Versículos bíblicos populares de Римӧ 8

Partilhar

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.

Ме тӧда, мый кулӧмыс ни олӧмыс, анделъяс ни енэжвыв юралысьяс да вынъяс, ӧніяыс ни локтанаыс, пыдтаыс ни судтаыс, – некутшӧм вӧчӧмтор оз вермы торйӧдны миянӧс Ен муслунысь, мый восьтӧма миянлы Исус Кристос Господьным пыр.

Жеблун дырйиным Лолыс отсалӧ миянлы. Ми весиг огӧ тӧдӧй, мый йылысь да кыдзи колӧ кевмысьнысӧ, но Ачыс Лолыс ышлолалӧмӧн кывъяс шутӧг кевмысьӧ миян вӧсна.

Мый та вылӧ шуам? Енмыс кӧ миян дор, коді миянлы паныд?

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

Вир-яйсянь мӧвпалӧмыд вайӧ кулӧм, а Ловсянь мӧвпалӧмыд сетӧ олӧм да лӧньлун.

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

Ме тадзи мӧвпала: ӧнія сьӧкыд нуӧмсӧ кӧ ӧткодявны сійӧ дзирдлуныскӧд, мый воссяс миянлы, тайӧ сьӧкыд нуӧмыс нинӧм оз сулав.

Мый вермас торйӧдны миянӧс Енлӧн муслунысь? Гашкӧ, шог, дзескӧдӧм, вӧтлӧм? Гашкӧ, тшыгъялӧм, кӧм-пасьтӧг кольӧм? Гашкӧ, неминуча суӧм, шыпуртысь кулӧм?

Енмыс ставсӧ аддзӧ миян сьӧлӧмысь да тӧдӧ Лолыслысь мӧвпъяссӧ. Ӧд Енлӧн кӧсйӧм серти Лолыс корӧ-кевмӧ вежа войтыр вӧсна.

Кодъясӧс нуӧдӧ Енлӧн Лолыс, найӧ Енлӧн ныв-пи.

Вир-яй серти олысьлӧн – тшыкӧм мӧвпъяс, а Лов серти олысьлӧн – Ловсянь мӧвпъяс.

Ӧд Енмыс Ассьыс Писӧ эз жалит, а сетіс Сійӧс ставным вӧсна. Сыкӧд тшӧтш оз ӧмӧй сет миянлы и став мукӧдторсӧ?

Ачыс Лолыс висьталӧ миян ловлы, мый ми Енлӧн ныв-пи. Ми кӧ Енмыслӧн ныв-пи, сідзкӧ, Кристоскӧд босьтам Енсянь вичмӧдӧмасӧ. Сыкӧд ӧтвыв кӧ сьӧкыдсӧ нуам, ӧтвыв Сыкӧд и дзирдлунас лоам.

Вир-яйсянь мӧвпалӧмыд эм Енлы паныд сувтӧм. Татшӧм мортыс оз сетчы Ен Индӧдлы, да и оз вермы.

Енлӧн став вӧчӧмторйыс ёна виччысьӧ Ен ныв-пилысь воссьӧмсӧ.

Ми тӧдам, мый став вӧчӧмторйыс ӧнӧдз на сьӧкыда ружтӧ-ойзӧ кага вайӧм дырйи моз.