Versículos bíblicos populares de Apoc 22

Partilhar

An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. An b'ab'l in 'a smasnil tas, slajb' pax waj 'a smasnil, xchi Jesucristo.

'Ix yaln Jesucristo 'ixtic: 'Ab'ec, jab'xoj wal 'oj in c'ochxi. 'Oj wi't spac yic junjn mach 'oj wac'a', a tzyala tastc tzb'o jun jun.

A Yespíritu Dios, yet' eb' 'icha to 'oj 'och yistloc jun tzcuch Calnelu, tzyaln eb' 'ixtic: —¡Cotn̈ec! xchi eb'. Yet' eb' tz'ab'n tas tzyal jun un̈ tic, yal cab' pax eb' 'ixtic: —¡Cotn̈ec! xchi cab' eb'. A eb' 'ay stacn̈ti'al, toto tznib'j eb', cot cab' eb'. Yu' cab' eb' jun a tz'a'n qui q'uinl 'a jun 'ejmn̈ej. Atn jun a tz'ajx 'a nab'an̈ej.

A eb' tz'ijx 'el smul, 'icha to tzju'l eb' spichul. Caw wach' yic eb', yujto 'ay yaln eb' yic slon sat te te tz'a'n qui q'uinlec 'a jun 'ejmn̈ej. 'Oj stac' yoch eb' 'a smac jun chon̈b' cha.

—Jab'xoj wal 'oj in c'ochxi, xchi Jesucristo. Caw wach' yic eb' tzyiclni tas tzyal jun libro tic, yujto an̈j Dios 'ay yico'.

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.

A jun xaln jun tzo'n̈ tic, a tzaln pax 'ixtic: —Wal yel, jab'xoj wal 'oj in c'ochxi, xchi. B'o cab' 'ixta'. ¡Cotn̈ ach Cajlil Jesús! Ya' cab' Cajlil Jesucristo swach'c'ojlal 'ayn̈ec qui masnil. Ya' cab'i'.

Ax xo e masnil tzeyab' tas tzyal jun libro yic Dios tic, 'oj walb't junx tic 'ayex: Toto 'ay eb' 'oj 'a'nc 'och xicl jun tzo'n̈ tic, ax jun tzo'n̈ yailal tz'ib'b'il 'a jun libro tic, a 'oj ya' cot Dios 'a yib'n̈ eb'. An̈jtona', toto 'ay eb' 'oj 'i'nc 'el junc tas 'a jun libro yic Dios tic, ax Dios 'oj 'i'nc 'el pax smacl eb' 'a jun te te yic q'uinl 'a jun 'ejmn̈ej. Man̈x 'a yaln eb' yic sc'och 'a schon̈b' Dios. Atn jun tzo'n̈ 'ix tz'ib'x can yab'xil 'a jun libro tic.