Versículos bíblicos populares de Umatiu 7

Partilhar

“Kiwọm ashi ki fọng amen, ma bii, ma ma kpa ashi. Ma kee kiwọm, ma ma nda ashi. Ma kem abwo he lishi, ma Unim u buu amen angi.

Undi uyang-yang angwu a bii kiwọm, u kpa ashi, angwu a kee kiwọm, u nda shi, angwu a kem abwo he lishi, Unim u buu he angi.

“Undi uyang-yang angwu a gyo igie igi, u shi angi, u yi na ungikye angwu a bilishi angwu a ma tye ushọm uma pwọm he likwu kukọ.

He atan-lengi angwun kiwọm kiyang-yang ashi ma kee le bendi be shi ke men, ma shi ashi ha abe. Kimen i na Iten Umosis le ashia bitye-ugie kisọm Unim bi hwọ li.

Kukwo ahwu be gbe be kwu le likpan ku yi le ungwu-likọng angwu u yi shib-shib, ku mbee shi le kingie agbele. Bendi abe be nde kukwo kumen i be go ye.”

“Ma gbe he ungwu-likọng angwu u yi shib-shib hwan likọye kukwo ahwu ku gye he linim ku yi le ungwu-likọng angwu a gia, ku ngbeb agbele. Bendi gbam be gba ha he kukwo kumen ana.

Men abe ma ban i, ma ngye le ma ka bebwaa-men biwọm binunung teng-teng le Atyamen angwu he lifung-atabe a? Ufe u ba kung biwọm binunung ka bendi abe be bii he.

Ujeso a mbee kọng le, “Ma maa undi ushe ye, he Unim ọ u maa amen ushe ye. Kitaa ashi men ma maa undi ushe na Unim u be maa amen. Ukee angwu ma kee ke bendi na be be kee ke men.

Undi uyang-yang angwu a gyo igie igi, u shi angi ye, u yi nya ana kikpelye undi ashi ki ma tye ushọm uma pwọm he likwu kuyia a.

“Ki shi na a, wo nde kanwaa kibia ake ka yi unde-gang he utọng-shi, ki gbee a gbe le ubim ukwan angwu u yi kie he ugang utọng-shi ye? Ki shi na a, wo de unde-gang le u ndọ he wo fem he kanwaa kibia le he utọng-shi, wo shi le ubim ukwan he ugang utọng-shi?

“Ma baa kuhwo-men le ha bitye-ugie iman. Be ba hwaa le men mbiloo na itia, ukpọ be yi nya ana betang abe be gwu itia a. Ma ngya abe gba he akpe angi be shi nya ana ma ngye ukwan gbe he agbe angi u wum. Bendi be bung agbe Uvine le he bidang, nyọng be bung agbe ufig le he ítọng ye.

Ukwan ununung u wum agbe anunung; ukwan ubibi u wum agbe abibi.

Ukwan ununung u ha ndu wum agbe abibi, nyọng ukwan ubibi u wum agbe anunung ye.

Ukwan uyang-yang angwu u wum agbe anunung ye, be gying he fa he kinde.