Versículos bíblicos populares de Мк 6

Partilhar

Иисус нӹнӹлӓн келесен: «Ӓлмӓдӓ йӓрӓ вӓрӹш ӹшкетнӓок кенӓ, тӹштӹ тӓ изиш кӓнӓлтедӓ». Кешӹ дӓ толшы эдем пиш шукы ылын, седӹндон нӹнӹн качкашат жепӹштӹ ылде.

Но Иисус нӹнӹлӓн келесен: «Ӹшке кушмы кымдемӹштӹжӹ, ӹшке йыхыштыжы дӓ тонышывлӓ лошты веле пророкым ак шотлеп».

Сирӹш лӓкмӹкӹжӹ, пиш шукы халыкым ужынат, Иисус нӹнӹм ӹжӓлӓен. Эдемвлӓ кӹтӧзӹ гӹц пасна кодшы шарыквлӓ гань ылыныт. Иисус нӹнӹм шукылан тымдаш тӹнгӓлӹн.

Тӹштӹ Тӹдӹ нимахань цӱдӓм ӹштен кердде. Икманяр эдемӹм веле, кидшӹм вӹкӹштӹ пиштен, паремден. Ти эдемвлӓн ӹнянӹмӓшӹштӹ уке гишӓн Иисус ӧрӹн. Иисус вара йӹр ылшы солавлӓштӹ каштын дӓ тымден.

Вара Иисус вӹц сыкыр дон кок колым нӓлӹн дӓ, пӹлгомыш анжалын, благословаен. Вара сыкырым тодылын, тыменьшӹвлӓжӹлӓн пуэден, а нӹнӹжӹ халыклан шӓлӓтенӹт. Кок колымат цилӓлӓн пайылен. Цилӓн качкыныт дӓ темӹнӹт. Кодшы киндӹ лаштыквлӓ дӓ кол доно эче луаткок корзинӹм теменӹт.