Versículos bíblicos populares de 1 Jn 3

Partilhar

Ex chamc'ojlb'il wu'uj, matz tac' ton̈j tzcalc yet' qui ti', to 'ay qui chamc'ojlalec. Palta yowlal tzon̈ colwjec 'a eb' quit creyenteal. 'Ixta tzcutjec qui ch'oxni, to 'ay qui chamc'ojlalec 'a yel.

Cojquec paxi tas yaj schamc'ojlal Dios 'ayn̈ec, yujto ya'jnac cham sb'a Jesucristo cujec. Yuj cha, yowlal 'ixta tzcutjec qui chamc'ojlan eb' quit creyenteal, tzca'nec cab' cham qui b'a yuj eb'.

'In caw tzon̈ schamc'ojlejec qui Mam Dios, yujto tzon̈ yalc yunnaloc. Yel toni, yunnaln̈ec xo. Ax eb' yic yolyib'n̈q'uinl tic, matz nachj 'el yuj eb', toto yunnaln̈ec xo Dios, yujto man̈ yojcoc eb' Dios tic.

A mach an̈ja sb'eylb'an maysch'olnil, an̈ja yic win diablo, yujto a win 'aj pitzwnac 'elt maysch'olnil cha. An̈jtona ticnec, an̈ja wan sb'on winac. Yuj wal cha, swulc' Yunnal Dios 'a yolyib'n̈q'uinl tic, wul ya'n lajwc tas tzb'o winac.

Toto yel yunnaln̈ec xo Dios, man̈x 'oj qui b'eylb'oc maysch'olnil, yujto jelb'ilx qui nab'enec yuj Dios, lajn x'aj 'icha yico'. A ticnec, man̈xtzac stac' qui b'eylb'anec maysch'olnil cha, yujto yunnaln̈ec xo.

Q'uinloc 'ay tas 'ay 'ayn̈ec, ax tzquilnec junc quit creyenteal to caw 'ay tas sc'a'l tz'och yu'uj. Toto matz 'o'ch qui c'ojlec 'a 'a, may jac qui chamc'ojlalec 'a Dios tzyal cha.

Toto tzqui yicljec jun tzo'n̈ schecnb'il, to 'ixta', junn̈j cajc yet'oc, junn̈j yaj pax quet' junjn on̈ec. Cojquec to 'aych 'ayn̈ec, yujto ya'jnac Yespíritu 'ayn̈ junjn on̈ec.

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

A jun checnb'il 'oj walb't 'ayx tic, yictax eyoch yico'oc Dios, eyamn 'och eyab'n yalx 'ixtic: Yowlal tzqui chamc'ojlejec qui b'a, xchi jun checnb'il tic.

Ex wu'tac, ex wanab', matz tac' ton̈j tzeyac' sat e c'ojol, yic 'oj chichnc 'och eb' yic yolyib'n̈q'uinl tic 'ayex.