Versículos bíblicos populares de Ro 3

Partilhar

Yujto c'uxn x'och qui mulc qui masnil 'a 'a, yuj cha, may calnec quic 'a swach'l Dios. Palta yujn̈ej swach'c'ojlal Dios, on̈ 'ochc wach'l 'a sat ticnec, yujto colchjnacn̈ec xo yuj Cristo Jesús.

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

A Cristo 'ajxnac 'och xajmb'al-l yuj Dios. 'Elnc schiq'uil, yic tzyi'n 'el qui mulec, yujto tzca'c 'och qui c'ojl 'a 'a. 'Ixta yutjnac Dios sch'oxni, to caw tojl yutjnac sb'a pecti', yic ya'n niwnc'ojlal 'a eb' laj 'ochnc smul 'a 'a. 'Ixta yutjnac sch'oxn paxi, to an̈ja tojl snab'en ticnec. Yujto caw tojl tzyutj sb'a, yic tzyalni, to wach'n̈ec 'a sat an̈ tzca'c 'och qui c'ojl 'a Jesús.

May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

A 'a Ch'an̈ U'un̈ ata tzyal 'ixtic: May xon junc mach tzb'on tas wach', may xon wal junoc. May junc mach 'aych snab'en 'a Dios, may junc mach nanto yu'uj. Palta c'uxn xjuw 'el eb' smasnil. Junlajnn̈ej xjuw 'el eb'. Toc 'ayt junc mach tzb'on tas wach', man̈x 'a xon wal junoc.

'Ixta tzcutjec cojcan 'eli, to yujn̈ej tzca'c 'och qui c'ojl 'a Jesús, wach'n̈ec 'a sat Dios, man̈ yujoc qui yiclni tas tzyal jun ley cha.

Caw wal tz'el'chi. Wach'xam junjn mach tzyac' 'es, ax Dios caw yel tzyac' 'el'choc jantcn̈ej tas tzyala. A 'a Ch'an̈ U'un̈, ata tzyal 'ixtic: Mamin, a yic tzach b'eyc'ojlwi, tzcheclj 'eli to caw yel tojl ach, matz tac' yalx tu paxti 'aych yuj jun a b'eyc'ojlal cha, xchi.