Versículos bíblicos populares de Jenadik 1

Partilhar

Dak Allah nachal wèl, “Jok lah Èk èmpèrhéj sènꞌòy gerèk rik ma rik Èk, bok umjadik gerèk Èk. Umnak akal umbekuwase ma kenèmbek lawok èn bumi: mèn kak èn òng, mèn chèp èn langid, mèn chok bènleh, ròb mèn lawok kèjlaj rik rèꞌyak bok rik èꞌjok.” Jadik Allah pon napèrhéj sènꞌòy gerèk rik ma rik Eh, najadik ma sènꞌòy nak babeh ròb babok.

Allah nateꞌèl méj ma sènꞌòy nak bok naꞌor, “Kènwòt lah kuwòt kaꞌan bok tèrchëy lah ma kenèmbek bumi. Bekuwase lah ma kenèmbek bumi bok kenèmbek lawok: mèn kak èn òng, mèn chèp èn langid, ròb mèn lawok rik chèb-chib èn tèk.”

Bil mulak eh tòp, Allah napèrhéj langid, bumi, ròb kenèmbek ilok rik mok.

Gerèk doh lah nabelakuk: Bil mulak nak, bumi tik ranghãy, tok mèk-mok ilok-ilok, had òng laud jèꞌrok rik kèskelus. Rengah kerèmlãm nasèrkub ma òng jèꞌrok nak. Dak Ruway Allah nahèng-héng èn balikh riyap òng nak.

Dak Allah nachal, “Chelakh lah!” Dak chènlakh pon hòj mok.

Allah nanéh ma kenèmbek perènhéj Eh nak, dak nanéh kenèmbek nak méj geb. Dak nabelayèg bok nayah wèl, unak lah arik keꞌenam.

Allah nanéh ma chènlakh nak méj. Dak Rik Nak napèrmòy chènlakh nak nòm rengah.

Dak Allah nachal wèl, “Keyòkh lah! Yék iꞌog ma nyob kenèmbek lènlut rik méj untok nyomgéy, rik mok menéh bok rik bekèꞌbek.

Allah natèrjal chènlakh nak “Is,” dak rengah nak “Layèg.” Dak pas nak nabelayèg bok nayah, unak lah arik rik mulak.

Dak Allah nachal wèl, “Et lah tèghog rayak untok nampèrmòy òng èn tèk nòm òng èn balikh.”

Dak Yék iꞌog kenèmbek lènlut rik belaꞌer untok nèygéy mèn lawok: mèn chèp èn langid ròb kenèmbek lawok rik chèb-chib èn tèk, rik rèꞌyak bok rik èꞌjok — kenèmbek rik umgès-gos èn bumi doh.” Dak gerèk nak lah nabelakuk.

Dak Allah nachal wèl, “Et lah mèn chènlakh èn langid untok nampèrmòy is nòm layèg. Chènlakh nak lah tande rik perèhnéh arik, musim, ròb tawon.

Dak Allah nachal wèl, “Nòm tèk doh tèrhin lah mèn lènlut: kenèmbek rik bekèꞌbek menéh, bok kenèmbek jehuk rik bekèꞌbek. Dak tiyab lènlut nak akal mok menéh ròb kebek rik eh.” Dak gerèk nak lah nabelakuk

Dak gerèk nak lah nabelakuk: Allah nateꞌèl tèghog nak bok napèrmòy òng èn tèk nòm òng èn balikh.

tèk nak natèrhin ma kenèmbek lènlut nak, rik bekèꞌbek menéh bok jehuk rik bekèꞌbek, dak tiyab lènlut nak mok menéh ròb kebek rik eh. Dak Allah nanéh ma kenèmbek nak méj.

Allah napèrhéj nar chènlakh rik rayak geb: rik lebéh rayak nak untok namchelakh ma ès-is, bok rik ajok nak namchelakh ma layèg. Dak Allah napèrhéj keꞌjèk mèn pèrlòy.

Dak Allah nachal wèl, “Perak lah òng èn tèk langid nak namwid sewey èn néy tempad, supaye namꞌet tèk.” Dak gerèk nak lah nabelakuk. Allah natèrjal tèk karéh nak “Tèk,” dak òng rik sèywey naꞌtèk natèrjal kenëh um “Laud.” Dak Allah nanéh ma kenèmbek nak méj.

Allah nateꞌèl méj ma kenèmbek perènhéj Eh nak bok naꞌor, “Nyob lawok èn kelòj òng, yos lah kuwòt nyob bok chëy ibuk! Tèrbikh lah ma òng laud doh. Bok nyob chèp pon chëy lah ibuk èn bumi.”

Dak Allah nachal wèl, “Tèrꞌet lah èn bumi kenèmbek lawok rik umgèl-gel èn tèk: mèn chok bènleh ròb kenèmbek lawok kèjlaj, rik rèꞌyak bok rik èꞌjok.” Dak gerèk nak lah nabelakuk

Dak Allah nachal wèl, “Tèrbikh lah òng doh nòm kenèmbek mèn lawok rik gès-gos èn kelòj òng. Bok tèrbikh lah langid nòm kenèmbek chèp rik hèng-héng èn balikh.”

Allah pon napèrhéj kenèmbek lawok kèjlaj, rik rèꞌyak bok rik èꞌjok, ròb kenèmbek chok bènleh. Dak Allah nanéh ma kenèmbek nak méj.