Versículos bíblicos populares de 2 Co 5

Partilhar

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A yic tzon̈ 'e'c 'a yolyib'n̈q'uinl tic, cojxn Dios tzca'c 'och 'a qui c'ojol. Man̈oc 'a jun tzo'n̈ tas tzquilc yet' qui sat 'aj tzca'c 'och qui c'ojol.

Smasnil jun tzo'n̈ xwal tic, a Dios tzb'on 'ayn̈ec. Yuj Cristo ya'jnac Dios niwnc'ojlal 'ayn̈ec, sec junc'ojlal xoj tzon̈ can yet'oc. A 'a'jnac copiso caln 'el on̈, chajtl tz'aj eb' 'anma yoch 'a junc'ojlal yet'oc. A jun tic, tzyal 'el'chi to a Dios 'aych 'a Cristo yic swulq'ui, sec junc'ojlal tz'aj eb' 'anma yet' smasnil. An̈ec tzon̈ canc 'a junc'ojlal yet'oc, man̈x 'oj ya'ch qui mul 'a quib'n̈ec. A 'a'jnac 'och jun 'ab'x tic 'a yol qui c'ab' on̈, sec tz'ec' cal-l on̈, chajtl tz'aj eb' 'anma yoch 'a junc'ojlal yet'oc.

Yuj cha, schecb' Cristo caj on̈. 'Icha to caw a Dios wan stew 'at 'ayx cuj on̈. Yuj cha, caw sjel Cristo tzon̈ 'aj qui tew 'at 'ayx on̈, sec tzex can 'a junc'ojlal yet' Dios.

Atn Cristo xcham qui jelc qui masnil, sec wach' an̈ec 'ayx qui q'uinl yu'uj, man̈xtzac qui b'eylb'ejc 'icha tzqui nib'j junjn on̈c 'a yol quico'. Palta tzqui b'eylb'ejc 'icha tznib'j jun xcham qui jelquec, xpitzw paxi. Yuj cha, an̈ xo tic on̈, man̈xtzac qui b'eyc'ojlej junc mach, yuj tas yilx on̈. A 'a yic yalan̈, wach'xam qui b'eyc'ojlejnac Cristo, yuj tas yilx on̈, palta man̈xtzac qui na yuj 'ixta ticnec on̈.

A schamc'ojlal Cristo tz'a'n yajlil 'ayn̈ on̈. Yujto cojc on̈, 'ay jun xcham qui jelc qui masnil. Yuj cha, qui masnil 'icha to chamnc on̈c yet'oc.