimo gwona ogu baakoraga baagubakozesaaga n'amaani.
15Kandi, omukama wa Misiri yaragira abazaalisa, rundi abasehenyi#1:15 abazaalisa Rundi abasehenyi omu nuwe Sifura, ondi nuwe Puha, 16yabagambira ati: “Obu muraabaga nimuzaalisa abakazi Abahebburaayo, mukarora hazairwe omwana omwojo, mumwitege; obu araabaga mwisiki, mumulekege.” 17Baitu abazaalisa abo, bakaba bali bakazi abarukutiina Ruhanga, tibaakora eki omukama wa Misiri yabaragiire, abaana aboojo, na bo baabalekaga bali boomeezi. 18Omukama wa Misiri nukwo kweta abazaalisa yabakaguza ati: “Kiki ekibakozeseze kinu, mwayanga kwita abaana aboojo?” 19Abazaalisa bagambira Faraaho bati: “Abakazi Abahebburaayo tibarukusisana abakazi Abanyamisiri, b'amaani kandi nibazaara omuzaalisa atakabahikireho.” 20Ruhanga nukwo kukorra abazaalisa abo ebirungi; abantu Abaisirairi baakanya, baaba b'amaani muno. 21Abazaalisa abo habw'okutiina Ruhanga, na bo yabaha amaka n'okuzaara abaana. 22#Ebik 7:19.Nubwo Faraaho yaragiire abantu be naagamba ati: “Abaana aboojo boona abaraazaarwaga Abahebburaayo, mubanagege omu kyambu Nairo, baitu abaisiki boona, mubaleke boomeere.”
Atualmente selecionado:
Kurug 1: BRR2008
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bible in Runyoro/Rutooro Interconfessional Translation © Bible Society of Uganda, 2008.
Kurug 1
1
Emihito y'Abaisirairi bali omunsi Misiri
1 #
Kub 46:8-27. Ganu nugo amabara gabatabani ba Isirairi abaizire Misiri hamu na Yakobbo, buli omu n'eka ye. 2Rubbeni, Simyoni, Leevi, na Yuda; 3Isakara, Zebburuni na Benyamiini; 4Daani na Nafutaali; Gaadi na Aseeri. 5Abantu boona ab'oruzaaro rwa Yakobbo, baahikaga nsanju. Yosefu uwe akaba aikaire ira Misiri. 6Hanyuma Yosefu yafa na bagenzi be boona, n'abantu boona ab'akasumi ako. 7#Ebik 7:17.Baijukuru ba Isirairi bakazaara abaana baingi muno baakanya, baaba b'amaani muno; baijura ensi yoona Misiri.
8 #
Ebik 7:18. Omu biro ebi, omukama omuhyaka ow'akaba atamanyire Yosefu, akatandika kulema Misiri. 9Omukama ogu akagambira abantu ati: “Abantu ba Isirairi, batuhinguraine obwingi n'amaani. 10#Ebik 7:19.Tubacwere amagezi, baleke kweyongera kukanya, kakuba tucwekerwa obulemu, nibaija kwekoba n'abanyanzigwa abarukuturwanisa, bairuke omunsi.” 11Nahabweki, bakabateeraho abakuru b'emirimo bababonese nibabaha emirimo ey'amaani. Bakombekera Faraaho embuga ez'okwahuramu nizo zinu: Pisomu na Ramuseesi. 12Nkooku baagenzire nibongera kubabonesa emihito, nukwo Abaisirairi baagenzire nibeeyongera kukanya kandi nukwo baijwire ensi yoona nubwo Abamisiri, baatinire muno Abaisirairi. 13Nubwo kubaragira kukora n'amaani, 14baabasaaliza nibabaha emirimo ey'amaani, nibabasambisa obudongo, nibababumbisa amatafaali, nibabakozesa emirimo yoona ey'aheeru; buli mulimo gwona ogu baakoraga baagubakozesaaga n'amaani.
15Kandi, omukama wa Misiri yaragira abazaalisa, rundi abasehenyi#1:15 abazaalisa Rundi abasehenyi omu nuwe Sifura, ondi nuwe Puha, 16yabagambira ati: “Obu muraabaga nimuzaalisa abakazi Abahebburaayo, mukarora hazairwe omwana omwojo, mumwitege; obu araabaga mwisiki, mumulekege.” 17Baitu abazaalisa abo, bakaba bali bakazi abarukutiina Ruhanga, tibaakora eki omukama wa Misiri yabaragiire, abaana aboojo, na bo baabalekaga bali boomeezi. 18Omukama wa Misiri nukwo kweta abazaalisa yabakaguza ati: “Kiki ekibakozeseze kinu, mwayanga kwita abaana aboojo?” 19Abazaalisa bagambira Faraaho bati: “Abakazi Abahebburaayo tibarukusisana abakazi Abanyamisiri, b'amaani kandi nibazaara omuzaalisa atakabahikireho.” 20Ruhanga nukwo kukorra abazaalisa abo ebirungi; abantu Abaisirairi baakanya, baaba b'amaani muno. 21Abazaalisa abo habw'okutiina Ruhanga, na bo yabaha amaka n'okuzaara abaana. 22#Ebik 7:19.Nubwo Faraaho yaragiire abantu be naagamba ati: “Abaana aboojo boona abaraazaarwaga Abahebburaayo, mubanagege omu kyambu Nairo, baitu abaisiki boona, mubaleke boomeere.”
Atualmente selecionado:
:
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
Bible in Runyoro/Rutooro Interconfessional Translation © Bible Society of Uganda, 2008.